KATIBU Mkuu wa chama cha UDA Hassan Omar ameitaka Tume Huru ya Uchaguzi na Mipaka (IEBC) kutupilia mbali malalamishi dhidi yake kuhusu kauli aliyotoa kuwa hata watu waliokufa wanaweza kupiga kura katika uchaguzi mkuu wa 2027.
Omar alisema matamshi hayo aliyotoa Septemba 11 yalikuwa mzaha wa kisiasa uliolenga kuwahamasisha wakazi wa Pwani kujisajili kama wapigakura na kushiriki uchaguzi, wala si wito wa kufanya udanganyifu.
Alisema hayo Jumatano akijitetea mbele ya kamati ya IEBC inayoshughulikia ukiukaji wa kanuni za maadili ya uchaguzi katika majengo ya Anniversary Towers, Nairobi.
Kupitia mawakili wake Emmanuel Kibet na Adrian Kamotho, Omar aliomba kamati imwachilie huru kwa madai kuwa hakuna ushahidi wa kutosha kuthibitisha kuwa alikiuka kanuni hizo. Hata hivyo, aliomba apewe onyo iwapo atapatikana na hatia.
Kibet alisema kauli hiyo ilipaswa kutathminiwa katika muktadha wa hotuba nzima, akisisitiza kuwa Omar alikuwa akiwahimiza wananchi walio na haki ya kupiga kura kujisajili na kuthibitisha taarifa zao kwenye sajili ya wapigakura.
“Ni wazi kuwa wakazi wa Pwani hawajajisajili kama wapigakura kwa wingi. Tunaamini kauli yake inapaswa kuangaliwa katika muktadha wake ili maana halisi ijitokeze,” alisema Kibet.
Omar alieleza kuwa Mombasa ilikuwa imesajili wapigakura wapya 12,000 hadi 13,000 pekee, licha ya kuwa na takriban watu 200,000 wanaostahili kujisajili.
Alisema juhudi zake za kisiasa zimekuwa zikilenga kukabiliana na kutengwa kwa wakazi wa Pwani, akitaja changamoto za kupata vitambulisho na kutambuliwa kama raia.
Omar alisisitiza kuwa wanasiasa hutumia tashbihi na kutia chumvi katika hotuba zao ili kufikisha ujumbe, na kwamba matamshi yake hayakupaswa kuchukuliwa kihalisi.
Hata hivyo, makamishna wa IEBC walionya kuwa kauli zinazohusisha matumizi ya majina au alama za vidole za watu waliokufa kupiga kura zinaweza kuibua wasiwasi kuhusu uadilifu wa uchaguzi.
Mwenyekiti wa kamati, Moses Alutalala Mukhwana, alikanusha madai kuwa IEBC inalenga viongozi wa UDA pekee, akisema kuitwa kwa maafisa kadhaa wa chama hicho mbele ya kamati hakumaanishi kuwa kuna ubaguzi.
Alihimiza vyama kuwasilisha malalamishi yao kupitia Kamati ya Ushirikiano wa Vyama vya Kisiasa badala ya kutumia makosa yanayodaiwa kufanywa na wapinzani kuhalalisha mienendo yao.
Kamati hiyo inatarajiwa kutoa uamuzi wake Oktoba 27.
Ilikuwa utani tu – Hassan Omar ajitetea kuhusu ‘wafu kupiga kura’

This story was originally published by Taifa Leo.
