RAIS William Ruto alitumia hotuba yake ya kuadhimisha Mashujaa Dei kusuta vinara wa upinzani wakiongozwa na vuguvugu la Linda Mwananchi ambapo aliwakejeli kwa kutafuta mamlaka bila mpango halisi.
Katika ujumbe wake uliorejelea wapinzani wake hasa kinara wa The Equitable Party, Seneta Edwin Sifuna, Rais Ruto alisisitiza kwamba ushindani unapaswa kujikita kwenye sera na mipango thabiti badala ya migawanyiko, ukabila na kushambulia mahasimu.
Akizungumza jana katika sherehe zilizofanyika Kipchoge Keino, Eldoret, Rais alionya kuhusu tishio la viongozi wanaojishughulisha kusaka mamlaka bila mpango thabiti akisema huenda wakakosa kuwajibika baadaye. “Kila kiongozi anapaswa kuwa tayari kuwasilisha rekodi na maono thabiti kuhusu wanapotaka kupeleka nchi ikiwemo mpango madhubuti kuhusu jinsi ya kufika hapo,” alisema Rais Ruto. Huku akinukuu kifungu cha Biblia, Rais alihoji kwamba demokrasia na uhuru hauna maana iwapo hautaboresha nafasi za kujiendeleza kiuchumi, kuboresha huduma za umma na maisha ya wanajamii kwa jumla.
“Jinsi maandiko yanavyotukumbusha, imani bila matendo imekufa. Vivyo hivyo, uhuru na demokrasia bila maendeleo na ufanisi ni bure,” alisema Rais.
“Wajibu wetu si kuhifadhi tu uhuru tuliorithi, bali kuhakikisha unageuka kuwa hadhi, nafasi na maisha bora kwa Wakenya.”
Aidha, alitumia hotuba yake kupigia mageuzi kiuchumi yaliyofanikishwa na serikali yake kupitia miradi mikuu kama vile mpango wa nyumba za bei nafuu, afya, kilimo, ujenzi na ukarabati wa miundomsingi.
Alitaja ukosefu wa kazi, barabara duni na ukosefu wa huduma za afya miongoni mwa vizingiti vikuu kwa Wakenya akiwakashifu wapinzani wake kwa kupinga miradi ya Kenya Kwanza bila kutoa suluhisho mbadala.
“Unapendekeza nini kando na unachopinga? Alihoji.
“Kama unatofautiana na nyumba za bei nafuu, eleza Wakenya jinsi utakavyowapa makazi bora na kuunda nafasi za kazi.”
“Ikiwa unapinga mageuzi yetu ya huduma za afya, fafanua utakavyohakikisha kwmaba hakuna familia itakayolazimishwa kuchangisha pesa ili kulipa bili ya hospitali.:
Ruto arukia viongozi wa upinzani, asema demokrasia na uhuru viandamane na maendeleo

This story was originally published by Taifa Leo.
