DAR ES SALAAM: Mwanamuziki kutoka nchini Mali, Salif Keita, anatarajiwa kutumbuiza katika toleo la 23 la Tamasha la Sauti za Busara litakalofanyika Februari 5-8, 2026 Zanzibar.
Akitambulika kama ‘Sauti ya Dhahabu ya Afrika’ Keita atashiriki kwa mara ya kwanza kwenye tamasha hilo.
Muziki wake umejikita katika mila za waganga wa jadi wa Mali ‘griot’ na unachanganya urithi wa kitamaduni na midundo ya kisasa.
Zaidi ya muziki, Keita amekuwa mtetezi mashuhuri wa watu wenye ualbino, jambo linaloendana na maadili ya kijamii na kitamaduni ya tamasha la Sauti za Busara.
Mkurugenzi wa Tamasha, Journey Ramadhan, alithibitisha ushiriki wa Keita akisema: “Tunajivunia kumkaribisha Salif Keita, gwiji wa muziki ambaye kazi na harakati zake zinaendana na roho ya Sauti za Busara.”
Toleo la mwaka 2026 litawaleta pamoja wasanii kutoka zaidi ya nchi 20, wakijumuisha mitindo mbalimbali kama taarabu, bongo fleva, afrobeat, fusion na jazz.
Baadhi ya wakali watakaotumbuiza ni Ben Pol, Man Fongo, Pilani Bubu, Lindigo, Sousou na Maher Cissoko, Atanda na Afrojazz Messengers, La Carmen Y Su Familia Musical, pamoja na Rajab Suleiman na Kithara.
Mkurugenzi Mtendaji wa Busara Promotions, Lorenz Herrmann, alisema tamasha la mwaka huu linalenga kuongeza fursa za maonyesho kwa wasanii wa ndani na wa kimataifa, kusaidia biashara za ndani na kuimarisha hadhi ya Zanzibar kama kitovu cha utamaduni.
“Tunajivunia kuandaa moja ya majukwaa muhimu zaidi ya muziki na utamaduni barani Afrika, lakini tunajivunia zaidi mchango wake katika uchumi wa ndani. Tunashukuru kwa msaada wa serikali na wadau wote,” alisema Herrmann.
Tamasha la Sauti za Busara hufanyika katika maeneo ya Stone Town na Fumba Town, likijumuisha maonyesho ya muziki, shughuli za kitamaduni, na matukio ya kijamii.The post Mwanamuziki raia wa mali kuongoza Sauti za Busara 2026 first appeared on HabariLeo.
Mwanamuziki raia wa mali kuongoza Sauti za Busara 2026

This story was originally published by Habari Leo.
Read the full story at Habari LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.