MWISHONI mwa wiki, Tanzania ilikuwa mwenyeji wa Tuzo za 32 za Utalii duniani 2025 maarufu World Travels Awards Kanda ya Afrika na Bahari ya Hindi.
Hiyo ilikuwa ni mara ya kwanza kwa tuzo hizo kufanyika nchini tangu zilipoanzishwa mwaka 1993. Habari njema kwa Tanzania ni kwamba imeshinda tuzo 27 kati ya 60 zilizotolewa katika vipengele mbalimbali.
Na katika tuzo hizo, Shirika la Hifadhi za Taifa Tanzania (TANAPA) liliandika historia kwa kushinda tuzo saba, hatua inayoakisi dhamira na juhudi zake katika kulinda, kuhifadhi na kukuza utalii wa ndani na nje ya nchi.
Miongoni mwa tuzo hizo ni Hifadhi ya Taifa Serengeti ambayo kwa mara ya saba mfululizo ilitangazwa kuwa Hifadhi Bora Afrika, Hifadhi ya Taifa Mlima Kilimanjaro imeshinda Tuzo ya Hifadhi Bora ya Milima Afrika, na Hifadhi ya Taifa Nyerere ilishinda kipengele cha Hifadhi Bora kwa Mandhari ya Kuvutia Afrika.
Aidha, Hifadhi ya Taifa Tarangire imeshinda Tuzo ya Hifadhi Bora kwa Utalii wa Tembo, Serengeti ilishinda Tuzo ya Hifadhi inayoongoza kwa kivutio cha wanyama wakubwa watano, Hifadhi ya Taifa Ruaha ilishinda Hifadhi Bora kwa Utalii wa Kitamaduni Afrika, na Kitulo ilitajwa kuwa Hifadhi Bora kwa Fungate Afrika.
Serikali imenyakua tuzo 11 zikiwamo za vivutio bora vya utalii, Bodi bora ya utalii Afrika, Nchi bora ya Utalii wa Safari Afrika na Uwanja wa Ndege bora Afrika, huku sekta binafsi ikitwaa tuzo 16 kwenye kampuni za kitalii, hoteli na huduma za kitalii.
Ushindi wa tuzo hizo katika tuzo hizi maarufu duniani ni kielelezo cha jinsi serikali na sekta binafsi zilivyofanya kazi kubwa katika sekta ya utalii nchini kiasi cha kutambulika kimataifa na kutuzwa kwa kazi hiyo kubwa na nzuri.
Ushindi kupitia tuzo hizi unathibitisha kuwa kazi nzuri inapaswa kuendelezwa hasa ikitiliwa maanani kuwa sekta ya utalii ambayo Serikali ya Awamu ya Sita chini ya Rais Samia Suluhu Hassan imeipa msukumo mkubwa.
Rais Samia mwenyewe amekuwa kinara katika kuimarisha sekta ya utalii akishiriki mara mbili katika filamu zenye kuitangaza Tanzania na vivutio vyake, jambo ambalo linapaswa kuendelezwa na kila Mtanzania katika nafasi yake.
Sisi tunaamini tuzo hizi ni kichocheo cha kuongeza nguvu na juhudi katika sekta ya utalii ili izidi kuongeza mchango wake katika ukuaji wa uchumi, kwa kuongeza mapato na pia kuongeza idadi ya watalii wanaotembelea Tanzania.
Kwa msingi huo, tunaipongeza serikali na sekta binafsi kwa mafanikio haya makubwa, chini ya uongozi wa Rais
Samia na Wizara ya Maliasili na Utalii, wataimarisha mikakati ya kuimarisha sekta ya utalii, wataendelea kufanya
mambo makubwa zaidi ili si tu kushinda tuzo hizi mwakani bali pia kuifanya sekta iwe kinara katika kila kitu.
Ushindi Tuzo za Afrika uwe chachu kukuza sekta ya utalii

This story was originally published by Habari Leo.
Read the full story at Habari LeoRelated stories
TravelMiss World Kufungua Milango ya Utalii
ZANZIBAR imeendelea kujitokeza kama moja ya vivutio muhimu vya utalii nchini, safari hii ikipokea ugeni wa Miss World 2026, Joheirry Molla aliyewasili visiwani humo Novemba 19, 2026, akiwa ameambatana na warembo kutoka mabara sita.
TravelAskari Tanapa, TFS mbaroni mauaji ya wabeba mkaa
KAGERA; Jeshi la Polisi Mkoa wa Kagera linawashikilia askari 13, wakiwemo wa wanyamapori wa Mamlaka ya Hifadhi za Taifa (TANAPA), askari wa Wakala wa Huduma za Misitu Tanzania (TFS) na askari mgambo, kwa tuhuma za mauaji ya watu wanne yaliyotokea Kijiji cha Kanyamika, Kata ya Karambi, Tarafa ya Kimwani, Wilaya ya Muleba mkoani Kagera. Taarifa…
TravelNgorongoro scoops continental gong
ACCRA: THE Ngorongoro Conservation Area Authority (NCAA) has won the Excellence in Sustainable Tourism and Conservation Management Award at the Africa Business Forum & Awards 2026. The award recognises Ngorongoro’s contribution to biodiversity conservation, sustainable tourism development and the protection of its outstanding natural and cultural heritage. The awards ceremony was held in Accra, Ghana,…
TravelDk Kijaji: Mashindano makubwa gofu Afrika kufanyika Serengeti
MARA; Waziri wa Maliasili na Utalii, Dk Ashatu Kijaji, amesema Uwanja wa Gofu wa Hifadhi ya Taifa ya Serengeti utawezesha Tanzania kuwa mwenyeji wa mashindano makubwa ya gofu ya Afrika na kimataifa, hatua inayotarajiwa kuongeza idadi ya watalii, mapato na kuitangaza nchi kupitia utalii wa michezo. Akizungumza leo Oktoba 18, 2026, wakati wa uzinduzi wa…