Read the full story at Taifa LeoRelated stories
NewsIcoT yatakiwa kuongeza wataalamu ujenzi
MOROGORO: Serikali imesema itaendelea kuiimarisha Taasisi ya Teknolojia ya Ujenzi (ICoT), ili kutayarisha wataalamu wengi wenye ujuzi na umahiri watakaoweza kujiajiri na kuajirika kikamilifu katika utekelezaji wa miradi mbalimbali ya maendeleo nchini. Katibu Mkuu wa Wizara ya Ujenzi Balozi, Aisha Amour amesema hatua hiyo inalenga kuongeza upatikanaji wa mafundi sanifu na wataalamu wa kada mbalimbali…
NewsKampuni za Amerika zashinda zabuni kuchimba madini Kwale
MUUNGANO wa kampuni nne za Amerika umeshinda zabuni ya kuendeleza uchimbaji na uchakataji wa madini-adimu na niobium katika eneo la Mrima Hill, Kaunti ya Kwale, ambayo thamani yake inakadiriwa kuzidi Sh6 trilioni. Waziri wa Madini Hassan Joho alitangaza Frontier Minerals Consortium kuwa mshindi wa zabuni hiyo ya matrilioni ya fedha baada ya mchakato wa tathmini na ukaguzi wa ununuzi kukamilika. Ushindi huo unaipa Amerika nafasi muhimu katika sekta ya madini ya kimkakati nchini Kenya, huku ikiendelea kushindana na China kudhibiti upatikanaji na uchakataji wa madini hayo duniani. Kampuni zinazounda muungano wa ushirika huo ni Frontier Minerals LLC, Bunker Hill Mining Corp, ReElement Technologies na American Resources Corporation. Kila kampuni ina utaalamu wake katika uchimbaji, upatikanaji wa madini adimu, uchakataji na usafishaji wa madini muhimu kwa viwanda vya kisasa. Madini ya niobium katika Mrima Hill hutumika katika utengenezaji wa vifaa vya anga, huku madini-adimu yakihitajika katika magari ya umeme, vifaa vya kielektroniki, mitambo ya upepo, silaha za kisasa na teknolojia ya Akili-Unde. Kampuni ya ReElement Technologies tayari imevutia uwekezaji wa serikali ya Amerika wa Dola milioni 25 (takriban Sh3.2 bilioni) uliotangazwa mnamo Julai 2026 kusaidia uwekaji wa vifaa katika kiwanda chake cha kusafisha madini adimu katika jimbo la Indiana, Amerika. Uwekezaji huo ni sehemu ya juhudi za Amerika kupunguza kutegemea China, ambayo inaongoza duniani katika uchakataji wa madini hayo. Kampuni saba ziliorodheshwa kushindania mradi huo mnamo Julai, zikiwemo kampuni mbili za China, miungano miwili ya kampuni kutoka Amerika, muungano wa Australia na ubia wa Kenya na Uingereza. Kampuni za China baadaye zilijiondoa. Joho alisema kushinda zabuni hakumaanishi kampuni hiyo inaweza kuanza uchimbaji mara moja. Inapaswa kwanza kupata leseni zinazohitajika, kutekeleza masharti ya kisheria na kushirikisha jamii ya eneo hilo. Serikali pia imesisitiza kuwa madini hayo hayapaswi kuuzwa yakiwa ghafi, bali yaongezwe thamani nchini kupitia viwanda vya uchakataji. Muungano huo umesema utajenga uwezo wa kuchakata madini nchini, hatua inayoweza kuunda nafasi za ajira na kuongeza mapato. Kwa Kenya, mradi huo unatoa fursa ya kupanua uchumi ambao kwa muda mrefu umetegemea kilimo na utalii. Mapato ya sekta ya madini yalipungua kutoka Sh35 bilioni mwaka 2022 hadi Sh20.3 bilioni mwaka jana, hasa kutokana na kufungwa kwa migodi ya madini ya titanium katika Kaunti ya Kwale. Hata hivyo, mafanikio ya mradi wa Mrima Hill yatategemea uwekezaji, masharti ya leseni na namna jamii zitakavyoshirikishwa na kunufaika.
News2027: ACF warns of emerging political violence, urges restraint
…Forum urges Tinubu, governors to ensure fairness to opposition By Ibrahim Hassan-Wuyo The Arewa Consultative Forum (ACF) has raised concerns over emerging signs of political violence ahead of the 2027 general elections, urging political leaders, security agencies and Nigerians to embrace restraint and protect democratic values. The forum warned that provocative demonstrations, stone-throwing, abusive chants […]
NewsUtatu haki jinai watakiwa kuimarisha ushirikiano
ARUSHA: Mwanasheria Mkuu wa Serikali, Hamza Johari, ameitaka Taasisi ya Kuzuia na Kupambana na Rushwa (TAKUKURU), Ofisi ya Taifa ya Mashtaka (DPP) na Jeshi la Polisi, kwa kushirikiana na taasisi nyingine za haki jinai, kutekeleza majukumu yao kwa uadilifu, uaminifu na uzalendo ili kujenga imani ya wananchi kwa Serikali. Johari amesema hayo leo jijini Arusha…