DAR ES SA SALAAM; Tanzania inatarajia kuwa mwenyeji wa Tuzo za 32 za Kimataifa za Utalii kwa Ukanda wa Afrika na Bahari ya Hindi zinazotarajiwa kufanyika jijini Dar es Salaam Juni 28 mwaka huu.
Akizungumza kuhusu tuzo hizo Mkurugenzi Mkuu wa Bodi ya Utalii Tanzania (TTB), Ephraim Mafuru alisema hizo ndiyo tuzo kubwa zaidi za utalii ambazo zinafanyika kwa kanda ya Afrika na Tanzania imepewa nafasi ya kuwa mwenyeji wa tuzo hizo mwaka huu na takirbani wageni 500 wa ndani nan je wanatarajiwa kuhudhuria.
“Tanzania imekuwa ni nchi pekee katika Afrika kwa mwaka huu kuandaa tukio hili, nchi nyingine ni pamoja na Mexico Italia, Umoja wa Falme za Kiarabu na Baghrain ambao wanafanya kwa kanda zao na baadaye tukio la dunia litatangazwa na wanaoandaa,” alisema.
Alisema tuzo hizo zinazoandaliwa na Kampuni ya World Luxury Media Group, zina lengo la kutambua wadau walio katika sekta ya utalii na mchango wao katika sehemu mbalimbali na pia ni nafasi kwa Tanzania kuonesha mazao mbalimbali ya utalii.
Mafuru alisema wadau mbalimbali wa utalii watawania tuzo hizo wakiwemo bodi mbalimbali za utalii, watoa huduma za malazi, vivutio mbalimbali vya utalii, watoa huduma za usafiri wa anga, usafiri wa ardhini, kampuni bora za meli za kitalii, kampuni bora za usafiri wa treni za kitalii pamoja na kampuni mbalimbali zinazoendesha shughuli za utalii wa mikutano na matukio.
Alisema mpaka sasa jumla ya wadau 50 wanawania tuzo hizo mwaka huu, 38 wakiwa ni kutoka sekta binafasi na 12 kutoka taasisi za serikali.
Alisema mwaka jana tukio hilo lilifanyika ilifanyika Mombasa, Kenya na Tanzania ilishinda tuzo tano ikiwa inaongoza kwa kupata tuzo nyingi.
Alizitaja tuzo hizo kuwa ni Bodi Bora ya Utalii Afrika ambapo TTB ilichukua, Kivutio Bora Utalii Afrika (Mlima Kilimanjaro), Hifadhi Bora ya Taifa Afrika (Serengeti), Kivutio Bora cha Safari Duniani na katika ngazi ya afrika Tanzania iliongoza kwa kutembelewa zaidi.
Alitoa rai kwa wadau wa sekta ya utalii walio Dar es Salaam watumie fursa zitakazojitokeza katika kuwahudumia wageni watakaohudhuria ikiwemo usafiri, malazi, burudani na chakula.
Meneja Mkuu wa Hoteli ya Johari Rotana ambao ndiyo Hoteli washirika wa tukio hilo, Ahmed Said, aliishukuru TTB kwa fursa ya kuandaa na kusimamia tukio hilo na kusema kuwa wako tayari na wamejitoa kuwapokea na kuwahudumia wageni hao kwa uhakika na umakini.
Naye Meneja Masoko wa hospitali ya Shifaa ya Dar es Salaam, Victoria tarimo ameihakikishia TTB kwamba wamejiandaa vyema kuwapokea na kuwahudumia wageni hao kwa dharura yoyote ile na wana vifaa vya kutosha, vya kisasa vyenye ubora wa kimataifa. Hospitali hiyo ni washirika wa huduma za afya katika tukio hilo.
Tanzania mwenyeji Tuzo za 32 Utalii

This story was originally published by Habari Leo.
Read the full story at Habari LeoRelated stories
TravelMiss World Kufungua Milango ya Utalii
ZANZIBAR imeendelea kujitokeza kama moja ya vivutio muhimu vya utalii nchini, safari hii ikipokea ugeni wa Miss World 2026, Joheirry Molla aliyewasili visiwani humo Novemba 19, 2026, akiwa ameambatana na warembo kutoka mabara sita.
TravelAskari Tanapa, TFS mbaroni mauaji ya wabeba mkaa
KAGERA; Jeshi la Polisi Mkoa wa Kagera linawashikilia askari 13, wakiwemo wa wanyamapori wa Mamlaka ya Hifadhi za Taifa (TANAPA), askari wa Wakala wa Huduma za Misitu Tanzania (TFS) na askari mgambo, kwa tuhuma za mauaji ya watu wanne yaliyotokea Kijiji cha Kanyamika, Kata ya Karambi, Tarafa ya Kimwani, Wilaya ya Muleba mkoani Kagera. Taarifa…
TravelNgorongoro scoops continental gong
ACCRA: THE Ngorongoro Conservation Area Authority (NCAA) has won the Excellence in Sustainable Tourism and Conservation Management Award at the Africa Business Forum & Awards 2026. The award recognises Ngorongoro’s contribution to biodiversity conservation, sustainable tourism development and the protection of its outstanding natural and cultural heritage. The awards ceremony was held in Accra, Ghana,…
TravelDk Kijaji: Mashindano makubwa gofu Afrika kufanyika Serengeti
MARA; Waziri wa Maliasili na Utalii, Dk Ashatu Kijaji, amesema Uwanja wa Gofu wa Hifadhi ya Taifa ya Serengeti utawezesha Tanzania kuwa mwenyeji wa mashindano makubwa ya gofu ya Afrika na kimataifa, hatua inayotarajiwa kuongeza idadi ya watalii, mapato na kuitangaza nchi kupitia utalii wa michezo. Akizungumza leo Oktoba 18, 2026, wakati wa uzinduzi wa…