IKUNGI, SINGIDA: Taasisi ya Kuzuia ya Kupambana na Rushwa (TAKUKURU) mkoani Singida imekuja na mbinu mpya ya kutumia ngoma za asili kuelimisha wananchi madhara ya rushwa na umuhimu wa uadilifu katika jamii.
Hayo yamedhihirika wakati wa tamasha la la ngoma za asili lililofanyika katika kata ya Iyumbu, wilayani Ikungi, Singida mwishoni mwa juma ambapo vikundi mbalimbali vilifanya maonesho kwa umahiri huku vikiweka msisistizo kwenye kauli mbiu ‘Ngoma Zetu, Uadilifu Wetu’.
Akizungumza wakati wa ufunguzi wa tamasha hilo, Mkuu wa Takukuru mkoani Singida, Sosthenes Kibwengo alisema kuwa jamii za Kitanzania zina utajiri mkubwa wa mila, desturi, nyimbo, ngoma na sanaa mbalimbali ambazo zimekuwa zikitumika kuelimisha, kuonya, kukemea maovu na kuimarisha mshikamano.
“Kwa muda mrefu, ngoma za asili zimekuwa sehemu muhimu katika maisha yetu, zikitumika kufikisha ujumbe na kurithisha maarifa na maadili kutoka kizazi kimoja kwenda kingine,” Kibwengo alisema.
Kwa mujibu wa Mkuu huyo, Takukuru imeamua kutumia ujumbe huo kuhamasisha matendo ya uadilifu kupitia utamaduni ili kujenga jamii inayojali haki, usawa na maendeleo.
“Napenda kutumia nafasi hii kueleza kuwa, uadilifu hauishi katika ofisi za Serikali pekee. Uadilifu unaanzia nyumbani, shuleni, katika bishara, kwenye shughuli za kijamii na katika maeneo yetu ya kazi,” alisisitiza mbele ya Katibu Tawala wa Halsmahauri ya Wilaya ya Ikungi, Rashidi Rashidi.
Aliongeza kuwa mapambano dhidi ya rushwa yanaanza na maamuzi wananchi wanayofanya kila siku hivyo wanapoikataa ina maana wanalinda haki zao na wakitoa taarifa za vitendo vya rushwa wanasaidia uwajibikaji.
“Natoa wito kwa wananchi wa Kata ya Iyumbu na Wilaya ya Ikungi kwa ujumla kuendelea kushirikiana na TAKUKURU na viongozi wengine katika kujenga jamii inayokataa rushwa na kuthamini uadilifu,” aliongeza.
Alifafanua kuwa tamasha hilo ni zaidi ya burudani kwani jukwaa la kuunganisha utajiri wa utamaduni wetu na mapambano dhidi ya rushwa, kwa kutumia sanaa kama nyenzo ya kuelimisha jamii kuhusu madhara ya rushwa, kuhamasisha uwajibikaji na kujenga misingi imara ya uadilifu.
Alisema kuwa rushwa kikwazo cha maendeleo na hudhoofisha utoaji wa huduma bora, husababisha matumizi mabaya ya rasilimali za umma, hudhoofisha Imani ya wananchi kwa taasisi zao na inaweza kuwanyima wananchi haki wanazostahili.
Alifafanua kuwa madhara yake hugusa maisha ya kila siku ya wananchi, kuanzia katika huduma za afya na elimu hadi katika utekelezaji wa miradi ya maendeleo.
Takukuru yatumia ngoma za asili vita dhidi ya rushwa

This story was originally published by Habari Leo.
