KIONGOZI wa DCP, Rigathi Gachagua, jana alirejea nchini kimya kimya baada ya ziara ya miezi miwili Amerika.
Katika mkutano wake wa kwanza wa hadhi ya juu baada ya kurejea, Bw Gachagua alikutana na mrengo wa Linda Mwananchi unaoongozwa na Seneta wa Nairobi Edwin Sifuna, huku juhudi za kupata mgombea mmoja wa urais zikishika kasi.
Duru kutoka kwa kambi ya Bw Gachagua zilisema mkutano huo ulikuwa hatua ya makusudi ya kuonyesha umoja kati ya eneo la Mlima Kenya na mrengo wa Linda Mwananchi.
“Huu ni wa kwanza katika mfululizo wa mikutano na atakayefuata kukutana naye ni Kalonzo Musyoka, kisha wote watatu watahutubia mkutano wa pamoja wa kisiasa. Kuna jambo linaloendelea kwa makusudi, na yote ni katika juhudi za kuonyesha kuwa upinzani hauwezi kuendelea kukwepa suala la kuwa na mgombea mmoja wa urais,” duru hizo zikaarifu.
Bw Gachagua aliandika kwenye mitandao ya kijamii: “Karibuni katika makazi ya Wamunyoro, binamu zangu kutoka Linda Mwananchi. Tunapoungana, mambo makubwa lazima yatokee.”
“Jiandaeni kwa mshangao mkubwa kwa sababu mambo yanaendelea chini kwa chini. Hivi karibuni tutakuwa na mgombea mmoja, manifesto ya pamoja na mikakati ya pamoja ya kumkabili rais aliye mamlakani, ambaye ni lazima tumwondoe madarakani kwa njia ya kidemokrasia 2027, akasema Gavana wa Trans Nzoia, Bw George Natembeya kwenye mahojiano na Taifa Leo.
Bw Sifuna aliandamana na Mbunge wa Embakasi Mashariki Babu Owino, Seneta wa Kakamega Boni Khalwale, Mbunge wa Saboti Caleb Amisi, aliyekuwa Seneta wa Kakamega Cleophas Malala, Pauline Njoroge, Faith Odhiambo, Reuben Ndolo miongoni mwa viongozi wengine
Bw Gachagua sasa atakumbatia jitihada za kuimarisha uungwaji mkono wake eneo la Mlima Kenya, kutatua migogoro ndani ya chama chake na kushawishi upinzani kukubaliana kuhusu mgombea mmoja wa urais katika uchaguzi mkuu wa 2027.
Bw Gachagua aliwasili katika Uwanja wa Ndege wa Kimataifa wa Jomo Kenyatta mapema jana siku ya Mashujaa, kabla ya kuelekea moja kwa moja nyumbani kwake Wamunyoro, Kaunti ya Nyeri.
Alirejea kimya kimya, tofauti na Agosti 2025, alipokabiliwa na vurugu wakati wa ziara yake ya awali kutoka Amerika. Makundi ya watu wenye silaha yalishambulia msafara wake kwa mawe kwenye Barabara ya Mombasa, na kujeruhi wafuasi wake na kumlazimisha kuahirisha mkutano wa Kamukunji.
Safari hii, hakukuwa na msafara mkubwa wala umati wa wafuasi, lakini changamoto za kisiasa zinazomsubiri ni kubwa.
Bw Gachagua alikatiza mkutano wa kisiasa wa siku 15 aliokuwa amepanga kufanya katika ranchi yake Texas, Amerika, baada ya siku 10.
Alisema wafuasi wake nchini walikuwa wamemhimiza kurejea na kuongoza kampeni za upinzani dhidi ya azma ya Rais William Ruto kuwania muhula wa pili.
Katibu Mkuu wa DCP, John Methu, alisema sasa watamakinikia kuimarisha chama, kuandaa wagombeaji wa uchaguzi wa 2027 na kujadiliana kuhusu mgombea mmoja wa urais.
Gachagua arejea kimyakimya, apika nini na Sifuna?

This story was originally published by Taifa Leo.
