KUMBUKUMBU ya mwaka mmoja tangu kifo cha aliyekuwa kiongozi wa ODM Raila Odinga ilikumbwa na suintofahamu Alhamisi baada ya baadhi ya vigogo wa chama hicho na Rais William Ruto kukosa kuhudhuria hafla iliyofanyika Migwena, Bondo, kaunti ya Siaya.
Kutohudhuria kwa viongozi hao kulizua maswali kuhusu mgawanyiko ndani ya ODM na uhusiano wake na serikali jumuishi ya Rais Ruto, huku mirengo pinzani ikizozana kuhusu urithi wa kisiasa wa Raila na mwelekeo wa chama kuelekea uchaguzi mkuu wa 2027.
Mwenyekiti wa ODM Gladys Wanga, naibu kiongozi wa chama Abdulsamad Nassir na Mbunge wa Suna Mashariki Junet Mohamed walikuwa miongoni mwa viongozi wakuu waliokosekana katika hafla hiyo.
Vyanzo vya ndani ya chama vilisema baadhi ya maafisa hawakufurahishwa na mpangilio wa sherehe, ambao waliamini uliwapa nafasi kubwa viongozi wa upinzani, wakiwemo wale wanaohusishwa na kundi la Linda Mwananchi linaloongozwa na Seneta wa Nairobi Edwin Sifuna.
Rais Ruto naye hakuhudhuria hafla hiyo, licha ya serikali yake kusaidia mazishi ya kitaifa ya Raila na ujenzi wa kaburi lake Kang’o Ka Jaramogi.
Rais mstaafu Uhuru Kenyatta pia hakuhudhuria hafla hiyo.
Vyanzo vya serikali vilisema Rais alijiondoa baada ya kubainika kuwa viongozi wa upinzani wangekuwa na nafasi kubwa katika sherehe hizo.
Kutokuwepo kwa vigogo hao kulijiri huku mjane wa Raila, Mama Ida Odinga, akiwakaribisha viongozi wa upinzani katika shamba la familia la Opoda kabla ya kuelekea Migwena.
Linda Mwananchi ilipokelewa Opoda, hatua iliyozidisha mjadala kuhusu iwapo kumbukumbu ya Raila ilipaswa kuwa hafla ya ODM pekee au jukwaa la kuwakutanisha viongozi kutoka mirengo yote ya kisiasa.
“Siasa ni ushawishi, si udikteta kama tunavyoshuhudia hapa. Raila alitufundisha kuweka maisha ya wananchi mbele tunapofanya maamuzi,” alisema Sifuna.
Bw Orengo alisema upinzani utaungana nyuma ya mgombea mmoja ili kumshinda Rais Ruto, akitaja ukosefu wa ajira kuwa mojawapo ya changamoto zinazowakabili Wakenya
Mama Ida alitetea uamuzi wa kuwapokea viongozi kutoka mirengo yote, akisema Raila alikuwa wa Wakenya wote na urithi wake haupaswi kufungwa ndani ya chama kimoja.
Mvutano huo ulijitokeza wazi uwanjani, ambapo wafuasi wa mirengo tofauti walizozana na baadhi ya vijana kujaa katika hema la wageni waalikwa. Hali hiyo ilivuruga baadhi ya shughuli za hafla.
Huku viongozi wanaounga mkono ushirikiano na serikali wakitetea mwelekeo huo, wanasiasa wa upinzani walisisitiza kuwa njia bora ya kumuenzi Raila ni kuunganisha nguvu na kumwondoa Rais Ruto madarakani mwaka 2027.
Naibu kiongozi wa ODM Simba Arati aliwaambia wanaofikiria kuondoka chama hicho kuwa wako huru kufanya hivyo, akisisitiza kuwa ODM bado ina nguvu katika Nyanza.
Huku baadhi ya viongozi wakisisitiza kuwa urithi wa Raila unapaswa kulindwa ndani ya ODM na kwa kushirikiana na serikali, wengine walisema njia bora ya kumuenzi ni kuunganisha upinzani na kumuondoa Rais Ruto madarakani mwaka ujao.
Mvutano huo ulijitokeza wiki kadhaa kabla ya sherehe hizo, huku familia ikiunda kamati ya kitaifa ya kuratibu kumbukumbu za Raila, iliyoongozwa na Profesa Adams Oloo na kusaidiwa na Mbunge wa Rarieda Otiende Amollo, ODM ilianzisha sherehe za mwezi mzima za Mwezi wa Baba.
Miongoni mwa viongozi wa upinzani waliohudhuria ni aliyekuwa Jaji Mkuu David Maraga, kiongozi wa People’s Liberation Party Martha Karua, kiongozi wa DAP-K Eugene Wamalwa, Seneta Godfrey Osotsi na kiongozi wa Safina Jimi Wanjigi.
Kutokuwepo kwa baadhi ya vigogo na mvutano uliojitokeza vilifanya kumbukumbu hiyo kuwa zaidi ya hafla ya maombolezo, huku maswali kuhusu umoja wa ODM na urithi wa Raila yakitawala mazungumzo kuelekea uchaguzi wa 2027.
Vigogo wasusia hafla ya kumbukumbu ya Raila

This story was originally published by Taifa Leo.
