UAMUZI wa Halmashauri Wilaya ya Kinondoni wa kufunga baa na klabu za usiku tano kwa kosa la kupiga muziki kupita kipimo kilichowekwa na Baraza la Taifa la Hifadhi na Usimamizi wa Mazingira (NEMC), ni hatua muhimu inayostahili pongezi.
Hii ni ishara ya serikali na mamlaka za mitaa kujitahidi kudhibiti uchafuzi wa mazingira kwa njia ya kelele hasa muziki wa usiku, ambazo zinaathiri afya ya umma, usalama na maadili ya kijamii.
Hatua hii inapaswa kuigwa na halmashauri nyingine nchini ili kuhakikisha ustawi wa wananchi na mazingira na wakati huohuo, ikiwa ni utekelezaji wa sheria.
Sheria zinazohusika na udhibiti wa kelele nchini Tanzania ni pamoja na Sheria ya Mazingira ya mwaka 2004, ambayo inatoa mamlaka kwa Nemc na mamlaka za mitaa kudhibiti na kuzuia kelele kutokana na shughuli mbalimbali, ikiwa ni pamoja na baa na klabu za usiku.
Sheria hii inakataza kelele zinazozidi kiwango kinachoruhusiwa ili kulinda afya ya binadamu, mazingira na ustawi wa jamii.
Sheria ya Mazingira ya mwaka 2004, kifungu cha 106 (5) imeweka bayana kwamba si ruhusa kwa mtu yeyote kupiga kelele au kusababisha kelele kuzidi kiwango kilichoainishwa au kitakachobainishwa kuhusiana na upigaji kelele.
Aidha, Kanuni za Usalama wa Mazingira zinatoa miongozo ya kupima na kudhibiti kelele, na mamlaka za mitaa zinatekeleza majukumu haya kwa kuandaa sheria ndogo za kudhibiti kiwango cha kelele katika maeneo yao.
Pamoja na sheria na kanuni kuwapo, uchafuzi wa mazingira unasababishwa na kelele na mitetemo ni miongoni mwa kero kubwa zinazohatarisha afya na mustakabali wa maendeleo ya jamii katika maeneo mengi nchini.
Kelele zinazozidi kiwango kinachoruhusiwa zimeendelea kuwapo katika maeneo mbalimbali licha ya athari zake, ikiwano huchangia matatizo ya afya kama vile kukosesha usingizi, msongo wa mawazo na kupungua kwa uwezo wa kusikia.
Ndiyo maana tunasema uamuzi wa kufungia baa na klabu za usiku wilayani Kinondoni usiwe nguvu ya soda, bali uwe endelevu pia kwa maeneo mengine nchini.
Serikali za mitaa zinalo jukumu la kuhakikisha watu wote wanaosababisha kelele wanachukuliwa hatua.
Vinginevyo, wananchi wameendelea kuchukulia kawaida kutokana na kutoona hatua za mara kwa mara zinazochukuliwa.
Kwa hiyo, ni wakati wa viongozi na mamlaka nyingine kuendeleza utaratibu wa kudhibiti kelele kwa vitendo na kuhakikisha sheria zinazohusika zinazingatiwa kikamilifu.
Udhibiti dhidi ya wachafuzi wa mazingira kwa njia ya kelele zisiishie kwenye baa na klabu za usiku, bali uwe endelevu pia kwenye makazi ya watu, masoko, stendi za mabasi, nyumba za ibada na kwenye shughuli za wamachinga ambako kelele za vipaza sauti ni kero kubwa.
Udhibiti kelele, mitetemo uwe endelevu, usiishie kwenye baa

This story was originally published by Habari Leo.
Read the full story at Habari LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.