DAR ES SALAAM: Rais wa Tanzania, Dk Samia Suluhu Hassan, anatarajiwa kuwa mgeni rasmi katika maadhimisho ya miaka 70 ya usajili, usimamizi na udhibiti wa taasisi za kiraia yatakayofanyika Oktoba 27 hadi 29, mwaka huu, jijini Dar es Salaam.
Akizungumza jijini Dar es salaam, Waziri wa Mambo ya Ndani ya Nchi, Patrobas Katambi, amesema maadhimisho hayo yenye kaulimbiu isemayo ‘Jumuiya za Kiraia ni Msingi wa Umoja, Mshikamano na Maendeleo ya Taifa’, yanalenga kuimarisha amani na usalama wa nchi, mshikamano wa kitaifa na ushirikiano kati ya taasisi za kiraia.
Amesema kupitia Ofisi ya Msajili wa Asasi za Kiraia, Wizara ya Mambo ya Ndani ya nchi ina jukumu la kusajili, kusimamia na kudhibiti taasisi hizo kwa mujibu wa sheria, huku maadhimisho hayo yakitoa fursa kwa wadau kujadili namna ya kuboresha utendaji wake.
Amesema maadhimisho hayo yatakuwa jukwaa la viongozi wa taasisi za kiraia, taasisi za dini na wageni mbalimbali kutoka ndani na nje ya nchi na kuweza kubadilishana mawazo, kutoa maoni na mapendekezo kuhusu sheria, sera na mifumo inayosimamia taasisi hizo.
Amesema mada zitakazojadiliwa ni pamoja na majukumu na wajibu wa ofisi ya usajili wa jumuiya, haki na wajibu wa jumuiya zilizosajiliwa, fursa za uwekezaji, mifumo ya kodi na elimu ya kodi, mifumo ya kifedha na elimu ya kifedha na wajibu wa taasisi hizo katika kulinda amani.
Amesema maadhimisho hayo yatatumika kutathmini utendaji wa taasisi zilizosajiliwa, ikiwamo kubaini taasisi ambazo hazifanyi kazi kwa mujibu wa sheria na changamoto zinazohitaji kutatuliwa.
Amesema tathmini hiyo itasaidia kubaini hatua zilizopigwa katika kipindi cha miaka 70, changamoto zilizopo na hatua zinazopaswa kuchukuliwa ili kuboresha usimamizi wa taasisi hizo.
Rais Samia kubariki maadhimisho taasisi za kiraia
DAR ES SALAAM: Rais wa Tanzania, Dk Samia Suluhu Hassan, anatarajiwa kuwa mgeni rasmi katika maadhimisho ya miaka 70 ya usajili, usimamizi na udhibiti wa taasisi za kiraia yatakayofanyika Oktoba 27 hadi 29, mwaka huu, jijini Dar es Salaam. Akizungumza jijini Dar es salaam, Waziri wa Mambo ya Ndani ya Nchi, Patrobas Katambi, amesema maadhimisho hayo yenye…

This story was originally published by Habari Leo.
