KIONGOZI wa Wiper Kalonzo Musyoka amewataka viongozi wa chama hicho waliokuwa wakizunguka na Seneta wa Nairobi Edwin Sifuna kuvumisha vuguvugu la Linda Mwananchi kurejea katika shughuli za Wiper, huku mvutano ndani ya upinzani ukizidi kushika kasi kuelekea uchaguzi wa 2027.
Akizungumza Mombasa wakati wa ziara yake ya siku mbili, Bw Musyoka alisema ushirikiano kati ya Wiper na chama ambacho Bw Sifuna atakuwa nacho utakuwa katika kiwango cha muungano, akisisitiza kuwa wanachama wa Wiper wanapaswa kuimarisha chama chao.
“Leo tuko Mombasa na mnaweza kuona Joshua Kimilu wa Kaiti na Mbunge wa Wundanyi Danson Mwashako, ambao wamekuwa wakizunguka na Bw Sifuna, wameitwa kurejea. Tunatarajia sasa wajikite katika shughuli za Wiper na kuacha Bw Sifuna kuvumisha chama chake tukutane katika kiwango cha muungano,” alisema.
Kauli hiyo inajiri huku Bw Sifuna na wafuasi wake wakipanga kubadilisha jina la chama cha Equitable Party ndani ya wiki tatu, baada ya kukosa fursa ya kutumia jina la Ukombozi. Washirika wa Bw Musyoka walihifadhi jina hilo na kulitumia kuunda muungano wa The Ukombozi Alliance.
Mzozo huo unaonyesha changamoto inayokabili viongozi wa upinzani wanaotaka kuunganisha nguvu dhidi ya Rais William Ruto, huku kila upande ukijenga chama chake na kutafuta ushawishi katika mazungumzo ya kuunda muungano kuelekea uchaguzi.
Bw Musyoka pia anapanua kampeni zake Pwani, eneo ambalo kwa muda mrefu limekuwa ngome ya ODM. Alidai kuwa chama hicho hakijawatendea haki wakazi wa eneo hilo na akawahimiza kuunga mkono Wiper katika uchaguzi mkuu ujao.
“ODM imekuwa ikiwachezea watu wa Pwani. Wiper imekuja kuwaokoa wakazi. Tutaingia na kushinda kura nyingi zaidi tunapoelekea uchaguzi wa urais,” alisema.
Ziara yake inafuatia ile ya Rais Ruto ya siku nane Pwani, ambako alitangaza miradi ya maendeleo na kugawa hati za umiliki wa ardhi.
Kiongozi huyo wa Wiper pia alitaja kuondoka kwa Seneta wa Nakuru Tabitha Karanja kutoka chama cha UDA na kujiunga na DCP kama ishara ya kutoridhika ndani ya chama tawala.
Alitabiri kuwa viongozi wengine wataondoka UDA kabla ya uchaguzi wa 2027, ingawa bado haijabainika ikiwa hatua hizo zitasababisha wimbi kubwa la mabadiliko ya kisiasa.
Wakati huo huo, viongozi wa upinzani wamepinga mageuzi yanayopendekezwa katika mashirika ya umma, hasa Mamlaka ya Bandari Kenya (KPA) na Kampuni ya Bomba la Mafuta Kenya (KPC), wakidai kuwa yanaweza kuhatarisha ajira na mali ya umma.
Bw Musyoka ameandamana na viongozi wa upinzani akiwemo Justin Muturi, Eugene Wamalwa na Mbunge wa Nyali Mohamed Ali, ambaye anawania ugavana Mombasa.
Kalonzo awataka wabunge wa chama chake kuhepa Sifuna

This story was originally published by Taifa Leo.
