MRADI wa Eco-School ni muhimu katika kuimarisha elimu ya mazingira na maendeleo endelevu kwa wanafunzi, jamii na taifa kwa ujumla. Mradi huu unawawezesha watoto kujifunza kwa vitendo, kukuza uongozi na kushiriki moja kwa moja katika uhifadhi wa mazingira na rasilimali asilia.
Moja ya manufaa makubwa ya mradi huu kwa kizazi cha sasa ni kuimarisha elimu kwa vitendo. Kupitia Eco-School, wanafunzi hawajifunzi kwa nadharia pekee, bali hushiriki shughuli halisi kama kilimo cha bustani za shule, utunzaji wa misitu na utekelezaji wa miradi ya nishati safi.
Njia hii huwajengea uelewa mpana na wa kudumu kuhusu umuhimu wa mazingira katika maisha ya kila siku. Wanafunzi wa shule za msingi na sekondari wanaposhiriki katika miradi ya kijamii inayohusiana na mazingira, hujengewa misingi ya uongozi bora na maono ya kijani.
Kwa mantiki hiyo, mradi wa Eco-School umebeba dhamana ya kumlea mtoto katika misingi ya utunzaji wa mazingira tangu akiwa mdogo, ili aelewe wajibu wake katika kulinda mazingira kwa manufaa ya sasa na ya baadaye. Kupitia mradi huu, wanafunzi hujifunza mbinu mbalimbali za kiikolojia kama matumizi endelevu ya rasilimali, uhifadhi wa nishati, upandaji miti na kudumisha usafi wa mazingira.
Aidha, hujifunza kwa vitendo kuhusu uendelevu wa mazingira, uzalishaji wa chakula bora kupitia kilimo hai, pamoja na matumizi ya teknolojia za kisasa za nishati safi kama nishati ya jua. Shule zinazotekeleza Eco-School hushirikishwa pia katika mipango ya kupunguza uchafuzi wa mazingira, kuongeza uelewa kuhusu athari za mabadiliko ya tabianchi na kutekeleza miradi midogo midogo ikiwemo bustani za shule, vituo vya kuchakata taka na matumizi ya teknolojia rafiki kwa mazingira.
Hatua hizi huandaa wanafunzi kuwa mabalozi wa mazingira katika jamii zao. Mwaka 2025, shule 41 za msingi na sekondari, kwa mujibu wa Shirika la Kuhifadhi Misitu ya Asili Tanzania (TFCG) linalosimamia utekelezaji wa mradi huu, zimekidhi vigezo saba vya kupatiwa bendera ya kimataifa ya kijani kama utambuzi wa kazi nzuri iliyofanywa.
Shule hizo zinatoka katika wilaya za Kilosa, Mvomero, Morogoro na Mufindi mkoani Iringa. Utekelezaji wa mradi huu umekuwa nyenzo muhimu katika kusaidia serikali kuboresha elimu, kuongeza stadi za maisha na ujasiriamali kwa wanafunzi, sambamba na kujenga utamaduni wa kujitegemea. Shule zimefanikiwa kuzalisha mazao mbalimbali yakiwemo matunda na mboga, kuyauza katika masoko ya ndani na hivyo kuongeza kipato cha shule na hata kuwajengea wanafunzi ujuzi wa kujitegemea wanaporejea nyumbani.
Kwa msingi huo, wanafunzi wananufaika kiuchumi kwa kuanzisha miradi yao binafsi wakiwa nyumbani, ikiwemo bustani za mboga, kilimo cha migomba na matumizi ya mbolea ya asili wanayoitengeneza wenyewe bila kemikali. SOMA: Waomba mazingira bora zaidi elimu jumuishi
Hali hii husaidia kupunguza gharama za maisha kwa familia zao. Ni wito wangu kwa viongozi wa shule husika na nyinginezo kuanzisha na kuimarisha mikakati endelevu inayotumia mbinu shirikishi za utunzaji wa mazingira kwa wanafunzi. Hatua hii itajenga kizazi chenye uwezo wa kukabiliana na changamoto za mabadiliko ya tabianchi na chenye ujuzi wa kuanzisha miradi ya kujipatia kipato.
