MWANAMUZIKI maarufu Evans Ochieng Owino anayefahamika sana kama Prince Indah ametoa wimbo mpya wa kumwomboleza Kiongozi wa Chama cha ODM Raila Odinga.
Kupitia wimbo huo Tribute to RT. Hon Raila Odinga alioutoa saa saba zilizopita, Indah anamsifu sana Bw Odinga huku akimrejelea kama shujaa ambaye ameleta mabadiliko makubwa nchini.
“Apenjo, kara iwewa gi ng’awa, dwoka kiwinja Baba (Nauliza, unatuacha na nani Baba, naomba unijibu ikiwa unanisikiza),” Indah anasema katika wimbo huo.
Kwa upande mwingine, mwanamuziki huyo mashuhuri anasema kuwa Bw Odinga alileta demokrasia nchini na kupigania haki za wanyonge.
“Kata Gen-Z bende yuaka (Hata vijana wa Gen Z wanaomboleza kifo chako).”
“Piny yuak. Kata ka Nyasaye otimo dwache, matolit jothurwa (Dunia inaomboleza. Habari hii inauma).”
Watu zaidi ya 164,651 wamesikiza wimbo huo.
Indah ameonekana mara kadhaa akiwa na Bw Odinga wakifurahia nyimbo za mwanamuziki huyo.
Bw Odinga alifariki dunia Jumatano asubuhi Oktoba 15, 2025 huko Koothattukulam, wilayani Ernakulam nchini India, baada ya kupata mshtuko wa moyo wakati anafanya matembezi yake ya kila asubuhi, kulingana na polisi na viongozi wa hospitali.
[caption id="attachment_179232" align="alignnone" width="300"] Raila Odinga ambaye aliaga dunia Oktoba 15, 2025. Picha|Maktaba[/caption]
Odinga, mwenye umri wa miaka 80, aliangua wakati wa matembezi ya asubuhi ndani ya uwanja wa kituo cha tiba ya Ayurveda, na alikimbizwa Hospitali ya Macho ya Sreedhareeyam Ayurvedic na Kituo cha Utafiti huko Koothattukulam, ambapo alitangazwa kuwa amefariki dunia, msemaji wa hospitali hiyo alisema.
Kando na Indah, wanamuziki wengi akiwemo Bahati wametoa nyimbo za kumwomboleza Bw Odinga wakimtaja kama kiongozi mashuhuri na mtetezi wa demokrasia.
Katika miaka ya hivi karibuni, Indah ameinuka kwa kiwango kikubwa katika tasnia ya muziki. Alianza kuimba kwenye bendi ya R.O.R iliyokuwa ikimilikiwa na Emma Jalamo kabla ya kuwa msanii huru.
Mwaka 2014 alirekodi albamu yake ya kwanza iliyokuwa na nyimbo 6 ambazo ni pamoja na Cinderella, Nyakisumu, Pokna, Uchumi na Ken Soldier.
Oktoba 2016, Prince Indah alirekodi albamu ya pili aliyoipa jina ‘Tenda Wema’ aliyozindua rasmi Desemba 23 mwaka huo.
Baada ya hapo aliondoka kwenye bendi ya R. O. R na kuunda yake Malaika Ohangla Rhumba – M.O.R.
Prince Indah atoa wimbo wa kumwomboleza Raila
This story was originally published by Taifa Leo.
Read the full story at Taifa LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.