DAR ES SALAAM: Jukwaa la Uongozi wa Wanawake ni muhimu katika kujadili namna ya kuhakikisha wanawake wanaopata nafasi za uongozi wanadumu katika nafasi hizo na kuendelea kutumia uzoefu wao kuchangia maendeleo ya jamii hata baada ya kumaliza vipindi vyao vya uongozi, amesema Mkurugenzi Mtendaji wa Taasisi ya Uongozi (Uongozi Institute) Kadari Singo.
Akizungumza leo jijini Dar es Salaam katika Jukwaa la Uongozi wa Wanawake Singo amesema pamoja na kuongezeka kwa uwakilishi wa wanawake katika Bunge na taasisi mbalimbali bado kuna haja ya kuweka mifumo itakayowawezesha kuendelea kushiriki katika uongozi baada ya kumaliza muda wao wa kuhudumu hususan wanawake wanaoingia Bungeni kupitia viti maalumu.
Amesema changamoto hiyo inaibua maswali kuhusu namna ya kuwafuatilia wanawake wanaomaliza vipindi vyao vya uongozi kuwasaidia kurejea katika nafasi nyingine na kutumia maarifa pamoja na uzoefu walioupata kwa manufaa ya taifa badala ya kupoteza mchango wao baada ya kuondoka katika nafasi hizo.
Singo amebainisha kuwa mafanikio katika kuongeza idadi ya wanawake wanaoshika nafasi za uongozi hayapaswi kupimwa kwa uwakilishi pekee bali pia kwa uwezo wa kuwawezesha kudumu katika nafasi hizo na kuendeleza safari zao za uongozi.
Amesisitiza umuhimu wa kuondoa vikwazo vya kimuundo na kitaasisi vinavyoweza kukatiza maendeleo ya wanawake katika uongozi.
Aidha amesema jukwaa hilo linatoa fursa kwa washiriki kujadili uzoefu wa wanawake viongozi kutoka Tanzania Afrika na maeneo mengine duniani pamoja na kujifunza matokeo ya utafiti kuhusu njia za kuimarisha ustahimilivu na mwendelezo wa uongozi wa wanawake nchini Tanzania.
Ameeleza kuwa kupitia majadiliano hayo, washiriki wanatarajiwa kupendekeza suluhisho za vitendo ikiwemo mifumo ya ushauri uelekezaji wa kitaaluma kujengeana mitandao na kuandaa njia zitakazowawezesha wanawake kuendelea kukua na kushika nafasi za juu za uongozi katika sekta za umma, binafsi na taasisi za kijamii.
Katika hatua nyingine Singo amesema Taasisi ya Uongozi inaendesha programu ya miezi sita ya kuwaandaa wanawake wa Afrika walio katika ngazi za kati na za juu za uongozi, kwa kuwapatia mafunzo ushauri na uelekezaji kutoka kwa wataalamu wa uongozi na mabadiliko kutoka maeneo mbalimbali duniani.
Amesema programu hiyo inalenga kuwasaidia washiriki kuelewa changamoto zinazowakabili wanawake viongozi kutambua uwezo wao wa kiuongozi na kuandaa mipango ya maendeleo binafsi itakayowawezesha kutekeleza majukumu yao kwa ufanisi zaidi.
Singo ameongeza kuwa katika makundi manane ya awali ya programu hiyo wanawake 399 wamehitimu kati ya takribani 400 waliokuwa wameshiriki hatua inayoonesha umuhimu wa kuendelea kuwekeza katika programu zinazojenga uwezo wa wanawake na kuimarisha mitandao yao ya kitaaluma.
Amesisitiza kuwa jukwaa hilo ni sehemu muhimu ya kutafuta majibu ya changamoto zinazowakabili wanawake katika safari zao za uongozi kwa lengo la kuhakikisha kuwa mafanikio ya kupata nafasi za uongozi yanaambatana na uwezo wa kudumu kukua na kuendeleza mchango wao katika maendeleo ya Tanzania na Afrika kwa ujumla.
Jukwaa kujadili mustakabali wa viongozi

This story was originally published by Habari Leo.
