KAUNTI ya Lamu imeandika historia mpya baada ya Uwanja wa Ndege wa Manda kupokea safari za ndege za kimataifa kwa mara ya kwanza, hatua inayotarajiwa kufungua fursa mpya za biashara, utalii na uwekezaji kufuatia uwekaji wa jiwe la msingi la ujenzi wa Kiwanda cha Kusafisha Mafuta cha Dangote cha Shilingi trilioni mbili.
Mnamo Jumatano, ndege aina ya Boeing 737-800 iliyombeba Waziri Mkuu wa Ethiopia Abiy Ahmed ilitua katika uwanja huo saa nne na dakika arubaini na nne asubuhi. Ndege nyingine zilifika kutoka Nigeria, Ethiopia na Uganda, jambo lililoashiria kuimarika kwa hadhi ya Lamu katika mtandao wa usafiri wa anga wa Afrika Mashariki.
Sherehe ya uwekaji wa jiwe la msingi la mradi huo mkubwa pia ilileta ndege za kifahari zikiwemo Gulfstream G500 na G600, Embraer Legacy 600 pamoja na Global Express 900. Helikopta kadhaa nazo zilitua katika eneo la Bandari ya Lamu.
Mamlaka ya Viwanja vya Ndege Kenya (KAA) ilisema kupokelewa kwa ndege hizo ni ishara kuwa Lamu sasa inaingia katika jukwaa la kimataifa. Mafanikio hayo yamechangiwa na ukarabati wa njia ya kurukia ndege yenye urefu wa kilomita mbili na upana wa mita 30.
Waziri wa Uchukuzi Davis Chirchir alisema serikali imeboresha miundombinu ya uwanja huo na ina mpango wa kuujenga upya kabisa ili kuendana na mahitaji ya baadaye ya eneo la Lapsset na mji mkuu mpya unaotarajiwa kukua Lamu.
“Lamu itakuwa mji ambao wengi hawakuwahi kufikiria wangeuona katika maisha yao. Uchumi wake utabadilika pamoja na ule wa Kenya na eneo lote,” alisema Chirchir.
Wadau wa biashara wanaamini mradi wa Dangote utachochea ukuaji mkubwa wa uchumi wa eneo hilo. Rais wa Chama cha Kitaifa cha Wafanyabiashara na Viwanda Kenya (KNCCI), Dkt Erick Rutto, alisema nafasi za kazi zaidi ya 60,000 zinazotarajiwa kuundwa wakati wa ujenzi zitafungua fursa nyingi kwa wenyeji.
Alisema sekta za biashara, uvuvi, makazi na huduma zitanufaika kutokana na ongezeko la wafanyakazi na wageni watakaomiminika Lamu.
Gavana wa Lamu Issa Timamy alihakikisha kuwa serikali ya kaunti itashirikiana kikamilifu na wawekezaji ili kuhakikisha mradi huo unafanikiwa. Aliwahimiza wakazi kupata ujuzi utakaowasaidia kupata ajira zinazotarajiwa kuibuka.
Hata hivyo, aliwataka wawekezaji kuhakikisha mazingira, mikoko, fukwe na urithi wa kitamaduni wa Lamu unalindwa ipasavyo.
Kwa upande wake, bilionea wa Nigeria Aliko Dangote aliahidi kuwa mradi huo utatekelezwa kwa kuzingatia viwango vya juu vya kulinda mazingira huku ukiwafaidi wananchi wa Kenya na Afrika Mashariki.
Rais William Ruto alisema Lamu, ambayo kwa miaka mingi imekuwa ikionekana kama eneo lililosahaulika kutokana na idadi ndogo ya wakazi, sasa itakuwa kitovu kipya cha maendeleo ya taifa.
Kwa mujibu wa takwimu za sensa ya mwaka 2019, Lamu ndiyo kaunti yenye idadi ndogo zaidi ya watu nchini, ikikadiriwa kuwa na wakazi 175,705 mwaka 2025. Hata hivyo, uwekezaji mkubwa unaoingia katika eneo hilo unatarajiwa kubadilisha sura ya uchumi wake kwa miaka ijayo.
Lamu yang’aa kimataifa ndege za kifahari zikitua

This story was originally published by Taifa Leo.
Read the full story at Taifa LeoRelated stories
NewsAfenifere demands prosecution of sponsors of campaign violence
…Raises alarm over rising attacks ahead of 2027 elections By Adeola Badru The pan-Yoruba socio-political organisation, Afenifere, has raised the alarm over increasing political violence ahead of the 2027 general elections, calling for the arrest and prosecution of perpetrators and their sponsors. The organisation warned that the growing incidents of thuggery, intimidation and inflammatory political […]
NewsPHOTOS: First Lady calls for continued investment in children at UNICEF anniversary
First Lady Jeannette Kagame has called for sustained investment in the education, healthcare opportunities for children to ensure no one is left behind due to poverty, disability,...
NewsFirst Lady calls for continued investment in children at UNICEF anniversary
First Lady Jeannette Kagame has called for sustained investment in the education, healthcare opportunities for children to ensure no one is left behind due to poverty, disability,...
NewsObi woos Onitsha voters, promises jobs, better services
…Says Nigeria needs energetic president By Vincent Ujumadu The presidential candidate of the Nigeria Democratic Congress (NDC), Peter Obi, on Friday drew a large crowd in Onitsha, Anambra State, as he led members of his campaign team on a roadshow and town hall meeting in the commercial city. Obi began his visit with a stop […]