Read the full story at Habari LeoRelated stories
NewsIcoT yatakiwa kuongeza wataalamu ujenzi
MOROGORO: Serikali imesema itaendelea kuiimarisha Taasisi ya Teknolojia ya Ujenzi (ICoT), ili kutayarisha wataalamu wengi wenye ujuzi na umahiri watakaoweza kujiajiri na kuajirika kikamilifu katika utekelezaji wa miradi mbalimbali ya maendeleo nchini. Katibu Mkuu wa Wizara ya Ujenzi Balozi, Aisha Amour amesema hatua hiyo inalenga kuongeza upatikanaji wa mafundi sanifu na wataalamu wa kada mbalimbali…
NewsKampuni za Amerika zashinda zabuni kuchimba madini Kwale
MUUNGANO wa kampuni nne za Amerika umeshinda zabuni ya kuendeleza uchimbaji na uchakataji wa madini-adimu na niobium katika eneo la Mrima Hill, Kaunti ya Kwale, ambayo thamani yake inakadiriwa kuzidi Sh6 trilioni. Waziri wa Madini Hassan Joho alitangaza Frontier Minerals Consortium kuwa mshindi wa zabuni hiyo ya matrilioni ya fedha baada ya mchakato wa tathmini na ukaguzi wa ununuzi kukamilika. Ushindi huo unaipa Amerika nafasi muhimu katika sekta ya madini ya kimkakati nchini Kenya, huku ikiendelea kushindana na China kudhibiti upatikanaji na uchakataji wa madini hayo duniani. Kampuni zinazounda muungano wa ushirika huo ni Frontier Minerals LLC, Bunker Hill Mining Corp, ReElement Technologies na American Resources Corporation. Kila kampuni ina utaalamu wake katika uchimbaji, upatikanaji wa madini adimu, uchakataji na usafishaji wa madini muhimu kwa viwanda vya kisasa. Madini ya niobium katika Mrima Hill hutumika katika utengenezaji wa vifaa vya anga, huku madini-adimu yakihitajika katika magari ya umeme, vifaa vya kielektroniki, mitambo ya upepo, silaha za kisasa na teknolojia ya Akili-Unde. Kampuni ya ReElement Technologies tayari imevutia uwekezaji wa serikali ya Amerika wa Dola milioni 25 (takriban Sh3.2 bilioni) uliotangazwa mnamo Julai 2026 kusaidia uwekaji wa vifaa katika kiwanda chake cha kusafisha madini adimu katika jimbo la Indiana, Amerika. Uwekezaji huo ni sehemu ya juhudi za Amerika kupunguza kutegemea China, ambayo inaongoza duniani katika uchakataji wa madini hayo. Kampuni saba ziliorodheshwa kushindania mradi huo mnamo Julai, zikiwemo kampuni mbili za China, miungano miwili ya kampuni kutoka Amerika, muungano wa Australia na ubia wa Kenya na Uingereza. Kampuni za China baadaye zilijiondoa. Joho alisema kushinda zabuni hakumaanishi kampuni hiyo inaweza kuanza uchimbaji mara moja. Inapaswa kwanza kupata leseni zinazohitajika, kutekeleza masharti ya kisheria na kushirikisha jamii ya eneo hilo. Serikali pia imesisitiza kuwa madini hayo hayapaswi kuuzwa yakiwa ghafi, bali yaongezwe thamani nchini kupitia viwanda vya uchakataji. Muungano huo umesema utajenga uwezo wa kuchakata madini nchini, hatua inayoweza kuunda nafasi za ajira na kuongeza mapato. Kwa Kenya, mradi huo unatoa fursa ya kupanua uchumi ambao kwa muda mrefu umetegemea kilimo na utalii. Mapato ya sekta ya madini yalipungua kutoka Sh35 bilioni mwaka 2022 hadi Sh20.3 bilioni mwaka jana, hasa kutokana na kufungwa kwa migodi ya madini ya titanium katika Kaunti ya Kwale. Hata hivyo, mafanikio ya mradi wa Mrima Hill yatategemea uwekezaji, masharti ya leseni na namna jamii zitakavyoshirikishwa na kunufaika.
News2027: ACF warns of emerging political violence, urges restraint
…Forum urges Tinubu, governors to ensure fairness to opposition By Ibrahim Hassan-Wuyo The Arewa Consultative Forum (ACF) has raised concerns over emerging signs of political violence ahead of the 2027 general elections, urging political leaders, security agencies and Nigerians to embrace restraint and protect democratic values. The forum warned that provocative demonstrations, stone-throwing, abusive chants […]
NewsUtatu haki jinai watakiwa kuimarisha ushirikiano
ARUSHA: Mwanasheria Mkuu wa Serikali, Hamza Johari, ameitaka Taasisi ya Kuzuia na Kupambana na Rushwa (TAKUKURU), Ofisi ya Taifa ya Mashtaka (DPP) na Jeshi la Polisi, kwa kushirikiana na taasisi nyingine za haki jinai, kutekeleza majukumu yao kwa uadilifu, uaminifu na uzalendo ili kujenga imani ya wananchi kwa Serikali. Johari amesema hayo leo jijini Arusha…