Read the full story at Taifa LeoRelated stories
NewsIcoT yatakiwa kuongeza wataalamu ujenzi
MOROGORO: Serikali imesema itaendelea kuiimarisha Taasisi ya Teknolojia ya Ujenzi (ICoT), ili kutayarisha wataalamu wengi wenye ujuzi na umahiri watakaoweza kujiajiri na kuajirika kikamilifu katika utekelezaji wa miradi mbalimbali ya maendeleo nchini. Katibu Mkuu wa Wizara ya Ujenzi Balozi, Aisha Amour amesema hatua hiyo inalenga kuongeza upatikanaji wa mafundi sanifu na wataalamu wa kada mbalimbali…
NewsKampuni za Amerika zashinda zabuni kuchimba madini Kwale
MUUNGANO wa kampuni nne za Amerika umeshinda zabuni ya kuendeleza uchimbaji na uchakataji wa madini-adimu na niobium katika eneo la Mrima Hill, Kaunti ya Kwale, ambayo thamani yake inakadiriwa kuzidi Sh6 trilioni. Waziri wa Madini Hassan Joho alitangaza Frontier Minerals Consortium kuwa mshindi wa zabuni hiyo ya matrilioni ya fedha baada ya mchakato wa tathmini na ukaguzi wa ununuzi kukamilika. Ushindi huo unaipa Amerika nafasi muhimu katika sekta ya madini ya kimkakati nchini Kenya, huku ikiendelea kushindana na China kudhibiti upatikanaji na uchakataji wa madini hayo duniani. Kampuni zinazounda muungano wa ushirika huo ni Frontier Minerals LLC, Bunker Hill Mining Corp, ReElement Technologies na American Resources Corporation. Kila kampuni ina utaalamu wake katika uchimbaji, upatikanaji wa madini adimu, uchakataji na usafishaji wa madini muhimu kwa viwanda vya kisasa. Madini ya niobium katika Mrima Hill hutumika katika utengenezaji wa vifaa vya anga, huku madini-adimu yakihitajika katika magari ya umeme, vifaa vya kielektroniki, mitambo ya upepo, silaha za kisasa na teknolojia ya Akili-Unde. Kampuni ya ReElement Technologies tayari imevutia uwekezaji wa serikali ya Amerika wa Dola milioni 25 (takriban Sh3.2 bilioni) uliotangazwa mnamo Julai 2026 kusaidia uwekaji wa vifaa katika kiwanda chake cha kusafisha madini adimu katika jimbo la Indiana, Amerika. Uwekezaji huo ni sehemu ya juhudi za Amerika kupunguza kutegemea China, ambayo inaongoza duniani katika uchakataji wa madini hayo. Kampuni saba ziliorodheshwa kushindania mradi huo mnamo Julai, zikiwemo kampuni mbili za China, miungano miwili ya kampuni kutoka Amerika, muungano wa Australia na ubia wa Kenya na Uingereza. Kampuni za China baadaye zilijiondoa. Joho alisema kushinda zabuni hakumaanishi kampuni hiyo inaweza kuanza uchimbaji mara moja. Inapaswa kwanza kupata leseni zinazohitajika, kutekeleza masharti ya kisheria na kushirikisha jamii ya eneo hilo. Serikali pia imesisitiza kuwa madini hayo hayapaswi kuuzwa yakiwa ghafi, bali yaongezwe thamani nchini kupitia viwanda vya uchakataji. Muungano huo umesema utajenga uwezo wa kuchakata madini nchini, hatua inayoweza kuunda nafasi za ajira na kuongeza mapato. Kwa Kenya, mradi huo unatoa fursa ya kupanua uchumi ambao kwa muda mrefu umetegemea kilimo na utalii. Mapato ya sekta ya madini yalipungua kutoka Sh35 bilioni mwaka 2022 hadi Sh20.3 bilioni mwaka jana, hasa kutokana na kufungwa kwa migodi ya madini ya titanium katika Kaunti ya Kwale. Hata hivyo, mafanikio ya mradi wa Mrima Hill yatategemea uwekezaji, masharti ya leseni na namna jamii zitakavyoshirikishwa na kunufaika.
News2027: ACF warns of emerging political violence, urges restraint
…Forum urges Tinubu, governors to ensure fairness to opposition By Ibrahim Hassan-Wuyo The Arewa Consultative Forum (ACF) has raised concerns over emerging signs of political violence ahead of the 2027 general elections, urging political leaders, security agencies and Nigerians to embrace restraint and protect democratic values. The forum warned that provocative demonstrations, stone-throwing, abusive chants […]
NewsUtatu haki jinai watakiwa kuimarisha ushirikiano
ARUSHA: Mwanasheria Mkuu wa Serikali, Hamza Johari, ameitaka Taasisi ya Kuzuia na Kupambana na Rushwa (TAKUKURU), Ofisi ya Taifa ya Mashtaka (DPP) na Jeshi la Polisi, kwa kushirikiana na taasisi nyingine za haki jinai, kutekeleza majukumu yao kwa uadilifu, uaminifu na uzalendo ili kujenga imani ya wananchi kwa Serikali. Johari amesema hayo leo jijini Arusha…