MUHUDUMU katika sekta ya Utalii ameshtakiwa kwa kumlaghai na kumlipisha bei ghali mtalii kutoka Ubelgiji.
Patrick Kiilu Muthini aliyefikishwa kortini Januari 2, 2025 alikana kumlaghai Filip Martiens Dola za Marekani (USD-$)8,180 (KSh1,055,220).
Bw Muthini, mahakama ilielezwa, alikuwa amemhadaa Mbelgiji huyu atampeleka kuona maeneo ya ajabu nchini pamoja na kumpeleka katika hifadhi tajika za Wanyama porini kufurahia madhari ya kupendeza na kufurahisha moyo.
Hata hivyo, hakimu mkazi Rose Ndombi alifahamishwa na Mkurugenzi wa Mashtaka ya Umma (DPP) Renson Ingonga kupitia wakili wa Serikali Ishmael Kiragu kwamba mshtakiwa alimhadaa Martiens na “hakumpeleka kule alimuahidi.”
Baadhi ya mahala ambapo Martiens angelipelekwa ni vivutio vya watalii sawia na kutembezwa hifadhi tajika za wanyama wa pori pamoja na maeneo muhimu zaidi humu nchini.
Kiongozi wa mashtaka Bw Ishmael Kiragu alieleza mahakama mshtakiwa hakutimiza ahadi yake ndipo akatiwa mbaroni.
Muhudumu huyo katika kampuni ya Safari Herd alikabiliwa na shtaka la kupokea pesa kwa njia ya udanganyifu.
Baada ya kukana shtaka hilo, mshtakiwa aliomba apewe fursa ya kusuluhisha suala hilo na chama cha watalii nchini-KATO.
“Naomba niachiliwe kwa dhamana isiyo ya kiwango cha juu ndipo nisuluhishe suala hili na mlalamishi na KATO,” mshtakiwa aliirai mahakama kupitia kwa wakili aliyemwakilisha.
Kiongozi wa mashtaka Bw Kiragu hakupinga ombi la mshtakiwa la kuachiliwa kwa dhamana ila alimsihi hakimu azingatie kiwango cha pesa alichotapeliwa mtalii huyo.
Mahakama ilimwachilia mshtakiwa kwa dhamana ya Sh500,000 ama pesa tasilimu Sh100,000.
Mahakama ilifahamishwa mshtakiwa alipokea pesa hizo kutoka kwa Martiens katika eneo la Westlands Nairobi kati ya Oktoba 4 na Desemba 30, 2024.
Kesi hiyo itatajwa baada ya wiki mbili kutengewa siku ya kusikizwa.
Mhudumu ashtakiwa ‘kumuosha’ mtalii Sh1 milioni akidai atamtembeza maeneo ya ajabu

This story was originally published by Taifa Leo.
Read the full story at Taifa LeoRelated stories
TravelMiss World Kufungua Milango ya Utalii
ZANZIBAR imeendelea kujitokeza kama moja ya vivutio muhimu vya utalii nchini, safari hii ikipokea ugeni wa Miss World 2026, Joheirry Molla aliyewasili visiwani humo Novemba 19, 2026, akiwa ameambatana na warembo kutoka mabara sita.
TravelAskari Tanapa, TFS mbaroni mauaji ya wabeba mkaa
KAGERA; Jeshi la Polisi Mkoa wa Kagera linawashikilia askari 13, wakiwemo wa wanyamapori wa Mamlaka ya Hifadhi za Taifa (TANAPA), askari wa Wakala wa Huduma za Misitu Tanzania (TFS) na askari mgambo, kwa tuhuma za mauaji ya watu wanne yaliyotokea Kijiji cha Kanyamika, Kata ya Karambi, Tarafa ya Kimwani, Wilaya ya Muleba mkoani Kagera. Taarifa…
TravelNgorongoro scoops continental gong
ACCRA: THE Ngorongoro Conservation Area Authority (NCAA) has won the Excellence in Sustainable Tourism and Conservation Management Award at the Africa Business Forum & Awards 2026. The award recognises Ngorongoro’s contribution to biodiversity conservation, sustainable tourism development and the protection of its outstanding natural and cultural heritage. The awards ceremony was held in Accra, Ghana,…
TravelDk Kijaji: Mashindano makubwa gofu Afrika kufanyika Serengeti
MARA; Waziri wa Maliasili na Utalii, Dk Ashatu Kijaji, amesema Uwanja wa Gofu wa Hifadhi ya Taifa ya Serengeti utawezesha Tanzania kuwa mwenyeji wa mashindano makubwa ya gofu ya Afrika na kimataifa, hatua inayotarajiwa kuongeza idadi ya watalii, mapato na kuitangaza nchi kupitia utalii wa michezo. Akizungumza leo Oktoba 18, 2026, wakati wa uzinduzi wa…