AZMA ya Edwin Sifuna ya kuwania urais inaonekana kuingia katika kipindi chake kigumu zaidi.
Kilichoanza kama harakati yenye nguvu na umoja chini ya Linda Mwananchi sasa kimeanza kugeuka mgawanyiko na kuibua misafara tofauti ya kisiasa.
Kila kikosi kikuu kilichoonekana kuwa tayari kuunga mkono mradi wa urais wa vuguvugu hilo sasa kinaonekana kujenga utambulisho wake wa kisiasa.
Swali si tena ikiwa Linda Mwananchi ina nyufa, bali ikiwa Sifuna atastahimili kuziziba nyufa hizo kabla ya uchaguzi wa 2027.
Kuibuka na kuimarika kwa vyama vinavyohusishwa na wanasiasa kama Babu Owino, James Orengo, Caleb Hamisi, Boni Khalwale, George Natembeya, Eugene Wamalwa na Rigathi Gachagua kunazua maswali mazito.
Je, wanajiandaa kwa mazungumzo ya kisiasa, wanajilinda dhidi ya kusalitiwa, au ni ishara ya kutokuaminiana ndani ya upinzani?
Uamuzi wa Sifuna kukumbatia The Equitable Party (TEP) dakika za mwisho unaibua maswali chungu nzima.
Je, ulikuwa mkakati uliopangwa kwa makini au anajaribu kupakata kivuli baada ya kushindwa kuifanya Linda Mwananchi kuwa chombo chake cha urais?
Muda sasa unakuwa silaha ya kisiasa. Muda wa usajili, uteuzi wa wagombea na mipango ya miungano unakaribia, je, Sifuna ataweza kumudu suitafahamu ya kisiasa na kiuchaguzi kwa muda mrefu?
Ikiwa TEP itakuwa chombo chake, je, jina, utambulisho na maana ya kisiasa ya TEP vinaweza kubadilishwa kuwa Linda Mwananchi kwa haraka?
Zaidi ya hayo,Sifuna yuko tayari kubeba gharama kubwa ya kifedha na kiutawala ya kuipa TEP msukumo wa kitaifa uliokuwa umeanza kuhusishwa na Linda Mwananchi? Umaarufu wa mikutano na mitandao ya kijamii hauwezi moja kwa moja kugeuka kuwa kura, mawakala, ofisi, vifaa vya kampeni na mtandao wa vituo vya kupigia kura.
Sifuna kuwauliza wenzake na wafuasi wake ikiwa wako tayari kwenda naye hadi “mwisho wa safari” au kumwacha kunaonyesha shinikizo la kisiasa linalomkabili.
Anapaswa kuponya migawanyiko ya Linda Mwananchi, kujenga msingi wa kitaifa, kukijenga chama chake, kuwaunganisha viongozi wa upinzani na kuwashawishi Wakenya kuwa anaweza kumpa Rais William Ruto ushindani wa kweli.
Ingawa baadhi ya wafuasi wake wanahisi kuwa jina Sifuna pekee linatosha kusisimua wananchi na kupata kura, anacho kibarua kutafuta fedha za kampeni na kujadiliana na viongozi wakuu ambao huenda nao wana matarajio ya urais au nafasi kubwa za kisiasa. Zaidi ya yote, lazima awajengee imani kwamba kumuunga mkono hakutakuwa kujitoa mhanga kisiasa.
Je, Sifuna alielewa kikamilifu mzigo uliomsubiri kabla ya kutangaza azma yake ya urais? Mihemko ya kisiasa inaweza kuleta taswira ya umoja, hasa wakati wa mikutano mikubwa, kauli mbiu na umaarufu mitandaoni vinapotafsiriwa kama vidokezo vya kupata ushindi. Ndoto ya Sifuna bado haijafa, lakini njia imekuwa ngumu zaidi. Adui wake mkubwa kisiasa huenda sirais Ruto, bali mgawanyiko ndani ya upinzani wenyewe.
Takribani ionozi wote wa upinzani wanakariri umuhimu wa kuungana na kumteua mwaniaji mmoja kuwania urais. Je, watakapofanya hivyo watampa Sifuna nafasi hiyo?
Iwapo hawezi kubadilisha kutokuaminiana kuwa mazungumzo, vyama pinzani kuwa muungano na shauku ya kisiasa kuwa hamasa ya kitaifa, ndoto ya Linda Mwananchi inaweza kukumbana na anguko la mapema.
Je, Sifuna ataweza kuwaunganisha vigogo waliokuwa wameahidi kutembea naye, kabla hawajaamua kutembea kivyao?
Hesabu za siasa za 2027 zinamla kichwa Sifuna

This story was originally published by Taifa Leo.
Read the full story at Taifa LeoRelated stories
NewsAfenifere demands prosecution of sponsors of campaign violence
…Raises alarm over rising attacks ahead of 2027 elections By Adeola Badru The pan-Yoruba socio-political organisation, Afenifere, has raised the alarm over increasing political violence ahead of the 2027 general elections, calling for the arrest and prosecution of perpetrators and their sponsors. The organisation warned that the growing incidents of thuggery, intimidation and inflammatory political […]
NewsPHOTOS: First Lady calls for continued investment in children at UNICEF anniversary
First Lady Jeannette Kagame has called for sustained investment in the education, healthcare opportunities for children to ensure no one is left behind due to poverty, disability,...
NewsFirst Lady calls for continued investment in children at UNICEF anniversary
First Lady Jeannette Kagame has called for sustained investment in the education, healthcare opportunities for children to ensure no one is left behind due to poverty, disability,...
NewsObi woos Onitsha voters, promises jobs, better services
…Says Nigeria needs energetic president By Vincent Ujumadu The presidential candidate of the Nigeria Democratic Congress (NDC), Peter Obi, on Friday drew a large crowd in Onitsha, Anambra State, as he led members of his campaign team on a roadshow and town hall meeting in the commercial city. Obi began his visit with a stop […]