HAFLA ya kuadhimisha mwaka mmoja tangu kifo cha aliyekuwa kiongozi wa ODM Raila Odinga ilikumbwa na vurugu katika Kituo cha Utamaduni cha Migwena, Bondo, Kaunti ya Siaya, huku makundi hasimu ya kisiasa yakizozania urithi wake na mwelekeo wa chama hicho.
Vijana waliojihusisha na wanasiasa tofauti walifurika kwenye hema la wageni mashuhuri, wakitatiza shughuli na kufanya iwe vigumu kwa viongozi kufuatilia ratiba ya hafla hiyo.
Maombi yaliyoongozwa na Kanisa la Kianglikana nchini yalianza mwendo wa saa tano asubuhi, yakifuatiwa na hotuba za wanafamilia na burudani za muziki.
Hata hivyo, juhudi za msimamizi wa hafla kuwatawanya vijana hao hazikufaulu, hali iliyolazimu mjane wa Raila, Mama Ida Odinga, pamoja na watoto wao Raila Junior, Rosemary na Winnie, kuhamia hema nyingine.
Hali ilizidi kuwa mbaya baada ya baadhi ya vijana kuanza kurusha mawe kuelekea hema la wageni mashuhuri. Maafisa wa usalama waliokuwa wakilinda viongozi walitumia viti vya plastiki kuwakinga huku waliohudhuria wakitafuta mahali pa kujisitiri. Baadhi ya watu waliripotiwa kujeruhiwa.
Vurugu hizo zilitokea huku kukiwa na mvutano kati ya wanasiasa wanaounga mkono mrengo wa Linda Mwananchi na wale wanaounga mkono ushirikiano wa ODM na serikali ya Rais William Ruto.
Licha ya hali hiyo, hafla iliendelea huku familia ikitoa heshima kwa Raila, aliyefariki mwaka mmoja uliopita.
Mama Ida aliwaomba vijana kuwa watulivu na kueleza kuwa mwaka uliopita ulikuwa mgumu kwa familia, ambayo pia ilimpoteza dada yake Raila ndani ya siku 40 baada ya kifo chake.
Alisema bado wanaomboleza na akawashukuru wakazi wa Bondo, Kisumu na Wakenya wengine kwa kuendelea kuwafariji.
Mama Ida pia alikumbuka jinsi alivyokabidhi mumewe wananchi aendelee na safari yake ya kisiasa, akisema alitamani angerudi nyumbani akiwa hai.
Aliwataka viongozi na wazee kuwaelekeza vijana kwa upendo na subira, huku akiwahimiza vijana kuwaheshimu wazee.
Vurugu hizo ziliangazia mgawanyiko unaozidi kujitokeza ndani ya ODM kuhusu jinsi ya kuendeleza siasa za Raila na msimamo wa chama kuelekea uchaguzi mkuu wa 2027.
Vurugu katika kumbukumbu ya mwaka mmoja tangu kifo cha Raila

This story was originally published by Taifa Leo.
