Mshambuliaji wa Dortmund,aondolewa nje ya kikosi cha leo dhidi ya Atletico Madrid

Mshambuliaji wa Borussia Dortmund, Sébastien Haller ameondolewa kwenye mechi ya  leo Jumanne ya robo fainali ya Ligi ya Mabingwa dhidi ya Atletico Madrid kutokana na jeraha lake la kifundo cha mguu wa kushoto.

“Haller aliumia kifundo cha mguu tena kwa bahati mbaya,” alisema kocha wa Dortmund Edin Terzić siku ya Jumatatu. “Sasa atakuwa na mapumziko kamili kwa wiki moja. Kutakuwa na utambuzi wa mwisho siku ya Jumamosi ili kuamua wakati wa kupumzika kwa usahihi zaidi. Tunafikiri hatakuwepo kwa wiki mbili hadi tatu.”

Haller alifunga bao la dakika za lala salama katika kupoteza kwa Dortmund 2-1 dhidi ya Atlético katika mechi ya kwanza Jumatano, lakini alijeruhiwa mapema katika ushindi wa timu hiyo wa Bundesliga dhidi ya Borussia Mönchengladbach Jumamosi.

Alipona jeraha la kifundo cha mguu wa kushoto na kuichezea Ivory Coast katika Kombe la Mataifa ya Afrika – alifunga katika fainali na kushinda taji – lakini alirejea na jeraha hilo mara kwa mara.

Mchezaji huyo alicheza nafasi ya akiba pekee ya Dortmund hadi alipoanza ligi kwa mara ya kwanza tangu katikati ya Septemba Jumamosi ilibidi atoke nje katika dakika ya tisa.

Haller alirejea uwanjani mwaka jana baada ya kuugua saratani ya tezi dume.