WASHUKIWA wanne, akiwemo raia wa Amerika na raia wa Pakistani, wameshtakiwa kwa makosa ya kuwapatia Wakenya watano shahada ghushi zikiwemo za uzamivu baada ya mafunzo ya siku tatu pekee katika Hoteli ya White sands.
Miongoni mwa shahada ghushi zilizotolewa ni Shahada tatu za Uzamili katika Usimamizi wa Biashara (Uongozi na Usimamizi) na Shahada mbili za Uzamivu (PhD) katika Uongozi.
Washukiwa hao, waliotambuliwa kama Dayis Lawrence Bennett (raia wa Amerika), Farah Akbar (raia wa Pakistani), Ekra Wambui Ndung'u, na Josephine Ndune, walikamatwa na maafisa wa polisi wa kituo cha Bamburi waliovamia hoteli hiyo baada ya kupokea taarifa ya kijasusi.
Wanne hao walifikishwa mbele ya Mahakama ya Shanzu Alhamisi na kushtakiwa kwa makosa matano ya uhalifu, ikiwemo kutoa shahada kinyume na Kifungu cha 28(2) na (3), kama kinavyosomwa pamoja na Kifungu cha 28(5) cha Sheria ya Vyuo Vikuu.
Kwa mujibu wa karatasi ya mashtaka, washukiwa hao, pamoja na wengine ambao hawakufikishwa mahakamani, walijiwasilisha kama mawakala wa taasisi ya kigeni na kwa njia isiyo halali wakatoa Shahada ya Uzamivu (PhD) katika Uongozi kwa Purity Kimotho Wakuhu na Issack Alio Hassan bila idhini kutoka kwa Tume ya Elimu ya Vyuo Vikuu (CUE).
Katika mashtaka mengine, walidaiwa kutoa kwa njia isiyo halali Shahada ya Uzamili katika Usimamizi wa Biashara katika Uongozi kwa Evely Mila, Sepiso E.L. Nalumango, na Ahmed Noor Hassan bila idhini inayohitajika.
Mahakama iliambiwa kuwa, makosa hayo yalifanyika Februari 12, katika Hoteli ya Whitesands, Bamburi.
Hata hivyo, washukiwa walikana mashtaka yote walipofikishwa mbele ya Hakimu Mkuu wa Shanzu, Leah Juma.Bennett na Akbar waliomba kupewa dhamana wakidai walikuwa na matatizo ya kiafya yanayohitaji uangalizi wa mara kwa mara.
Kupitia kwa wakili wao, walihakikishia mahakama kuwa hawana nia ya kutoroka na kuwa wako tayari kufuata masharti yote ya mahakama.Kesi hiyo itatajwa tena Februari 18.
Washukiwa wanne washtakiwa kwa kutoa shahada ghushi hotelini

This story was originally published by Taifa Leo.
Read the full story at Taifa LeoRelated stories
TravelMiss World Kufungua Milango ya Utalii
ZANZIBAR imeendelea kujitokeza kama moja ya vivutio muhimu vya utalii nchini, safari hii ikipokea ugeni wa Miss World 2026, Joheirry Molla aliyewasili visiwani humo Novemba 19, 2026, akiwa ameambatana na warembo kutoka mabara sita.
TravelAskari Tanapa, TFS mbaroni mauaji ya wabeba mkaa
KAGERA; Jeshi la Polisi Mkoa wa Kagera linawashikilia askari 13, wakiwemo wa wanyamapori wa Mamlaka ya Hifadhi za Taifa (TANAPA), askari wa Wakala wa Huduma za Misitu Tanzania (TFS) na askari mgambo, kwa tuhuma za mauaji ya watu wanne yaliyotokea Kijiji cha Kanyamika, Kata ya Karambi, Tarafa ya Kimwani, Wilaya ya Muleba mkoani Kagera. Taarifa…
TravelNgorongoro scoops continental gong
ACCRA: THE Ngorongoro Conservation Area Authority (NCAA) has won the Excellence in Sustainable Tourism and Conservation Management Award at the Africa Business Forum & Awards 2026. The award recognises Ngorongoro’s contribution to biodiversity conservation, sustainable tourism development and the protection of its outstanding natural and cultural heritage. The awards ceremony was held in Accra, Ghana,…
TravelDk Kijaji: Mashindano makubwa gofu Afrika kufanyika Serengeti
MARA; Waziri wa Maliasili na Utalii, Dk Ashatu Kijaji, amesema Uwanja wa Gofu wa Hifadhi ya Taifa ya Serengeti utawezesha Tanzania kuwa mwenyeji wa mashindano makubwa ya gofu ya Afrika na kimataifa, hatua inayotarajiwa kuongeza idadi ya watalii, mapato na kuitangaza nchi kupitia utalii wa michezo. Akizungumza leo Oktoba 18, 2026, wakati wa uzinduzi wa…