Read the full story at Taifa LeoRelated stories
NewsIcoT yatakiwa kuongeza wataalamu ujenzi
MOROGORO: Serikali imesema itaendelea kuiimarisha Taasisi ya Teknolojia ya Ujenzi (ICoT), ili kutayarisha wataalamu wengi wenye ujuzi na umahiri watakaoweza kujiajiri na kuajirika kikamilifu katika utekelezaji wa miradi mbalimbali ya maendeleo nchini. Katibu Mkuu wa Wizara ya Ujenzi Balozi, Aisha Amour amesema hatua hiyo inalenga kuongeza upatikanaji wa mafundi sanifu na wataalamu wa kada mbalimbali…
NewsKampuni za Amerika zashinda zabuni kuchimba madini Kwale
MUUNGANO wa kampuni nne za Amerika umeshinda zabuni ya kuendeleza uchimbaji na uchakataji wa madini-adimu na niobium katika eneo la Mrima Hill, Kaunti ya Kwale, ambayo thamani yake inakadiriwa kuzidi Sh6 trilioni. Waziri wa Madini Hassan Joho alitangaza Frontier Minerals Consortium kuwa mshindi wa zabuni hiyo ya matrilioni ya fedha baada ya mchakato wa tathmini na ukaguzi wa ununuzi kukamilika. Ushindi huo unaipa Amerika nafasi muhimu katika sekta ya madini ya kimkakati nchini Kenya, huku ikiendelea kushindana na China kudhibiti upatikanaji na uchakataji wa madini hayo duniani. Kampuni zinazounda muungano wa ushirika huo ni Frontier Minerals LLC, Bunker Hill Mining Corp, ReElement Technologies na American Resources Corporation. Kila kampuni ina utaalamu wake katika uchimbaji, upatikanaji wa madini adimu, uchakataji na usafishaji wa madini muhimu kwa viwanda vya kisasa. Madini ya niobium katika Mrima Hill hutumika katika utengenezaji wa vifaa vya anga, huku madini-adimu yakihitajika katika magari ya umeme, vifaa vya kielektroniki, mitambo ya upepo, silaha za kisasa na teknolojia ya Akili-Unde. Kampuni ya ReElement Technologies tayari imevutia uwekezaji wa serikali ya Amerika wa Dola milioni 25 (takriban Sh3.2 bilioni) uliotangazwa mnamo Julai 2026 kusaidia uwekaji wa vifaa katika kiwanda chake cha kusafisha madini adimu katika jimbo la Indiana, Amerika. Uwekezaji huo ni sehemu ya juhudi za Amerika kupunguza kutegemea China, ambayo inaongoza duniani katika uchakataji wa madini hayo. Kampuni saba ziliorodheshwa kushindania mradi huo mnamo Julai, zikiwemo kampuni mbili za China, miungano miwili ya kampuni kutoka Amerika, muungano wa Australia na ubia wa Kenya na Uingereza. Kampuni za China baadaye zilijiondoa. Joho alisema kushinda zabuni hakumaanishi kampuni hiyo inaweza kuanza uchimbaji mara moja. Inapaswa kwanza kupata leseni zinazohitajika, kutekeleza masharti ya kisheria na kushirikisha jamii ya eneo hilo. Serikali pia imesisitiza kuwa madini hayo hayapaswi kuuzwa yakiwa ghafi, bali yaongezwe thamani nchini kupitia viwanda vya uchakataji. Muungano huo umesema utajenga uwezo wa kuchakata madini nchini, hatua inayoweza kuunda nafasi za ajira na kuongeza mapato. Kwa Kenya, mradi huo unatoa fursa ya kupanua uchumi ambao kwa muda mrefu umetegemea kilimo na utalii. Mapato ya sekta ya madini yalipungua kutoka Sh35 bilioni mwaka 2022 hadi Sh20.3 bilioni mwaka jana, hasa kutokana na kufungwa kwa migodi ya madini ya titanium katika Kaunti ya Kwale. Hata hivyo, mafanikio ya mradi wa Mrima Hill yatategemea uwekezaji, masharti ya leseni na namna jamii zitakavyoshirikishwa na kunufaika.
News2027: ACF warns of emerging political violence, urges restraint
…Forum urges Tinubu, governors to ensure fairness to opposition By Ibrahim Hassan-Wuyo The Arewa Consultative Forum (ACF) has raised concerns over emerging signs of political violence ahead of the 2027 general elections, urging political leaders, security agencies and Nigerians to embrace restraint and protect democratic values. The forum warned that provocative demonstrations, stone-throwing, abusive chants […]
NewsUtatu haki jinai watakiwa kuimarisha ushirikiano
ARUSHA: Mwanasheria Mkuu wa Serikali, Hamza Johari, ameitaka Taasisi ya Kuzuia na Kupambana na Rushwa (TAKUKURU), Ofisi ya Taifa ya Mashtaka (DPP) na Jeshi la Polisi, kwa kushirikiana na taasisi nyingine za haki jinai, kutekeleza majukumu yao kwa uadilifu, uaminifu na uzalendo ili kujenga imani ya wananchi kwa Serikali. Johari amesema hayo leo jijini Arusha…