Read the full story at Taifa LeoRelated stories
NewsIcoT yatakiwa kuongeza wataalamu ujenzi
MOROGORO: Serikali imesema itaendelea kuiimarisha Taasisi ya Teknolojia ya Ujenzi (ICoT), ili kutayarisha wataalamu wengi wenye ujuzi na umahiri watakaoweza kujiajiri na kuajirika kikamilifu katika utekelezaji wa miradi mbalimbali ya maendeleo nchini. Katibu Mkuu wa Wizara ya Ujenzi Balozi, Aisha Amour amesema hatua hiyo inalenga kuongeza upatikanaji wa mafundi sanifu na wataalamu wa kada mbalimbali…
NewsKampuni za Amerika zashinda zabuni kuchimba madini Kwale
MUUNGANO wa kampuni nne za Amerika umeshinda zabuni ya kuendeleza uchimbaji na uchakataji wa madini-adimu na niobium katika eneo la Mrima Hill, Kaunti ya Kwale, ambayo thamani yake inakadiriwa kuzidi Sh6 trilioni. Waziri wa Madini Hassan Joho alitangaza Frontier Minerals Consortium kuwa mshindi wa zabuni hiyo ya matrilioni ya fedha baada ya mchakato wa tathmini na ukaguzi wa ununuzi kukamilika. Ushindi huo unaipa Amerika nafasi muhimu katika sekta ya madini ya kimkakati nchini Kenya, huku ikiendelea kushindana na China kudhibiti upatikanaji na uchakataji wa madini hayo duniani. Kampuni zinazounda muungano wa ushirika huo ni Frontier Minerals LLC, Bunker Hill Mining Corp, ReElement Technologies na American Resources Corporation. Kila kampuni ina utaalamu wake katika uchimbaji, upatikanaji wa madini adimu, uchakataji na usafishaji wa madini muhimu kwa viwanda vya kisasa. Madini ya niobium katika Mrima Hill hutumika katika utengenezaji wa vifaa vya anga, huku madini-adimu yakihitajika katika magari ya umeme, vifaa vya kielektroniki, mitambo ya upepo, silaha za kisasa na teknolojia ya Akili-Unde. Kampuni ya ReElement Technologies tayari imevutia uwekezaji wa serikali ya Amerika wa Dola milioni 25 (takriban Sh3.2 bilioni) uliotangazwa mnamo Julai 2026 kusaidia uwekaji wa vifaa katika kiwanda chake cha kusafisha madini adimu katika jimbo la Indiana, Amerika. Uwekezaji huo ni sehemu ya juhudi za Amerika kupunguza kutegemea China, ambayo inaongoza duniani katika uchakataji wa madini hayo. Kampuni saba ziliorodheshwa kushindania mradi huo mnamo Julai, zikiwemo kampuni mbili za China, miungano miwili ya kampuni kutoka Amerika, muungano wa Australia na ubia wa Kenya na Uingereza. Kampuni za China baadaye zilijiondoa. Joho alisema kushinda zabuni hakumaanishi kampuni hiyo inaweza kuanza uchimbaji mara moja. Inapaswa kwanza kupata leseni zinazohitajika, kutekeleza masharti ya kisheria na kushirikisha jamii ya eneo hilo. Serikali pia imesisitiza kuwa madini hayo hayapaswi kuuzwa yakiwa ghafi, bali yaongezwe thamani nchini kupitia viwanda vya uchakataji. Muungano huo umesema utajenga uwezo wa kuchakata madini nchini, hatua inayoweza kuunda nafasi za ajira na kuongeza mapato. Kwa Kenya, mradi huo unatoa fursa ya kupanua uchumi ambao kwa muda mrefu umetegemea kilimo na utalii. Mapato ya sekta ya madini yalipungua kutoka Sh35 bilioni mwaka 2022 hadi Sh20.3 bilioni mwaka jana, hasa kutokana na kufungwa kwa migodi ya madini ya titanium katika Kaunti ya Kwale. Hata hivyo, mafanikio ya mradi wa Mrima Hill yatategemea uwekezaji, masharti ya leseni na namna jamii zitakavyoshirikishwa na kunufaika.
News2027: ACF warns of emerging political violence, urges restraint
…Forum urges Tinubu, governors to ensure fairness to opposition By Ibrahim Hassan-Wuyo The Arewa Consultative Forum (ACF) has raised concerns over emerging signs of political violence ahead of the 2027 general elections, urging political leaders, security agencies and Nigerians to embrace restraint and protect democratic values. The forum warned that provocative demonstrations, stone-throwing, abusive chants […]
NewsUtatu haki jinai watakiwa kuimarisha ushirikiano
ARUSHA: Mwanasheria Mkuu wa Serikali, Hamza Johari, ameitaka Taasisi ya Kuzuia na Kupambana na Rushwa (TAKUKURU), Ofisi ya Taifa ya Mashtaka (DPP) na Jeshi la Polisi, kwa kushirikiana na taasisi nyingine za haki jinai, kutekeleza majukumu yao kwa uadilifu, uaminifu na uzalendo ili kujenga imani ya wananchi kwa Serikali. Johari amesema hayo leo jijini Arusha…