TUZO za Tanzania Music Awards (TMA) zimetangazwa rasmi kufanyika Desemba 13, 2025, huku dirisha la maombi kwa wasanii wanaotaka kushiriki likifunguliwa leo Ijumaa na litafungwa Novemba 14, mwaka huu.
Akizungumza na waandishi wa habari jijini Dar es Salaam, Katibu Mtendaji wa Baraza la Sanaa la Taifa (BASATA), Dk. Kedmond Mapana, amesema jumla ya vipengele 37 vitashindaniwa katika tuzo hizo, ambavyo vitahusisha nyimbo zilizotoka kuanzia Januari hadi Desemba 2024. “Msanii hataruhusiwa kushiriki na wimbo uliotoka mwaka uliopita au mwaka 2025,” amefafanua Dk. Mapana.
Kwa mujibu wa Dk. Mapana, vipengele vya muziki wa Bongo Fleva vitahusisha tuzo nne ambazo ni Wimbo Bora wa Mwaka, Msanii Bora wa Kike, Msanii Bora wa Kiume, na Mtayarishaji Bora. Aidha, muziki wa Singeli utakuwa na vipengele vya Wimbo Bora wa Singeli, DJ Bora wa Singeli, na Msanii Bora wa Wimbo wa Singeli.
Kwa upande wa muziki wa Hip Hop, kutakuwa na tuzo za Mtayarishaji Bora wa Wimbo wa Hip Hop, Mwimbaji Bora wa Hip Hop, na Wimbo Bora wa Hip Hop.
Dk. Mapana amesema wasanii wote wanaotaka kushiriki wanapaswa kuwa wamejiandikisha BASATA na watawasilisha maombi yao kupitia tovuti ya award.basata.go.tz kwa kuchagua kipengele wanachotaka kuwania. “Katika upande wa muziki wa dansi, kutakuwa na vipengele vya Wimbo Bora wa Dansi, Mtayarishaji Bora wa Wimbo wa Dansi, na Msanii Bora wa Muziki wa Dansi,” amesema.
Vilevile, muziki wa Taarabu utakuwa na tuzo za Mwimbaji Bora wa Taarabu, Mtayarishaji Bora, na Wimbo Bora wa Mwaka.
Kwa mujibu wa Dk. Mapana, kutakuwa pia na tuzo za jumla zikiwemo Mwanamuziki Bora wa Mwaka, Albamu Bora ya Mwaka, Mtayarishaji Bora wa Mwaka, Wimbo wa Ushirikiano wa Mwaka, Msanii Chipukizi Bora wa Mwaka, DJ Bora wa Mwaka, Mtumbuizaji Bora wa Mwaka, Mtumbuizaji Bora wa Kike, na Mtumbuizaji Bora wa Kiume.
“Baada ya mchakato wa uteuzi, tutatangaza kamati rasmi pamoja na wadhamini wa tuzo hizo. Kwa sasa, maandalizi yanaendelea chini ya usimamizi wa Baraza la Sanaa la Taifa kwa kushirikiana na Seven Mosha,” ameongeza Dk. Mapana.The post Tuzo za muziki kitaifa kufanyika Desemba first appeared on HabariLeo.
Tuzo za muziki kitaifa kufanyika Desemba

This story was originally published by Habari Leo.
Read the full story at Habari LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.