KILA siku mitandao ya kijamii hujaa jumbe zinazowashauri watu kujiepusha na ndoa, kuachana na wachumba wao au kutafsiri kila mzozo kama ishara ya kuvunjika kwa uhusiano.
Baadhi ya wanawake hujitokeza kwenye TikTok na majukwaa mengine kueleza jinsi wanavyoona ndoa ikiwa mzigo, huku wengine wakitumia uzoefu wao wa talaka kuwashauri walio kwenye ndoa kuwa makini na kujiandaa kwa siku ambayo mambo yataharibika.
Hali hiyo imeibua swali: Je, mitandao ya kijamii inachochea migogoro katika ndoa?
Mwanasaikolojia na mshauri wa ndoa Lucy Nduti anasema mitandao sasa ni chanzo cha migogoro mingi ya ndoa anayoshughulikia.
Anasema tatizo ni ushauri unaotolewa na watu wasio na utaalamu, huku masuala magumu ya ndoa yakifupishwa kuwa kauli kama, “Ondoka mara moja akifanya hivi.”
Bi Nduti anasema ndoa huhitaji kuangalia muktadha, mawasiliano, historia ya uhusiano, mipaka na tofauti za wahusika, mambo ambayo hayawezi kuelezwa kwa jumbe fupi mitandaoni.
“Ushauri mzuri unapaswa kutoa nafasi kwa muktadha, mazungumzo na, inapohitajika, msaada wa kitaalamu,” anasema.
Anasema pia tabia ya kuita kila jambo “ishara mbaya” inaweza kufanya migogoro ya kawaida ionekane kama sababu ya kuvunja ndoa.
Kwa mfano, mtu anayesahau kumbukumbu ya siku muhimu au kunyamaza baada ya siku ngumu anaweza kutafsiriwa haraka kuwa ana tatizo kubwa.
Mitandao pia imebadilisha jinsi watu wanavyolinganisha ndoa zao.
“Tunalinganisha maisha yetu ya faragha na matukio yaliyochaguliwa na mtu mwingine kuyaonyesha hadharani. Tunaona zawadi, likizo na picha nzuri za familia, lakini hatuoni shinikizo za kifedha au mazungumzo magumu yaliyo nyuma yake,” anasema.
Kwa mujibu wa Bi Nduti, hali hiyo inaweza kumfanya mtu ajiulize kwa nini ndoa yake haifanani na anazoona mtandaoni.
Pia, wanandoa wanaweza kutumia muda mwingi wakiwa kwenye simu wakati wa chakula au kabla ya kulala, hivyo kupunguza mazungumzo, ukaribu na mapenzi.
Hata hivyo, anasema si kila tatizo la ndoa linasababishwa na mitandao.
Kwa upande wake, wakili Cosmas Mureti anasema mitandao imeanza kuonekana katika migogoro inayofikishwa mahakamani.
Anasema machapisho ya mitandaoni yanaweza kutumiwa kama ushahidi wa madai kama uzinzi na ukatili katika ndoa.
Hata hivyo, anatahadharisha wanandoa dhidi ya kuweka hadharani ujumbe wa kibinafsi, picha za skrini na ugomvi wao.
“Watu wa nje wanaweza kuchochea mfarakano na kuvuruga juhudi za wanandoa kupatana,” anasema.
Mureti pia anapinga dhana kwamba mchumba anayelinda simu yake lazima awe anaficha usaliti.
“Ndoa si gereza na haiondoi haki ya mtu ya faragha,” anasema.
Anasema kila wanandoa wana namna yao ya kuendesha ndoa na hawapaswi kulinganisha uhusiano wao na ndoa zinazoonyeshwa mtandaoni.
Mitandao ya kijamii inavyochochea migogoro na talaka nchini

This story was originally published by Taifa Leo.
Read the full story at Taifa LeoRelated stories
NewsAfenifere demands prosecution of sponsors of campaign violence
…Raises alarm over rising attacks ahead of 2027 elections By Adeola Badru The pan-Yoruba socio-political organisation, Afenifere, has raised the alarm over increasing political violence ahead of the 2027 general elections, calling for the arrest and prosecution of perpetrators and their sponsors. The organisation warned that the growing incidents of thuggery, intimidation and inflammatory political […]
NewsPHOTOS: First Lady calls for continued investment in children at UNICEF anniversary
First Lady Jeannette Kagame has called for sustained investment in the education, healthcare opportunities for children to ensure no one is left behind due to poverty, disability,...
NewsFirst Lady calls for continued investment in children at UNICEF anniversary
First Lady Jeannette Kagame has called for sustained investment in the education, healthcare opportunities for children to ensure no one is left behind due to poverty, disability,...
NewsObi woos Onitsha voters, promises jobs, better services
…Says Nigeria needs energetic president By Vincent Ujumadu The presidential candidate of the Nigeria Democratic Congress (NDC), Peter Obi, on Friday drew a large crowd in Onitsha, Anambra State, as he led members of his campaign team on a roadshow and town hall meeting in the commercial city. Obi began his visit with a stop […]