Read the full story at Habari LeoRelated stories
NewsIcoT yatakiwa kuongeza wataalamu ujenzi
MOROGORO: Serikali imesema itaendelea kuiimarisha Taasisi ya Teknolojia ya Ujenzi (ICoT), ili kutayarisha wataalamu wengi wenye ujuzi na umahiri watakaoweza kujiajiri na kuajirika kikamilifu katika utekelezaji wa miradi mbalimbali ya maendeleo nchini. Katibu Mkuu wa Wizara ya Ujenzi Balozi, Aisha Amour amesema hatua hiyo inalenga kuongeza upatikanaji wa mafundi sanifu na wataalamu wa kada mbalimbali…
NewsKampuni za Amerika zashinda zabuni kuchimba madini Kwale
MUUNGANO wa kampuni nne za Amerika umeshinda zabuni ya kuendeleza uchimbaji na uchakataji wa madini-adimu na niobium katika eneo la Mrima Hill, Kaunti ya Kwale, ambayo thamani yake inakadiriwa kuzidi Sh6 trilioni. Waziri wa Madini Hassan Joho alitangaza Frontier Minerals Consortium kuwa mshindi wa zabuni hiyo ya matrilioni ya fedha baada ya mchakato wa tathmini na ukaguzi wa ununuzi kukamilika. Ushindi huo unaipa Amerika nafasi muhimu katika sekta ya madini ya kimkakati nchini Kenya, huku ikiendelea kushindana na China kudhibiti upatikanaji na uchakataji wa madini hayo duniani. Kampuni zinazounda muungano wa ushirika huo ni Frontier Minerals LLC, Bunker Hill Mining Corp, ReElement Technologies na American Resources Corporation. Kila kampuni ina utaalamu wake katika uchimbaji, upatikanaji wa madini adimu, uchakataji na usafishaji wa madini muhimu kwa viwanda vya kisasa. Madini ya niobium katika Mrima Hill hutumika katika utengenezaji wa vifaa vya anga, huku madini-adimu yakihitajika katika magari ya umeme, vifaa vya kielektroniki, mitambo ya upepo, silaha za kisasa na teknolojia ya Akili-Unde. Kampuni ya ReElement Technologies tayari imevutia uwekezaji wa serikali ya Amerika wa Dola milioni 25 (takriban Sh3.2 bilioni) uliotangazwa mnamo Julai 2026 kusaidia uwekaji wa vifaa katika kiwanda chake cha kusafisha madini adimu katika jimbo la Indiana, Amerika. Uwekezaji huo ni sehemu ya juhudi za Amerika kupunguza kutegemea China, ambayo inaongoza duniani katika uchakataji wa madini hayo. Kampuni saba ziliorodheshwa kushindania mradi huo mnamo Julai, zikiwemo kampuni mbili za China, miungano miwili ya kampuni kutoka Amerika, muungano wa Australia na ubia wa Kenya na Uingereza. Kampuni za China baadaye zilijiondoa. Joho alisema kushinda zabuni hakumaanishi kampuni hiyo inaweza kuanza uchimbaji mara moja. Inapaswa kwanza kupata leseni zinazohitajika, kutekeleza masharti ya kisheria na kushirikisha jamii ya eneo hilo. Serikali pia imesisitiza kuwa madini hayo hayapaswi kuuzwa yakiwa ghafi, bali yaongezwe thamani nchini kupitia viwanda vya uchakataji. Muungano huo umesema utajenga uwezo wa kuchakata madini nchini, hatua inayoweza kuunda nafasi za ajira na kuongeza mapato. Kwa Kenya, mradi huo unatoa fursa ya kupanua uchumi ambao kwa muda mrefu umetegemea kilimo na utalii. Mapato ya sekta ya madini yalipungua kutoka Sh35 bilioni mwaka 2022 hadi Sh20.3 bilioni mwaka jana, hasa kutokana na kufungwa kwa migodi ya madini ya titanium katika Kaunti ya Kwale. Hata hivyo, mafanikio ya mradi wa Mrima Hill yatategemea uwekezaji, masharti ya leseni na namna jamii zitakavyoshirikishwa na kunufaika.
News2027: ACF warns of emerging political violence, urges restraint
…Forum urges Tinubu, governors to ensure fairness to opposition By Ibrahim Hassan-Wuyo The Arewa Consultative Forum (ACF) has raised concerns over emerging signs of political violence ahead of the 2027 general elections, urging political leaders, security agencies and Nigerians to embrace restraint and protect democratic values. The forum warned that provocative demonstrations, stone-throwing, abusive chants […]
NewsUtatu haki jinai watakiwa kuimarisha ushirikiano
ARUSHA: Mwanasheria Mkuu wa Serikali, Hamza Johari, ameitaka Taasisi ya Kuzuia na Kupambana na Rushwa (TAKUKURU), Ofisi ya Taifa ya Mashtaka (DPP) na Jeshi la Polisi, kwa kushirikiana na taasisi nyingine za haki jinai, kutekeleza majukumu yao kwa uadilifu, uaminifu na uzalendo ili kujenga imani ya wananchi kwa Serikali. Johari amesema hayo leo jijini Arusha…