Read the full story at Taifa LeoRelated stories
NewsIcoT yatakiwa kuongeza wataalamu ujenzi
MOROGORO: Serikali imesema itaendelea kuiimarisha Taasisi ya Teknolojia ya Ujenzi (ICoT), ili kutayarisha wataalamu wengi wenye ujuzi na umahiri watakaoweza kujiajiri na kuajirika kikamilifu katika utekelezaji wa miradi mbalimbali ya maendeleo nchini. Katibu Mkuu wa Wizara ya Ujenzi Balozi, Aisha Amour amesema hatua hiyo inalenga kuongeza upatikanaji wa mafundi sanifu na wataalamu wa kada mbalimbali…
NewsKampuni za Amerika zashinda zabuni kuchimba madini Kwale
MUUNGANO wa kampuni nne za Amerika umeshinda zabuni ya kuendeleza uchimbaji na uchakataji wa madini-adimu na niobium katika eneo la Mrima Hill, Kaunti ya Kwale, ambayo thamani yake inakadiriwa kuzidi Sh6 trilioni. Waziri wa Madini Hassan Joho alitangaza Frontier Minerals Consortium kuwa mshindi wa zabuni hiyo ya matrilioni ya fedha baada ya mchakato wa tathmini na ukaguzi wa ununuzi kukamilika. Ushindi huo unaipa Amerika nafasi muhimu katika sekta ya madini ya kimkakati nchini Kenya, huku ikiendelea kushindana na China kudhibiti upatikanaji na uchakataji wa madini hayo duniani. Kampuni zinazounda muungano wa ushirika huo ni Frontier Minerals LLC, Bunker Hill Mining Corp, ReElement Technologies na American Resources Corporation. Kila kampuni ina utaalamu wake katika uchimbaji, upatikanaji wa madini adimu, uchakataji na usafishaji wa madini muhimu kwa viwanda vya kisasa. Madini ya niobium katika Mrima Hill hutumika katika utengenezaji wa vifaa vya anga, huku madini-adimu yakihitajika katika magari ya umeme, vifaa vya kielektroniki, mitambo ya upepo, silaha za kisasa na teknolojia ya Akili-Unde. Kampuni ya ReElement Technologies tayari imevutia uwekezaji wa serikali ya Amerika wa Dola milioni 25 (takriban Sh3.2 bilioni) uliotangazwa mnamo Julai 2026 kusaidia uwekaji wa vifaa katika kiwanda chake cha kusafisha madini adimu katika jimbo la Indiana, Amerika. Uwekezaji huo ni sehemu ya juhudi za Amerika kupunguza kutegemea China, ambayo inaongoza duniani katika uchakataji wa madini hayo. Kampuni saba ziliorodheshwa kushindania mradi huo mnamo Julai, zikiwemo kampuni mbili za China, miungano miwili ya kampuni kutoka Amerika, muungano wa Australia na ubia wa Kenya na Uingereza. Kampuni za China baadaye zilijiondoa. Joho alisema kushinda zabuni hakumaanishi kampuni hiyo inaweza kuanza uchimbaji mara moja. Inapaswa kwanza kupata leseni zinazohitajika, kutekeleza masharti ya kisheria na kushirikisha jamii ya eneo hilo. Serikali pia imesisitiza kuwa madini hayo hayapaswi kuuzwa yakiwa ghafi, bali yaongezwe thamani nchini kupitia viwanda vya uchakataji. Muungano huo umesema utajenga uwezo wa kuchakata madini nchini, hatua inayoweza kuunda nafasi za ajira na kuongeza mapato. Kwa Kenya, mradi huo unatoa fursa ya kupanua uchumi ambao kwa muda mrefu umetegemea kilimo na utalii. Mapato ya sekta ya madini yalipungua kutoka Sh35 bilioni mwaka 2022 hadi Sh20.3 bilioni mwaka jana, hasa kutokana na kufungwa kwa migodi ya madini ya titanium katika Kaunti ya Kwale. Hata hivyo, mafanikio ya mradi wa Mrima Hill yatategemea uwekezaji, masharti ya leseni na namna jamii zitakavyoshirikishwa na kunufaika.
News2027: ACF warns of emerging political violence, urges restraint
…Forum urges Tinubu, governors to ensure fairness to opposition By Ibrahim Hassan-Wuyo The Arewa Consultative Forum (ACF) has raised concerns over emerging signs of political violence ahead of the 2027 general elections, urging political leaders, security agencies and Nigerians to embrace restraint and protect democratic values. The forum warned that provocative demonstrations, stone-throwing, abusive chants […]
NewsUtatu haki jinai watakiwa kuimarisha ushirikiano
ARUSHA: Mwanasheria Mkuu wa Serikali, Hamza Johari, ameitaka Taasisi ya Kuzuia na Kupambana na Rushwa (TAKUKURU), Ofisi ya Taifa ya Mashtaka (DPP) na Jeshi la Polisi, kwa kushirikiana na taasisi nyingine za haki jinai, kutekeleza majukumu yao kwa uadilifu, uaminifu na uzalendo ili kujenga imani ya wananchi kwa Serikali. Johari amesema hayo leo jijini Arusha…