MDHIBITI wa Bajeti (CoB) Margaret Nyakang’o, amezua wasiwasi kuhusu hatua ya Kaunti ya Nairobi kukopa Sh1.5 bilioni kila mwezi kutoka Sidian Bank kulipa mishahara, licha ya serikali kuu kutoa mgao wa fedha kwa wakati.
Ripoti iliyowasilishwa mbele ya Kamati ya Seneti kuhusu Teknolojia ya Habari na Mawasiliano, inaonyesha kuwa kaunti hiyo ilikopa Sh1.56 bilioni Septemba na Sh1.49 bilioni Oktoba.
Katika barua ya Novemba 16, 2026, Waziri wa Fedha wa Kaunti ya Nairobi Ibrahim Nyangoya Auma alithibitisha kuwa serikali ya kaunti ilitia saini makubaliano na Sidian Bank kuwezesha malipo ya mishahara.
Hata hivyo, baadhi ya makato ya wafanyakazi yaliyopaswa kupelekwa kwa vyama vya akiba na mikopo (SACCO), hazina za pensheni na taasisi nyingine hayakulipwa kikamilifu.
Benki hiyo ilionyesha kuwa Sh249.3 milioni za makato hayo Agosti bado hazijalipwa Septemba sawa na Sh254.5 milioni za Septemba zilizopaswa kulipwa Oktoba.
Katika barua ya Novemba 16, 2026, Waziri wa Fedha wa Kaunti ya Nairobi Ibrahim Nyangoya Auma alithibitisha kuwa serikali ya kaunti ilitia saini makubaliano na Sidian Bank kuwezesha malipo ya mishahara.
Alisema mpango huo ulilenga kushughulikia changamoto za haraka za kulipa wafanyakazi huku kaunti ikiimarisha mapato na usimamizi wa fedha.
Hata hivyo, Nyakang’o alihoji sababu ya kaunti kukopa ilhali mgao wa fedha kutoka Serikali ya Kitaifa haukuwa umechelewa.
“Hadi Oktoba, kaunti zilikuwa zimepokea mgao wao. Nairobi hata imepokea fedha za Novemba, lakini bado inakopa kutoka Sidian Bank,” alisema.
Alisema ofisi yake iliitaka serikali ya Gavana Johnson Sakaja kueleza gharama ya riba inayolipwa kwa mkopo huo.
Wasiwasi mwingine ni matumizi ya mfumo wa malipo ya mishahara nje ya Mfumo wa Taarifa za Rasilimali Watu (HRIS), ambao unaunganisha malipo ya mishahara na makato ya kisheria.
Nyakang’o alisema utaratibu huo unaweza kusababisha wafanyakazi kulipwa mishahara huku michango ya pensheni, makato ya SACCO na marejesho ya mikopo yakikosa kuwasilishwa.
“Hatari yake ni kuwa makato ya kisheria hayalipwi. Hili ni janga linalosubiri kutokea,” alisema.
Aliongeza kuwa baadhi ya michango ya pensheni na malipo ya mikopo ya wafanyakazi hayakuwa yamewasilishwa kwa taasisi husika.
Serikali ya Sakaja yamulikwa kwa kukopa Sh1.5 bilioni kutoka Sidian Bank kila mwezi

This story was originally published by Taifa Leo.
