MZUKA WA GOFU: Mfalme James IV alivyoiweka gofu kwenye ramani

Ulianza kuchezwa karne ya 15 huko Scotland, orijino yake ni huko eastern coast, Scotland. Bunge la Uskoti la Mfalme James wa Pili lilipiga marufuku mchezo huo mwaka wa 1457, Ingawa watu wengi walipuuza marufuku hiyo. Mwaka wa 1502 ulipata muhuri wa kifalme wa kuidhinishwa wakati wa Mfalme James IV wa Scotland (1473 -1513) alipokuwa mfalme wa kwanza wa gofu duniani. Umaarufu wa mchezo huo ulienea haraka katika karne ya 16 Ulaya kutokana na uidhinishaji huu wa kifalme. Mfalme Charles I alileta mchezo huo Uingereza na Mary Malkia wa Scotland aliutambulisha mchezo huo nchini Ufaransa aliposoma huko. Neno kedi ‘caddy’ linatokana na jina la wasaidizi wake wa kijeshi wa Ufaransa, waliojulikana kama kadeti.Mechi ya kwanza ya gofu ya kimataifa ilicheza 1682, wakati Duke York na George Patterson anayewakilisha Scotland, waliwashinda wakuu wawili wa Kiingereza. Ulikuwa mchezo rasmi, wakati Gentlemen Golfers of Leith, klabu ya kwanza ilipoundwa mwaka 1744 na kuanzisha shindano la kila mwaka la zawadi za fedha na sheria za shindano hili jipya ziliandaliwa na Duncan Forbes. Uwanja wa kwanza wa mashimo 18 ilijengwa huko St Andrews mwaka 1764, Mfalme William IV aliiheshimu klabu hiyo kwa jina la ‘Royal & Ancient’ na mwaka 1834, iliItambuliwa kuwa klabu ya gofu ya Kifalme Wakati huu wachezaji wa gofu walitumia fimbo za mbao zilizotengenezwa kawaida na mipira iliyotengenezwa kutoka kwa manyoya yaliyobanwa yaliyofungwa kwa ngozi ya farasi. Katika karne ya 19, inaelezwa nguvu ya Dola ya Uingereza ilipanuka na kuzunguka maeneo mengi ulimwengu, na hapo ndipo gofu ilianza kuchezwa kwenye nchi tofauti. Klabu ya kwanza ya gofu iliyoanzishwa nje ya Uskoti ilikuwa Royal Blackheath (karibu na London) mwaka 1766. Klabu ya kwanza ya gofu nje ya Uingereza ilikuwa Bangalore, India (1820). Nyingine zilizofuatwa haraka ni pamoja na Royal Curragh, Ireland (1856), Adelaide (1870), Royal Montreal (1873), Cape Town (1885), St Andrew ya New York (1888) na Royal Hong Kong (1889). Mapinduzi ya Viwanda ya enzi ya Victoria yalileta mabadiliko mengi, kuanza kwa reli kuliwaruhusu watu kutalii nje ya miji na hapo ndipo viwanja vingi vya gofu vilianza kujengwa mashambani na kuufanya kuwa nafuu na kuchezwa na watu wa kawaida na umaarufu wake ukaongezeka. Mashindano ya wazi wa British Open yalianza kwenye klabu ya Prestwick mwaka 1860 na Willie Park kuwa mshindi, baadae wakaja kina Tom Morris kisha mtoto wake aliyeweka rekodi ya kushinda mara nne mfululizo tangu 1869. Chama cha Gofu cha Marekani (USGA) kilianzishwa mwaka 1894 ili kudhibiti mchezo huko, kufikia 1900 zaidi ya vilabu 1000 vya gofu vilikuwa vimeundwa kote Marekani, upatikanaji wa ufadhili wa kina kupitia ufadhili wa kibiashara, Marekani ilijiimarisha haraka kama kitovu cha mchezo huo.