Nina imani kuwa endapo mpango huu utawekewa mkazo zaidi shuleni, utaleta faida kubwa si kwa shule pekee bali pia kwa wanafunzi wanapokuwa shuleni na hata baada ya kumaliza masomo yao, kwa kuwajengea uwezo wa kuendesha miradi itakayowaingizia kipato na kupunguza mzigo wa gharama za maisha kwa wazazi wao.
The post Watoto wajifunze umuhimu wa mazingira first appeared on HabariLeo.
Watoto wajifunze umuhimu wa mazingira

This story was originally published by Habari Leo.
Read the full story at Habari LeoRelated stories
EducationalChama cha CHAWAKAMA-KENYA kinavyopeleka Kiswahili jukwaa la kimataifa
CHAMA cha Wanafunzi wa Kiswahili katika Vyuo Vikuu vya Afrika Mashariki (CHAWAKAMA-KENYA) kimezidisha juhudi za kukiendeleza Kiswahili na kukipa nafasi katika ulimwengu wa utandawazi kupitia makongamano yanayowaleta pamoja wanazuo, watafiti na wadau wa lugha hii adhimu. Mbali na kukuza Kiswahili, chama hiki kimekuwa jukwaa muhimu la kuwaunganisha wanafunzi wa vyuo vikuu, kuibua vipaji, kujenga mitandao ya kitaaluma na kuhamasisha ubunifu. Pia, kimechangia kuzalisha viongozi, waandishi, wahariri, watafiti na wakalimani watakaokipeperusha Kiswahili katika majukwaa ya kimataifa. Mwelekeo huo ulidhihirika Novemba 6–7 mwaka huu, wakati CHAWAKAMA-Kenya kilipoandaa kongamano la kikanda katika Chuo Kikuu cha Laikipia, lililoongozwa na kaulimbiu ya ‘Kiswahili na Utandawazi’. Kongamano hilo liliwakutanisha wanafunzi kutoka vyuo mbalimbali, vikiwemo Rongo, Laikipia, Masinde Muliro, Kisii, Daystar, Kabianga, Murang’a, Turkana na Kaimosi. Washiriki walijadili nafasi ya Kiswahili katika kuzalisha maarifa, kuwasilisha uvumbuzi na kutatua changamoto za jamii. Kongamano lilifunguliwa rasmi na Prof Guyo Sarr Huka, Naibu Makamu Mkuu wa Chuo Kikuu cha Laikipia anayesimamia masuala ya kitaaluma. Katika tukio hilo, kamati andalizi ikiongozwa na Mwenyekiti Clinton Ageta na mlezi wa chama Prof Sheila Wandera, ilizindua bidhaa zenye nembo ya CHAWAKAMA-Kenya, zikiwemo mashati-tao, chepeo, kalamu, bango na vitabu vilivyoandikwa na wanachama. Ubunifu wa wanachama ulijitokeza pia kupitia Kishazi TV, runinga ya mtandaoni iliyorusha matukio ya kongamano mubashara na kusambaza maudhui yake kupitia mitandao ya kijamii. Kongamano lilipambwa na michango ya wataalamu mashuhuri wa Kiswahili, akiwemo Dkt Moses Wasike (Mgeni Rasmi), Dkt Riro Matinde, Prof James Ontieri, Dkt Nixon Sangili na Dkt Sussy Nandama, miongoni mwa wengine. Mafanikio hayo yalitokana na ushirikiano wa CHAWAKAMA-Kenya, Idara ya Masomo ya Kibinadamu na Maendeleo, uongozi wa Chuo Kikuu cha Laikipia na Chama cha Kiswahili cha Laikipia (CHAKILA). Chama hicho kinaongozwa na Clinton Ageta (Mwenyekiti), Granton Mdogo (Naibu Mwenyekiti), Doreen Mukami (Katibu Mkuu), Griffin Amakala (Naibu Katibu Mkuu), Diana Mirriam (Mhazini), Velma Natang’a (Afisa wa Uhusiano Mwema), Micah Sikolia (Katibu Mtendaji) na Okimba Lester (Afisa Mwenezi). Wahariri ni Luke Shikoli, Kweyu Remjo, Augustine Wekesa, Winjoy Gacheri na Zdame Zuhura, huku Samson Nyamosi na Denis Chumo wakihudumu kama Maafisa wa Nidhamu. Kwa hakika, CHAWAKAMA-Kenya kinaendelea kuthibitisha kuwa mustakabali wa Kiswahili unategemea ubunifu, ushirikiano na juhudi za kizazi kipya.
