SEKTA ya utalii inaonekana kufufuka baada ya kuandikisha ongezeko la kima cha asilimia 60 la watalii wanawasili nchini tangu 2022, kulingana na takwimu kutoka kwa Wizara ya Utalii.
Takwimu hizo zinaonyesha kuwa watalii 2.4 milioni walitembelea Kenya mnamo 2024, ikilinganishwa na watalii 1.5 milioni waliowasili 2022.
Akizungumzia takwimu hizo kutoka kwa wizara yake, Waziri wa Utalii Rebecca Miano alisema ongezeko hilo la idadi ya watalii limewezesha mapato kutoka kwa sekta hiyo kupanda hadi Sh452 bilioni, kutoka Sh268 bilioni miaka miwili iliyopita.
“Kwa muda mrefu watalii wamekuwa wakizuru fuo na mbuga za wanyama pekee licha ya uwepo wa vivutio vingine vya watalii kote nchini. Kwa mfano watalii wanaweza kuzuru maeneo ya kispoti, kitamaduni, kilimo na kiafya,” Bi Miano akasema.
Alieleza kuwa ongezeko la idadi ya watalii wanaozuru nchini limechangia Sh509 bilioni kwa utajiri wa nchini, ambao ni asilimia 2.6 ya mchango wa sekta hiyo unaokadiriwa kuwa ya thamani ya Sh1 trilioni.
Vile vile, data zinaonyesha kuwa idadi ya wanaoajiriwa imepanda katika sekta hiyo, huku ikikadiriwa kuzalisha nafasi 1.5 milioni 2024 kutoka nafasi 1.1 milioni mnamo 2022.
Waziri Miano alisema katika juhudi za kupunguza utegemezi kwa watalii wanaozuru fuo na mbuga za wanyama, wizara yake imekuwa ikipanua maeneo mapya ya kuvutia watalii.
Aidha, alitambua kwamba shughuli za michezo kama vile mashindano ya Magical Kenya Open, Kip Keino Classic na mbio za magari za Naivasha WRC Rally zimeondokea kuvutia idadi kubwa ya watalii.
“Hafla za kitamaduni kama Tamasha ya Jamii za Maa na Tamasha ya Rusinga pia zinaendelea kuwa vituo kwa watalii,” Bi Miano akaeleza.
Isitoshe, utalii wa makongamano umevutia katika miaka ya hivi karibuni ambapo Kenya ilikuwa mwenyeji wa mikutano, makongamano na maonyesha 643, 595 yaliyovutia idadi kubwa ya wageni kutoka mataifa ya kigeni mnamo 2024. Idadi hii inawakilisha ongezeko la asilimia 12.5 ikilinganishwa na mwaka wa 2022.
Wizara ya Utalii pia imekuwa ikivumisha utalii wa humu nchini, hasa baada ya janga la Covid-19 lililoshuhudiwa kati ya miaka ya 2020 na 2021.
Inafanya hivyo kupitia kampeni kama vile “Tembea Kenya” inayohusisha kupunguzwa kwa ada ya kuingia mbuga za wanyamapori na kupunguzwa kwa ada za usafiri kwa watu wa familia moja.
Kampeni hizo zimechangia idadi ya watalii wa humu nchini wanaokodisha wanalala kwenye mikahawa kupanda hadi zaidi ya 5.1 milioni mnamo 2024.
Sekta ya utalii yaonekana kufufuka, wageni waongezeka kwa asilimia 60

This story was originally published by Taifa Leo.
Read the full story at Taifa LeoRelated stories
TravelMiss World Kufungua Milango ya Utalii
ZANZIBAR imeendelea kujitokeza kama moja ya vivutio muhimu vya utalii nchini, safari hii ikipokea ugeni wa Miss World 2026, Joheirry Molla aliyewasili visiwani humo Novemba 19, 2026, akiwa ameambatana na warembo kutoka mabara sita.
TravelAskari Tanapa, TFS mbaroni mauaji ya wabeba mkaa
KAGERA; Jeshi la Polisi Mkoa wa Kagera linawashikilia askari 13, wakiwemo wa wanyamapori wa Mamlaka ya Hifadhi za Taifa (TANAPA), askari wa Wakala wa Huduma za Misitu Tanzania (TFS) na askari mgambo, kwa tuhuma za mauaji ya watu wanne yaliyotokea Kijiji cha Kanyamika, Kata ya Karambi, Tarafa ya Kimwani, Wilaya ya Muleba mkoani Kagera. Taarifa…
TravelNgorongoro scoops continental gong
ACCRA: THE Ngorongoro Conservation Area Authority (NCAA) has won the Excellence in Sustainable Tourism and Conservation Management Award at the Africa Business Forum & Awards 2026. The award recognises Ngorongoro’s contribution to biodiversity conservation, sustainable tourism development and the protection of its outstanding natural and cultural heritage. The awards ceremony was held in Accra, Ghana,…
TravelDk Kijaji: Mashindano makubwa gofu Afrika kufanyika Serengeti
MARA; Waziri wa Maliasili na Utalii, Dk Ashatu Kijaji, amesema Uwanja wa Gofu wa Hifadhi ya Taifa ya Serengeti utawezesha Tanzania kuwa mwenyeji wa mashindano makubwa ya gofu ya Afrika na kimataifa, hatua inayotarajiwa kuongeza idadi ya watalii, mapato na kuitangaza nchi kupitia utalii wa michezo. Akizungumza leo Oktoba 18, 2026, wakati wa uzinduzi wa…