KATIKA juhudi za kuhamasisha utalii wa ndani na kuchochea ukuaji wa uchumi, mbio za kipekee zinazojulikana kama “Mtembezi Marathon” imeandaliwa kwa mara ya kwanza mjini Iringa, kitovu cha utalii kusini mwa Tanzania.
Akizungumza na wanahabari Mkurugenzi wa Mtembezi Adventures inayoandaa na kuratibu mbio hizo, Samson Samwel Mtembezi Marathon itakayofanyika Desemba 7 mjini Iringa inatarajia kuvutia zaidi ya washiriki 500.
Amesema wameleta mbio hizo Iringa kwa kuwa ni moja ya mikoa ambayo imejipatia sifa kwa kuwa na vivutio mbalimbali vya utalii vikiwemo vya utamaduni na historia, mandhari na kilimo, na vivutio vya asili ikiwemo hifadhi ya Taifa ya Ruaha.
“Mbio hizi zinaweza kuhusisha maeneo ya kihistoria ndani ya mji wa Iringa, kama Kanisa la Kale la Wamisionari wa Kilutheri na soko la mji ambalo lina bidhaa za sanaa na ukumbusho wa kitamaduni,” alisema.
Alisema wanataka kuona mbio hizo, ambazo tayari zimekusanya washiriki kutoka maeneo mbalimbali nchini, zinakuwa kivutio kikubwa kwa watalii wa ndani na nje ya nchi, huku zikionesha uzuri wa asili na urithi wa kitamaduni wa Tanzania.
Alisema lengo kuu la mbio hizo ni kuwahamasisha watanzania kuchangamkia utalii wa ndani na kuelewa umuhimu wake katika kukuza pato la Taifa.
“Mbio hizi zinalenga kuhamasisha wananchi kutembelea mbuga za wanyama, milima, na vivutio vingine vya kipekee ambavyo mara nyingi hutembelewa na wageni wa kimataifa pekee,” alisema na kuongeza marathon hiyo itakuwa ya kilomita 5, 10, na 21.
Marathon hiyo alisema itafungua fursa kwa wajasiriamali wa ndani, huku mahoteli, migahawa, na biashara ndogondogo zikishuhudia ongezeko la wateja na sehemu ya mapato yatakayokusanywa kutokana na ada za usajili na udhamini yatarudishwa kwa jamii.
The post Mbio za Mtembezi kuvutia washiriki 500 Iringa appeared first on HabariLeo.
Mbio za Mtembezi kuvutia washiriki 500 Iringa

This story was originally published by Habari Leo.
Read the full story at Habari LeoRelated stories
TravelMiss World Kufungua Milango ya Utalii
ZANZIBAR imeendelea kujitokeza kama moja ya vivutio muhimu vya utalii nchini, safari hii ikipokea ugeni wa Miss World 2026, Joheirry Molla aliyewasili visiwani humo Novemba 19, 2026, akiwa ameambatana na warembo kutoka mabara sita.
TravelAskari Tanapa, TFS mbaroni mauaji ya wabeba mkaa
KAGERA; Jeshi la Polisi Mkoa wa Kagera linawashikilia askari 13, wakiwemo wa wanyamapori wa Mamlaka ya Hifadhi za Taifa (TANAPA), askari wa Wakala wa Huduma za Misitu Tanzania (TFS) na askari mgambo, kwa tuhuma za mauaji ya watu wanne yaliyotokea Kijiji cha Kanyamika, Kata ya Karambi, Tarafa ya Kimwani, Wilaya ya Muleba mkoani Kagera. Taarifa…
TravelNgorongoro scoops continental gong
ACCRA: THE Ngorongoro Conservation Area Authority (NCAA) has won the Excellence in Sustainable Tourism and Conservation Management Award at the Africa Business Forum & Awards 2026. The award recognises Ngorongoro’s contribution to biodiversity conservation, sustainable tourism development and the protection of its outstanding natural and cultural heritage. The awards ceremony was held in Accra, Ghana,…
TravelDk Kijaji: Mashindano makubwa gofu Afrika kufanyika Serengeti
MARA; Waziri wa Maliasili na Utalii, Dk Ashatu Kijaji, amesema Uwanja wa Gofu wa Hifadhi ya Taifa ya Serengeti utawezesha Tanzania kuwa mwenyeji wa mashindano makubwa ya gofu ya Afrika na kimataifa, hatua inayotarajiwa kuongeza idadi ya watalii, mapato na kuitangaza nchi kupitia utalii wa michezo. Akizungumza leo Oktoba 18, 2026, wakati wa uzinduzi wa…