MWANZA: WAZIRI wa Habari, Sanaa na Michezo, Paul Makonda, amesema Mamlaka ya Usimamizi wa Bandari Tanzania (TPA) inapaswa kuhakikisha mradi wa ujenzi, upanuzi na uboreshaji wa Bandari ya Mwanza Kaskazini unakamilika kwa wakati ili kuimarisha huduma za usafirishaji wa abiria na mizigo.
Makonda amesema hayo leo alipofanya ziara mkoani Mwanza na kutembelea bandari hiyo, ambapo amesisitiza umuhimu wa kukamilisha mradi huo kwa wakati. Pia, ameipongeza TPA kwa kazi inayofanya kuboresha miundombinu ya bandari na kuimarisha shughuli za kiuchumi.
Amesema kukamilika kwa mradi huo kutaiwezesha bandari kuhudumia meli tano kwa wakati mmoja, hatua inayotarajiwa kuongeza ufanisi wa usafirishaji kupitia Ziwa Victoria.
Kwa upande wake, Meneja wa Bandari za Ziwa Victoria, Rosemary Ndesamburo, amesema Serikali kupitia TPA inaendelea kutekeleza miradi ya upanuzi na uboreshaji wa bandari za Ziwa Victoria kwa awamu, kwa lengo la kukidhi mahitaji yanayoongezeka ya biashara na usafirishaji.
Amesema utekelezaji wa miradi hiyo ulianza baada ya kukamilika kwa upembuzi yakinifu mwaka 2022, uliosaidia kubainisha mahitaji ya bandari hizo, mbinu bora za kuziboresha na maeneo ya kupewa kipaumbele.
Kwa mujibu wa Ndesamburo, maboresho yalianza katika Bandari ya Mwanza Kaskazini, Bukoba na Kemondo, ambapo miradi hiyo inaendelea kutekelezwa katika hatua mbalimbali.
Amesema miradi hiyo imeanzishwa kutokana na ongezeko la watu, ukuaji wa biashara na mahitaji makubwa ya huduma za usafirishaji. Ameeleza kuwa Serikali inalenga kuongeza uwezo wa kusafirisha bidhaa kutoka Bandari ya Dar es Salaam kwenda nchi nyingine kupitia Ziwa Victoria.
Aidha, amesema maboresho hayo yanatarajiwa kusaidia kukabiliana na ongezeko la shehena litakaloweza kusababishwa na ujenzi wa Reli ya Kisasa (SGR), sambamba na kuimarisha ulinzi na usalama wa bandari.
Amesema mradi wa ujenzi, upanuzi na uboreshaji wa Bandari ya Mwanza Kaskazini unatekelezwa kwa gharama ya Sh bilioni 18.61, kiasi kinachojumuisha Kodi ya Ongezeko la Thamani (VAT).
Ameongeza kuwa mkataba wa usimamizi wa ujenzi una thamani ya Dola za Marekani milioni 1.58, bila kujumuisha VAT inayohusika kwa mujibu wa mkataba.
Amesema hadi Oktoba 2026, mkandarasi alikuwa amelipwa Sh bilioni 10.84 kupitia hati tisa za malipo, huku hati ya kumi yenye thamani ya Sh bilioni 1.04 ikiwa katika hatua za mwisho za malipo.
Ameeleza kuwa mradi huo umechangia kutoa ajira za muda kwa wananchi 300 na kuongeza fursa za biashara kwa wajasiriamali wadogo wanaotoa huduma za chakula, malazi na usafiri.
Vilevile, amesema shughuli za ujenzi zinachangia mapato ya Halmashauri kupitia kodi, ushuru na tozo mbalimbali. Ameongeza kuwa mradi huo unawapa vijana wa Kitanzania nafasi ya kupata ujuzi na uzoefu katika sekta ya ujenzi na usanifu.
Amesema baada ya kukamilika, bandari hiyo inatarajiwa kuwa na uwezo wa kuhudumia meli tano kwa wakati mmoja, huku jengo jipya la kisasa litakalojengwa likiwa na uwezo wa kuhudumia abiria 700 kwa wakati mmoja.
Ameeleza kuwa uboreshaji huo unatarajiwa kuongeza ufanisi wa huduma za bandari, kurahisisha usafirishaji wa abiria na mizigo, kukuza biashara na kuimarisha uhusiano wa kibiashara kati ya Tanzania na nchi jirani zinazounganishwa na Ziwa Victoria.
Makonda aipongeza TPA, atoa msisitizo Bandari Mwanza

This story was originally published by Habari Leo.