Read the full story at Habari LeoRelated stories
NewsIcoT yatakiwa kuongeza wataalamu ujenzi
MOROGORO: Serikali imesema itaendelea kuiimarisha Taasisi ya Teknolojia ya Ujenzi (ICoT), ili kutayarisha wataalamu wengi wenye ujuzi na umahiri watakaoweza kujiajiri na kuajirika kikamilifu katika utekelezaji wa miradi mbalimbali ya maendeleo nchini. Katibu Mkuu wa Wizara ya Ujenzi Balozi, Aisha Amour amesema hatua hiyo inalenga kuongeza upatikanaji wa mafundi sanifu na wataalamu wa kada mbalimbali…
NewsKampuni za Amerika zashinda zabuni kuchimba madini Kwale
MUUNGANO wa kampuni nne za Amerika umeshinda zabuni ya kuendeleza uchimbaji na uchakataji wa madini-adimu na niobium katika eneo la Mrima Hill, Kaunti ya Kwale, ambayo thamani yake inakadiriwa kuzidi Sh6 trilioni. Waziri wa Madini Hassan Joho alitangaza Frontier Minerals Consortium kuwa mshindi wa zabuni hiyo ya matrilioni ya fedha baada ya mchakato wa tathmini na ukaguzi wa ununuzi kukamilika. Ushindi huo unaipa Amerika nafasi muhimu katika sekta ya madini ya kimkakati nchini Kenya, huku ikiendelea kushindana na China kudhibiti upatikanaji na uchakataji wa madini hayo duniani. Kampuni zinazounda muungano wa ushirika huo ni Frontier Minerals LLC, Bunker Hill Mining Corp, ReElement Technologies na American Resources Corporation. Kila kampuni ina utaalamu wake katika uchimbaji, upatikanaji wa madini adimu, uchakataji na usafishaji wa madini muhimu kwa viwanda vya kisasa. Madini ya niobium katika Mrima Hill hutumika katika utengenezaji wa vifaa vya anga, huku madini-adimu yakihitajika katika magari ya umeme, vifaa vya kielektroniki, mitambo ya upepo, silaha za kisasa na teknolojia ya Akili-Unde. Kampuni ya ReElement Technologies tayari imevutia uwekezaji wa serikali ya Amerika wa Dola milioni 25 (takriban Sh3.2 bilioni) uliotangazwa mnamo Julai 2026 kusaidia uwekaji wa vifaa katika kiwanda chake cha kusafisha madini adimu katika jimbo la Indiana, Amerika. Uwekezaji huo ni sehemu ya juhudi za Amerika kupunguza kutegemea China, ambayo inaongoza duniani katika uchakataji wa madini hayo. Kampuni saba ziliorodheshwa kushindania mradi huo mnamo Julai, zikiwemo kampuni mbili za China, miungano miwili ya kampuni kutoka Amerika, muungano wa Australia na ubia wa Kenya na Uingereza. Kampuni za China baadaye zilijiondoa. Joho alisema kushinda zabuni hakumaanishi kampuni hiyo inaweza kuanza uchimbaji mara moja. Inapaswa kwanza kupata leseni zinazohitajika, kutekeleza masharti ya kisheria na kushirikisha jamii ya eneo hilo. Serikali pia imesisitiza kuwa madini hayo hayapaswi kuuzwa yakiwa ghafi, bali yaongezwe thamani nchini kupitia viwanda vya uchakataji. Muungano huo umesema utajenga uwezo wa kuchakata madini nchini, hatua inayoweza kuunda nafasi za ajira na kuongeza mapato. Kwa Kenya, mradi huo unatoa fursa ya kupanua uchumi ambao kwa muda mrefu umetegemea kilimo na utalii. Mapato ya sekta ya madini yalipungua kutoka Sh35 bilioni mwaka 2022 hadi Sh20.3 bilioni mwaka jana, hasa kutokana na kufungwa kwa migodi ya madini ya titanium katika Kaunti ya Kwale. Hata hivyo, mafanikio ya mradi wa Mrima Hill yatategemea uwekezaji, masharti ya leseni na namna jamii zitakavyoshirikishwa na kunufaika.
News2027: ACF warns of emerging political violence, urges restraint
…Forum urges Tinubu, governors to ensure fairness to opposition By Ibrahim Hassan-Wuyo The Arewa Consultative Forum (ACF) has raised concerns over emerging signs of political violence ahead of the 2027 general elections, urging political leaders, security agencies and Nigerians to embrace restraint and protect democratic values. The forum warned that provocative demonstrations, stone-throwing, abusive chants […]
NewsUtatu haki jinai watakiwa kuimarisha ushirikiano
ARUSHA: Mwanasheria Mkuu wa Serikali, Hamza Johari, ameitaka Taasisi ya Kuzuia na Kupambana na Rushwa (TAKUKURU), Ofisi ya Taifa ya Mashtaka (DPP) na Jeshi la Polisi, kwa kushirikiana na taasisi nyingine za haki jinai, kutekeleza majukumu yao kwa uadilifu, uaminifu na uzalendo ili kujenga imani ya wananchi kwa Serikali. Johari amesema hayo leo jijini Arusha…