FOWADI wa Tottenham Hotspur, Richarlison Andrade, 27, anachunguzwa na Shirika la Kulinda Wanyama nchini Uingereza (RSPCA) kuhusu madai kuwa kelele za majibwa yake mawili ni kero kwa majirani.
Sogora huyo wa zamani wa Everton ametakiwa pia na majirani kuhama mtaa iwapo hatakoma kucheza muziki kwa sauti ya juu kila anapoandaa dhifa za usiku zinazohudhuriwa na marafiki wa karibu ambao hushiriki ulevi nyumbani kwake mara kwa mara usiku kucha.
Majirani wamelalamikia pia mazoea ya Richarlison kuelekeza mipira katika maboma yao kila anapojifanyia mazoezi katika uwanja mdogo wa mpira ulioko nyumbani kwake.
“Mipira hiyo huchafua bustani za maboma yetu, huangukia paa na huvunja vioo vya milango na madirisha,” akasema jirani mmoja aliyehojiwa na gazeti la The Sun.
Jirani mwingine mwenye umri wa miaka 77 alisema: “Karamu za usiku anazoziandaa hutunyima usingizi. Tumemripoti kwa RSPCA kwa sababu majibwa yake hubweka usiku bila kukoma. Hakuna raha kabisa ya kuishi hapa tangu Richarlison ahamie mtaa huu.”
“Hivi majuzi alikuwa na dhifa kubwa na akaalika bendi iliyocheza muziki usiku mzima. Sauti ilikuwa ya juu sana hadi kuta za nyumba zetu zikaanza kurindima na kutetemeka. Richarlison hatujali kabisa. Heri atuondokee,” akaongeza.
Richarlison anamiliki jibwa la rangi ya kijivu linaloitwa Acerola na jingine la rangi ya chokoleti katika kasri lake la Sh670 milioni, eneo la London Kaskazini.
Kwa mujibu wa majirani, majibwa hayo hutoroka katika boma la Richarlison mara kwa mara usiku na kuanza kubwekea kila mahali kwenye barabara ya A inayounganisha makazi yao na duka kubwa lililo karibu.
“Majibwa yana sauti kubwa za kutisha. Hukimbia kila mahali yakizunguka. Tunatumai RSPCA itampokonya majibwa hao nasi tumshinikize ahamie kwingineko,” akasema jirani mwingine.
Sogora huyo anayedumishwa kwa mshahara wa Sh24 milioni kwa wiki, aliwahi kutumia mtandao wa X kutuma ombi la kusaidiwa kutafuta mbwa wake, Acerola, aliyetoroka nyumbani na kukosa kurejea.
Jibwa hilo lilipatikana saa mbili baadaye ujumbe wa Richarlison uliposambazwa mitandaoni na takriban mashabiki 1,000.
Msemaji wa Spurs amesema klabu itawasiliana na sogora huyo pamoja na wawakilishi wake kuhusiana na malalamishi ya majirani ambao wamekerwa na vituko vya mvamizi huyo raia wa Brazil.
Richarlson akosana na majirani kuhusu kero za mbwa wake
This story was originally published by Taifa Leo.
Read the full story at Taifa LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.