Read the full story at Taifa LeoRelated stories
NewsIcoT yatakiwa kuongeza wataalamu ujenzi
MOROGORO: Serikali imesema itaendelea kuiimarisha Taasisi ya Teknolojia ya Ujenzi (ICoT), ili kutayarisha wataalamu wengi wenye ujuzi na umahiri watakaoweza kujiajiri na kuajirika kikamilifu katika utekelezaji wa miradi mbalimbali ya maendeleo nchini. Katibu Mkuu wa Wizara ya Ujenzi Balozi, Aisha Amour amesema hatua hiyo inalenga kuongeza upatikanaji wa mafundi sanifu na wataalamu wa kada mbalimbali…
NewsKampuni za Amerika zashinda zabuni kuchimba madini Kwale
MUUNGANO wa kampuni nne za Amerika umeshinda zabuni ya kuendeleza uchimbaji na uchakataji wa madini-adimu na niobium katika eneo la Mrima Hill, Kaunti ya Kwale, ambayo thamani yake inakadiriwa kuzidi Sh6 trilioni. Waziri wa Madini Hassan Joho alitangaza Frontier Minerals Consortium kuwa mshindi wa zabuni hiyo ya matrilioni ya fedha baada ya mchakato wa tathmini na ukaguzi wa ununuzi kukamilika. Ushindi huo unaipa Amerika nafasi muhimu katika sekta ya madini ya kimkakati nchini Kenya, huku ikiendelea kushindana na China kudhibiti upatikanaji na uchakataji wa madini hayo duniani. Kampuni zinazounda muungano wa ushirika huo ni Frontier Minerals LLC, Bunker Hill Mining Corp, ReElement Technologies na American Resources Corporation. Kila kampuni ina utaalamu wake katika uchimbaji, upatikanaji wa madini adimu, uchakataji na usafishaji wa madini muhimu kwa viwanda vya kisasa. Madini ya niobium katika Mrima Hill hutumika katika utengenezaji wa vifaa vya anga, huku madini-adimu yakihitajika katika magari ya umeme, vifaa vya kielektroniki, mitambo ya upepo, silaha za kisasa na teknolojia ya Akili-Unde. Kampuni ya ReElement Technologies tayari imevutia uwekezaji wa serikali ya Amerika wa Dola milioni 25 (takriban Sh3.2 bilioni) uliotangazwa mnamo Julai 2026 kusaidia uwekaji wa vifaa katika kiwanda chake cha kusafisha madini adimu katika jimbo la Indiana, Amerika. Uwekezaji huo ni sehemu ya juhudi za Amerika kupunguza kutegemea China, ambayo inaongoza duniani katika uchakataji wa madini hayo. Kampuni saba ziliorodheshwa kushindania mradi huo mnamo Julai, zikiwemo kampuni mbili za China, miungano miwili ya kampuni kutoka Amerika, muungano wa Australia na ubia wa Kenya na Uingereza. Kampuni za China baadaye zilijiondoa. Joho alisema kushinda zabuni hakumaanishi kampuni hiyo inaweza kuanza uchimbaji mara moja. Inapaswa kwanza kupata leseni zinazohitajika, kutekeleza masharti ya kisheria na kushirikisha jamii ya eneo hilo. Serikali pia imesisitiza kuwa madini hayo hayapaswi kuuzwa yakiwa ghafi, bali yaongezwe thamani nchini kupitia viwanda vya uchakataji. Muungano huo umesema utajenga uwezo wa kuchakata madini nchini, hatua inayoweza kuunda nafasi za ajira na kuongeza mapato. Kwa Kenya, mradi huo unatoa fursa ya kupanua uchumi ambao kwa muda mrefu umetegemea kilimo na utalii. Mapato ya sekta ya madini yalipungua kutoka Sh35 bilioni mwaka 2022 hadi Sh20.3 bilioni mwaka jana, hasa kutokana na kufungwa kwa migodi ya madini ya titanium katika Kaunti ya Kwale. Hata hivyo, mafanikio ya mradi wa Mrima Hill yatategemea uwekezaji, masharti ya leseni na namna jamii zitakavyoshirikishwa na kunufaika.
News2027: ACF warns of emerging political violence, urges restraint
…Forum urges Tinubu, governors to ensure fairness to opposition By Ibrahim Hassan-Wuyo The Arewa Consultative Forum (ACF) has raised concerns over emerging signs of political violence ahead of the 2027 general elections, urging political leaders, security agencies and Nigerians to embrace restraint and protect democratic values. The forum warned that provocative demonstrations, stone-throwing, abusive chants […]
NewsUtatu haki jinai watakiwa kuimarisha ushirikiano
ARUSHA: Mwanasheria Mkuu wa Serikali, Hamza Johari, ameitaka Taasisi ya Kuzuia na Kupambana na Rushwa (TAKUKURU), Ofisi ya Taifa ya Mashtaka (DPP) na Jeshi la Polisi, kwa kushirikiana na taasisi nyingine za haki jinai, kutekeleza majukumu yao kwa uadilifu, uaminifu na uzalendo ili kujenga imani ya wananchi kwa Serikali. Johari amesema hayo leo jijini Arusha…