MSANII wa Muziki wa Hip Hop kutoka nchini Marekani Sean Combs, ‘P Diddy’, anakabiliwa na tuhuma za unyanyasaji wa kingono kutoka kwa watu 120 wapya, wakiwemo wanaume 60 na wanawake 60.
Mawakili wanaowakilisha waathiriwa wanasema baadhi yao walikuwa watoto wakati wa matukio hayo huku mmoja akidai kuwa alinyanyaswa akiwa na umri wa miaka tisa.
Tuhuma hizi zinaanzia mwaka 1991 hadi mwaka huu.
Tony Buzbee, wakili wa waathiriwa, amesema anatarajia kufungua kesi hizo ndani ya mwezi mmoja ujao, na kwamba sehemu kubwa ya mashtaka hayo yatapelekwa mahakamani kwenye majimbo ya New York na Los Angeles.
P Diddy tayari anakabiliwa na mashtaka mengine ya usafirishaji wa binadamu kwa ajili ya biashara ya ngono, ambapo alikana mashtaka hayo na kusema madai hayo ni ya uwongo na skendo za kumchafua.
Wakili wake wamesema baba huyo wa watoto saba atathibitisha kutokuwa na hatia mahakamani.
P Diddy amekuwa kizuizini tangu Septemba 17, 2024, baada ya kukana mashtaka ya kulazimisha wanawake kushiriki matukio ya kingono wakiwa wamelewa, pamoja na mashtaka mengine ya ulanguzi wa wanawake wanaojiuza na njama za ulaghai.
Mawakili wake wameomba dhamana ya dola milioni 50 ili awekwe chini ya ulinzi wa kifaa cha GPS akiwa nyumbani kwake Florida, lakini ombi hilo limekataliwa hadi sasa.
P Diddy alianzisha lebo ya Bad Boy Records mwaka 1993 na ni mmoja wa mabosi wakubwa kwenye tasnia ya muziki wa Hip Hop.The post P Didy akutana na kesi mpya 120 first appeared on HabariLeo.
P Didy akutana na kesi mpya 120

This story was originally published by Habari Leo.
Read the full story at Habari LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.