Educational‘Shule zisizo na vifaa zisipokee wanafunzi wa amali’
MOROGORO: WAZIRI wa Elimu, Sayansi na Teknolojia, Profesa Adolf Mkenda, amewaagiza maofisa uthibiti ubora wa shule kufuatilia shule zote zinazotoa elimu ya amali na kuhakikisha zina miundombinu, vifaa na vitendea kazi vinavyokidhi mahitaji ya mafunzo ya ufundi. Amesema shule zilizosajiliwa kutoa elimu ya amali lakini hazina vifaa vya kufundishia na kujifunzia hazipaswi kuendelea kupokea wanafunzi…
EducationalWazazi wapinga mfumo wa uchaguzi wa shule za sekondari
WAZAZI wawili wamewasilisha kesi mahakamani kutaka Wizara ya Elimu izuiwe kukamilisha uteuzi wa wanafunzi wa Gredi 10 katika shule za sekondari, wakidai mfumo wa kusimamia habari za elimu Kenya ( KEMIS) una hitilafu zinazowanyima wanafunzi nafasi ya kuchagua shule wanazotaka. Mabw Omwenga Ongegu na John Ominde wanasema mfumo huo unaonyesha shule 1,000 pekee kwa kila mseto wa masomo, hata pale ambapo shule nyingi zaidi zinatoa mseto huo nchini. Pia wanadai kuwa baadhi ya miseto ya masomo haina shule zilizoorodheshwa. Katika ombi lao, Ongegu alisema miseto 26 ya masomo imeathiriwa na idadi ya shule hizo 1,000, hali inayoficha taasisi nyingine zinazotoa masomo hayo. Kwa mfano, mseto wa ST1048 unaojumuisha Baiolojia, Kemia na Fizikia katika mkondo wa Sayansi, Tekonolojia na Hisbati (STEM) una shule 10,515 zinazodaiwa kuutoa nchini, lakini mfumo unaonyesha shule 1,000 pekee. Hii ina maana kuwa wanafunzi wanaona takriban asilimia 9.51 pekee ya shule zinazopatikana kwa mseto huo. Walalamishi pia wanasema kuwa kati ya mIseto 418 iliyoorodheshwa kwenye mfumo, 28 haina shule yoyote iliyoonyeshwa, huku 303 ikiwa na shule 94 au chini ya hapo. Wanasema kasoro hizo zinazuia wanafunzi na wazazi kupata taarifa sahihi kabla ya kufanya maamuzi yatakayoathiri masomo yao ya baadaye. “Hii haiwezi kuachwa bila kurekebishwa hadi wanafunzi watakapofika wakati wa kuomba nafasi za shahada na diploma kupitia KUCCPS,” sehemu ya kesi inasema. Pia walalamishi wameibua wasiwasi kuhusu jinsi masomo ya Gredi 10 yatakavyoathiri nafasi za kujiunga na vyuo vikuu. Wanasema hakuna ufafanuzi wa kutosha kuhusu jinsi somo la Community Service Learning litakavyoathiri wanafunzi kujiunga na kozi mbalimbali. Wanataka mahakama itangaze kuwa kuonyesha orodha zisizokamilika bila kutoa tahadhari kunakiuka haki za wanafunzi. Pia wanataka wizara iamriwe kufungua tena mfumo huo ili wanafunzi warekebishe uchaguzi wao baada ya kupewa taarifa kamili kuhusu shule na mseto wa masomo. Wamependekeza mfumo ufunguliwe tena baada ya mitihani ya tathmini ya Gredi 9 kuanza Oktoba 26, ili kuepusha kuwaongezea watahiniwa shinikizo. Mfumo wa KEMIS ulifunguliwa Agosti 24, 2026, na muda wa kuchagua shule uliongezwa hadi Septemba 15.
EducationalKiruswa akabidhi vifaa shule ya Lesing’ita
LONGIDO: NAIBU Waziri wa Madini na Mbunge wa Jimbo la Longido mkoani Arusha, Dk. Stephen Kiruswa, amekabidhi mashine ya kunakili na kuchapisha nyaraka pamoja na kompyuta kwa Shule ya Msingi Lesing’ita, vyenye thamani ya zaidi ya Sh milioni tatu, ili kupunguza gharama za shule katika uchapishaji wa karatasi za mazoezi, mitihani na shughuli nyingine za…