Read the full story at Taifa LeoRelated stories
NewsIcoT yatakiwa kuongeza wataalamu ujenzi
MOROGORO: Serikali imesema itaendelea kuiimarisha Taasisi ya Teknolojia ya Ujenzi (ICoT), ili kutayarisha wataalamu wengi wenye ujuzi na umahiri watakaoweza kujiajiri na kuajirika kikamilifu katika utekelezaji wa miradi mbalimbali ya maendeleo nchini. Katibu Mkuu wa Wizara ya Ujenzi Balozi, Aisha Amour amesema hatua hiyo inalenga kuongeza upatikanaji wa mafundi sanifu na wataalamu wa kada mbalimbali…
NewsKampuni za Amerika zashinda zabuni kuchimba madini Kwale
MUUNGANO wa kampuni nne za Amerika umeshinda zabuni ya kuendeleza uchimbaji na uchakataji wa madini-adimu na niobium katika eneo la Mrima Hill, Kaunti ya Kwale, ambayo thamani yake inakadiriwa kuzidi Sh6 trilioni. Waziri wa Madini Hassan Joho alitangaza Frontier Minerals Consortium kuwa mshindi wa zabuni hiyo ya matrilioni ya fedha baada ya mchakato wa tathmini na ukaguzi wa ununuzi kukamilika. Ushindi huo unaipa Amerika nafasi muhimu katika sekta ya madini ya kimkakati nchini Kenya, huku ikiendelea kushindana na China kudhibiti upatikanaji na uchakataji wa madini hayo duniani. Kampuni zinazounda muungano wa ushirika huo ni Frontier Minerals LLC, Bunker Hill Mining Corp, ReElement Technologies na American Resources Corporation. Kila kampuni ina utaalamu wake katika uchimbaji, upatikanaji wa madini adimu, uchakataji na usafishaji wa madini muhimu kwa viwanda vya kisasa. Madini ya niobium katika Mrima Hill hutumika katika utengenezaji wa vifaa vya anga, huku madini-adimu yakihitajika katika magari ya umeme, vifaa vya kielektroniki, mitambo ya upepo, silaha za kisasa na teknolojia ya Akili-Unde. Kampuni ya ReElement Technologies tayari imevutia uwekezaji wa serikali ya Amerika wa Dola milioni 25 (takriban Sh3.2 bilioni) uliotangazwa mnamo Julai 2026 kusaidia uwekaji wa vifaa katika kiwanda chake cha kusafisha madini adimu katika jimbo la Indiana, Amerika. Uwekezaji huo ni sehemu ya juhudi za Amerika kupunguza kutegemea China, ambayo inaongoza duniani katika uchakataji wa madini hayo. Kampuni saba ziliorodheshwa kushindania mradi huo mnamo Julai, zikiwemo kampuni mbili za China, miungano miwili ya kampuni kutoka Amerika, muungano wa Australia na ubia wa Kenya na Uingereza. Kampuni za China baadaye zilijiondoa. Joho alisema kushinda zabuni hakumaanishi kampuni hiyo inaweza kuanza uchimbaji mara moja. Inapaswa kwanza kupata leseni zinazohitajika, kutekeleza masharti ya kisheria na kushirikisha jamii ya eneo hilo. Serikali pia imesisitiza kuwa madini hayo hayapaswi kuuzwa yakiwa ghafi, bali yaongezwe thamani nchini kupitia viwanda vya uchakataji. Muungano huo umesema utajenga uwezo wa kuchakata madini nchini, hatua inayoweza kuunda nafasi za ajira na kuongeza mapato. Kwa Kenya, mradi huo unatoa fursa ya kupanua uchumi ambao kwa muda mrefu umetegemea kilimo na utalii. Mapato ya sekta ya madini yalipungua kutoka Sh35 bilioni mwaka 2022 hadi Sh20.3 bilioni mwaka jana, hasa kutokana na kufungwa kwa migodi ya madini ya titanium katika Kaunti ya Kwale. Hata hivyo, mafanikio ya mradi wa Mrima Hill yatategemea uwekezaji, masharti ya leseni na namna jamii zitakavyoshirikishwa na kunufaika.
News2027: ACF warns of emerging political violence, urges restraint
…Forum urges Tinubu, governors to ensure fairness to opposition By Ibrahim Hassan-Wuyo The Arewa Consultative Forum (ACF) has raised concerns over emerging signs of political violence ahead of the 2027 general elections, urging political leaders, security agencies and Nigerians to embrace restraint and protect democratic values. The forum warned that provocative demonstrations, stone-throwing, abusive chants […]
NewsUtatu haki jinai watakiwa kuimarisha ushirikiano
ARUSHA: Mwanasheria Mkuu wa Serikali, Hamza Johari, ameitaka Taasisi ya Kuzuia na Kupambana na Rushwa (TAKUKURU), Ofisi ya Taifa ya Mashtaka (DPP) na Jeshi la Polisi, kwa kushirikiana na taasisi nyingine za haki jinai, kutekeleza majukumu yao kwa uadilifu, uaminifu na uzalendo ili kujenga imani ya wananchi kwa Serikali. Johari amesema hayo leo jijini Arusha…