TANZANIA imefanikiwa kuwa nchi ya kwanza Afrika kuongeza mapato kupitia sekta ya utalii kwa asilimia 66 ikifuatiwa na Tunisia na Morocco.
Imefanikiwa pia kuongeza idadi ya watalii kwa asilimia 50 na kuingia katika orodha ya nchi 20 bora duniani kuwa na ongezeko kubwa la watalii tangu 2019.
Kwa mujibu wa ripoti ya Shirika la Umoja wa Mataifa la Utalii (UN Tourism Q1, 2025) mpaka Mei 2025, Tanzania imeendelea kufanya vizuri kiutalii Afrika na duniani katika takwimu za robo ya kwanza ya 2025.
Ripoti hiyo imeonesha kuna ongezeko la watalii na mapato nchini ikilinganishwa na 2019 kabla ya janga la Uviko-19.
Ripoti hiyo pia ilionesha kuwa Tanzania imeingia katika tatu bora ya nchi za Afrika zinazoongoza kwa ongezeko la watalii wengi ikilinganishwa na 2019 kwa kupata ongezeko la watalii kwa asilimia 50 baada ya Morocco yenye asilimia 60 na Ethiopia yenye asilimia 52.
Takwimu hizo pia zinaonesha Tanzania ni nchi ya 12 duniani ikiwa katika orodha moja na mataifa kama Norway, Brazil, Qatar, Saudia, Moldova kama mataifa yaliyojiingizia mapato zaidi kupitia utalii.
Akizungumzia mafanikio hayo Katibu Mkuu, Wizara ya Maliasili na Utalii, Dk Hassan Abbas alisema mafanikio hayo yanatokana na mikakati bora ya kuitangaza Tanzania kimataifa.
“Rais Samia Suluhu Hassan ametoka ofisini akaenda ‘field’ akafanya filamu za Royal Tour na Amazing Tanzania viongozi wetu wa wizara, mabalozi wetu kote duniani, taasisi zetu na wadau wametoka kwenda kuitangaza nchi,” alisema.
Aliongeza: “Kwetu sisi maono ya kwenda mbele ni kuwaza mikakati zaidi ikiwemo kupitia kujitangaza kwenye ligi kubwa duniani. Ukiangalia ile ripoti utaona Qatar na Saudia wako juu ni matokeo ya mikakati pia ya vitu kama michezo na matamasha yanayofuatiliwa na nchi nyingi”.
Kadhalika Dk Abbas alisema kwa sasa Tanzania imefurika watalii waliokuja kutazama vivutio na kuchangia mapato.
Alisema kupitia taarifa iliyotolewa na Benki Kuu hivi karibuni sekta ya utalii imeingiza dola za Marekani bilioni 3.92 kwenye uchumi ikiwa namba moja kuleta fedha za kigeni huku makusanyo ya maduhuli kwa taasisi zote kubwa za utalii yamefikia viwango vya juu zaidi.
Dk Abbas alisema kupitia masoko makubwa nchi imejitangaza vya kutosha.
“Nchi ya Marekani ongezeko la watalii kuja Tanzania ni asilimia 41, China na India leo watalii kutoka China wameongezeka kwa asilimia 108 na kutoka India ni asilimia 75. Kona zote tunaona watalii na mapato vikiongezeka,” alisema.
Tanzania yang’ara utalii duniani

This story was originally published by Habari Leo.
Read the full story at Habari LeoRelated stories
TravelMiss World Kufungua Milango ya Utalii
ZANZIBAR imeendelea kujitokeza kama moja ya vivutio muhimu vya utalii nchini, safari hii ikipokea ugeni wa Miss World 2026, Joheirry Molla aliyewasili visiwani humo Novemba 19, 2026, akiwa ameambatana na warembo kutoka mabara sita.
TravelAskari Tanapa, TFS mbaroni mauaji ya wabeba mkaa
KAGERA; Jeshi la Polisi Mkoa wa Kagera linawashikilia askari 13, wakiwemo wa wanyamapori wa Mamlaka ya Hifadhi za Taifa (TANAPA), askari wa Wakala wa Huduma za Misitu Tanzania (TFS) na askari mgambo, kwa tuhuma za mauaji ya watu wanne yaliyotokea Kijiji cha Kanyamika, Kata ya Karambi, Tarafa ya Kimwani, Wilaya ya Muleba mkoani Kagera. Taarifa…
TravelNgorongoro scoops continental gong
ACCRA: THE Ngorongoro Conservation Area Authority (NCAA) has won the Excellence in Sustainable Tourism and Conservation Management Award at the Africa Business Forum & Awards 2026. The award recognises Ngorongoro’s contribution to biodiversity conservation, sustainable tourism development and the protection of its outstanding natural and cultural heritage. The awards ceremony was held in Accra, Ghana,…
TravelDk Kijaji: Mashindano makubwa gofu Afrika kufanyika Serengeti
MARA; Waziri wa Maliasili na Utalii, Dk Ashatu Kijaji, amesema Uwanja wa Gofu wa Hifadhi ya Taifa ya Serengeti utawezesha Tanzania kuwa mwenyeji wa mashindano makubwa ya gofu ya Afrika na kimataifa, hatua inayotarajiwa kuongeza idadi ya watalii, mapato na kuitangaza nchi kupitia utalii wa michezo. Akizungumza leo Oktoba 18, 2026, wakati wa uzinduzi wa…