Rais William Ruto ameomboleza kifo cha mfanyabiashara mashuhuri wa Zimbabwe, Wicknell Chivayo, pamoja na mkewe Lucy Muteke, waliokuwa miongoni mwa watu sita waliofariki baada ya helikopta waliyokuwa wakisafiria kuanguka nchini Zimbabwe Jumatano jioni.
Katika ujumbe wake wa rambirambi, Rais Ruto alimtaja Chivayo kama rafiki wa karibu na kusema kifo chake cha ghafla ni pigo kubwa kwa familia yake, marafiki na watu wote waliomfahamu.
“Nimesikitishwa sana na kifo cha kusikitisha cha rafiki yangu Wicknell Chivayo, pamoja na mkewe Lucy Muteke na watu wengine waliopoteza maisha katika ajali hiyo ya helikopta nchini Zimbabwe,” alisema Rais Ruto.
Aliongeza kuwa Chivayo atakumbukwa kwa urafiki wake, uchangamfu wake na imani yake kubwa katika uwezo wa bara la Afrika kufanikiwa kiuchumi.
“Wicknell alikuwa rafiki wa karibu ambaye aligusa maisha ya watu wengi. Nitamkumbuka kwa urafiki wake, nguvu zake na imani yake katika mustakabali wa bara letu,” alisema.
Rais pia alituma rambi rambi kwa familia za waliofariki, Rais wa Zimbabwe Emmerson Mnangagwa na wananchi wa Zimbabwe.
Ajali hiyo ilitokea karibu saa kumi na moja jioni katika eneo la Marondera Rural, mashariki mwa mji mkuu wa Zimbabwe, Harare. Mamlaka nchini humo zilisema watu wote sita waliokuwa ndani ya helikopta hiyo walifariki dunia.
Msemaji wa serikali ya Zimbabwe, Nick Mangwana, alisema ndege hiyo ilikuwa imebeba mfanyabiashara maarufu, abiria wengine watatu na marubani wawili.
Kwa mujibu wa familia yake, Chivayo na mkewe walikuwa miongoni mwa walioangamia. Taarifa hiyo ilithibitishwa na msemaji wa familia, Herbert Chivayo.
Kifo chake kinafunga ghafla ukurasa wa maisha ya mmoja wa wafanyabiashara waliotajika zaidi nchini Zimbabwe. Chivayo alikuwa mwanzilishi wa kampuni ya Intratrek Zimbabwe na alihusishwa na miradi mikubwa ya nishati na miundombinu, ikiwemo Mradi wa Nishati ya Jua wa Gwanda.
Nchini Kenya, Chivayo alijulikana kutokana na ukaribu wake na Rais Ruto. Mwezi Agosti alizua mjadala baada ya kuchapisha video iliyomuonyesha Rais akimsindikiza kwa gari kuelekea uwanja wa helikopta katika makazi yake ya Kilgoris, Kaunti ya Narok.
Mfanyabiashara huyo pia alikuwa rafiki wa karibu wa Rais Mnangagwa na alionekana mara kwa mara akiwa na viongozi wakuu wa kisiasa barani Afrika. Licha ya sifa zake za ukarimu na michango kwa michezo, dini na burudani, shughuli zake za biashara na uhusiano wake wa kisiasa pia zilivuta uchunguzi wa umma mara kwa mara.
Kifo chake sasa kinaacha pengo kubwa katika nyanja za biashara, siasa, michezo na shughuli za kijamii nchini Zimbabwe.
Ruto aomboleza rafiki yake Wicknell Chivayo aliyefariki kwenye ajali ya helikopta

This story was originally published by Taifa Leo.
Read the full story at Taifa LeoRelated stories
NewsAfenifere demands prosecution of sponsors of campaign violence
…Raises alarm over rising attacks ahead of 2027 elections By Adeola Badru The pan-Yoruba socio-political organisation, Afenifere, has raised the alarm over increasing political violence ahead of the 2027 general elections, calling for the arrest and prosecution of perpetrators and their sponsors. The organisation warned that the growing incidents of thuggery, intimidation and inflammatory political […]
NewsPHOTOS: First Lady calls for continued investment in children at UNICEF anniversary
First Lady Jeannette Kagame has called for sustained investment in the education, healthcare opportunities for children to ensure no one is left behind due to poverty, disability,...
NewsFirst Lady calls for continued investment in children at UNICEF anniversary
First Lady Jeannette Kagame has called for sustained investment in the education, healthcare opportunities for children to ensure no one is left behind due to poverty, disability,...
NewsObi woos Onitsha voters, promises jobs, better services
…Says Nigeria needs energetic president By Vincent Ujumadu The presidential candidate of the Nigeria Democratic Congress (NDC), Peter Obi, on Friday drew a large crowd in Onitsha, Anambra State, as he led members of his campaign team on a roadshow and town hall meeting in the commercial city. Obi began his visit with a stop […]