Read the full story at Habari LeoRelated stories
NewsIcoT yatakiwa kuongeza wataalamu ujenzi
MOROGORO: Serikali imesema itaendelea kuiimarisha Taasisi ya Teknolojia ya Ujenzi (ICoT), ili kutayarisha wataalamu wengi wenye ujuzi na umahiri watakaoweza kujiajiri na kuajirika kikamilifu katika utekelezaji wa miradi mbalimbali ya maendeleo nchini. Katibu Mkuu wa Wizara ya Ujenzi Balozi, Aisha Amour amesema hatua hiyo inalenga kuongeza upatikanaji wa mafundi sanifu na wataalamu wa kada mbalimbali…
NewsKampuni za Amerika zashinda zabuni kuchimba madini Kwale
MUUNGANO wa kampuni nne za Amerika umeshinda zabuni ya kuendeleza uchimbaji na uchakataji wa madini-adimu na niobium katika eneo la Mrima Hill, Kaunti ya Kwale, ambayo thamani yake inakadiriwa kuzidi Sh6 trilioni. Waziri wa Madini Hassan Joho alitangaza Frontier Minerals Consortium kuwa mshindi wa zabuni hiyo ya matrilioni ya fedha baada ya mchakato wa tathmini na ukaguzi wa ununuzi kukamilika. Ushindi huo unaipa Amerika nafasi muhimu katika sekta ya madini ya kimkakati nchini Kenya, huku ikiendelea kushindana na China kudhibiti upatikanaji na uchakataji wa madini hayo duniani. Kampuni zinazounda muungano wa ushirika huo ni Frontier Minerals LLC, Bunker Hill Mining Corp, ReElement Technologies na American Resources Corporation. Kila kampuni ina utaalamu wake katika uchimbaji, upatikanaji wa madini adimu, uchakataji na usafishaji wa madini muhimu kwa viwanda vya kisasa. Madini ya niobium katika Mrima Hill hutumika katika utengenezaji wa vifaa vya anga, huku madini-adimu yakihitajika katika magari ya umeme, vifaa vya kielektroniki, mitambo ya upepo, silaha za kisasa na teknolojia ya Akili-Unde. Kampuni ya ReElement Technologies tayari imevutia uwekezaji wa serikali ya Amerika wa Dola milioni 25 (takriban Sh3.2 bilioni) uliotangazwa mnamo Julai 2026 kusaidia uwekaji wa vifaa katika kiwanda chake cha kusafisha madini adimu katika jimbo la Indiana, Amerika. Uwekezaji huo ni sehemu ya juhudi za Amerika kupunguza kutegemea China, ambayo inaongoza duniani katika uchakataji wa madini hayo. Kampuni saba ziliorodheshwa kushindania mradi huo mnamo Julai, zikiwemo kampuni mbili za China, miungano miwili ya kampuni kutoka Amerika, muungano wa Australia na ubia wa Kenya na Uingereza. Kampuni za China baadaye zilijiondoa. Joho alisema kushinda zabuni hakumaanishi kampuni hiyo inaweza kuanza uchimbaji mara moja. Inapaswa kwanza kupata leseni zinazohitajika, kutekeleza masharti ya kisheria na kushirikisha jamii ya eneo hilo. Serikali pia imesisitiza kuwa madini hayo hayapaswi kuuzwa yakiwa ghafi, bali yaongezwe thamani nchini kupitia viwanda vya uchakataji. Muungano huo umesema utajenga uwezo wa kuchakata madini nchini, hatua inayoweza kuunda nafasi za ajira na kuongeza mapato. Kwa Kenya, mradi huo unatoa fursa ya kupanua uchumi ambao kwa muda mrefu umetegemea kilimo na utalii. Mapato ya sekta ya madini yalipungua kutoka Sh35 bilioni mwaka 2022 hadi Sh20.3 bilioni mwaka jana, hasa kutokana na kufungwa kwa migodi ya madini ya titanium katika Kaunti ya Kwale. Hata hivyo, mafanikio ya mradi wa Mrima Hill yatategemea uwekezaji, masharti ya leseni na namna jamii zitakavyoshirikishwa na kunufaika.
News2027: ACF warns of emerging political violence, urges restraint
…Forum urges Tinubu, governors to ensure fairness to opposition By Ibrahim Hassan-Wuyo The Arewa Consultative Forum (ACF) has raised concerns over emerging signs of political violence ahead of the 2027 general elections, urging political leaders, security agencies and Nigerians to embrace restraint and protect democratic values. The forum warned that provocative demonstrations, stone-throwing, abusive chants […]
NewsUtatu haki jinai watakiwa kuimarisha ushirikiano
ARUSHA: Mwanasheria Mkuu wa Serikali, Hamza Johari, ameitaka Taasisi ya Kuzuia na Kupambana na Rushwa (TAKUKURU), Ofisi ya Taifa ya Mashtaka (DPP) na Jeshi la Polisi, kwa kushirikiana na taasisi nyingine za haki jinai, kutekeleza majukumu yao kwa uadilifu, uaminifu na uzalendo ili kujenga imani ya wananchi kwa Serikali. Johari amesema hayo leo jijini Arusha…