WAZEE kisiwani Lamu wametofautiana kuhusu iwapo ni sawa muziki wa Bongo Flava kuchezwa wakati wa maadhimisho ya kila mwaka ya Tamasha za Utamaduni wa Lamu.
Kila mwaka, waandalizi wa tamasha hizo huwaalika wasanii wa Bongo Flava kutoka Tanzania kutumbuiza watu wanaohudhuria hafla hiyo.
Mwaka huu, tamasha hizo zimepangiwa kufanyika kisiwani Lamu kuanzia Alhamisi, Novemba 28 hadi Jumamosi, Novemba 30.
Waandalizi tayari wametangaza kuwaalika wasanii kadha wa Bongo Flava, ikiwemo Dennis Mwasele, almaarufu kama D Voice na Bi Yasirun Yassin Shabaan, almaarufu kama Yammi.
[caption id="attachment_163514" align="alignnone" width="2560"] Msanii Abdul Juma Idd, almaarufu akijulikana kwa jina la jukwaani kama Lava Lava akitumbuiza halaiki ya mashabiki kwenye eneo la Mkunguni kisiwani Lamu wakati wa Tamasha za Utamaduni wa Lamu mnamo Novemba 26, 2022. Picha|Kalume Kazungu[/caption]
Kwenye mahojiano na Taifa Leo, baadhi ya wazee walilalamika kuwa, mara nyingi wasanii wa muziki wa Bongo Flava wanapotumbuiza hadhira wakati wa tamasha za utamaduni wa Lamu, wao huishia kwenda kinyume na azma ya sherehe yenyewe.
Dhamira kuu ya tamasha hizo huwa ni kuzienzi mila na tamaduni za Waswahili wa asili ya Wabajuni wapatikanao Lamu.
Bw Abdalla Faraj, mzee wa kisiwani Lamu, alisema ni mwiko kuwaona wanawake kwa wanaume wakisakata densi na kupapasana jukwaani wakati wasanii hao wanapotumbuiza hadhira.
“Utapata wasanii hawa wa Bongo Flava punde wanapoanza kutumbuiza, hadhira hushikwa na mihemko kiasi cha kuzisahau kabisa mila, itikadi na tamaduni za Lamu,” akasema Bw Faraj.
Kauli hii iliungwa mkono na Bw Ahmed Hussein, mkazi wa Lamu aliyesema kinachostahili kufanywa na waandalizi ni kupeana kipaumbele burudani zinazoendana na maudhui ya sherehe.
Densi asilia za Lamu kama Goma
Bw Hussein alisema ni vyema densi asilia za Lamu kama vile Goma, Chama, Kirumbizi, Uta, Thwari la Ndhiya, Lele Mama, Vugo, na nyinginezo kuchezwa wakati wa Tamasha za Utamaduni wa Lamu ili kuwawezesha wanaohudhuria hafla hiyo kujielimisha na tamaduni hizo za wenyeji wa Lamu.
“Maonyesho ya Tamasha za Utamaduni wa Lamu yanafaa kuwa yenye uasilia wa mila zetu. Wanaokuja Lamu kuhudhuria sherehe wanatazamia kujihamasisha kwa mengi ya zamani na ya sasa yanayoihusu jamii ya Lamu. Sidhani kuwaleta wasanii wa Bongo Flava kutoka Tanzania kunaafikiana na matarajio na maudhui ya sherehe husika,” akasema Bw Hussein.
Waziri wa Utamaduni Lamu, Bi Aisha Miraj alisema wasanii wote walioalikwa kutumbuiza kwenye sherehe za utamaduni wa Lamu hawataenda kinyume na yanayotarajiwa.
“Watu wasiwe na shaka. Hawa wasanii tumekutana nao tayari na kuwajulisha ni lipi hasa wanafaa kufanya wakati wanapotumbuiza jukwaani. Tumewashauri ikiwezekana hata wavae mavazi yanayodhihirisha tamaduni za Lamu,” akasema Bi Miraj.
[caption id="attachment_163515" align="alignnone" width="2560"] Sehemu mojawapo ya kisiwa cha Lamu ambapo Tamasha za Utamaduni wa Lamu zinaandaliwa kuanzia Alhamisi, Novemba 28 hadi Jumamosi Novemba 30, 2024.[/caption]
Hata hivyo, wazee wengine walishikilia msimamo kwamba, tamasha hizo huvutia aina mbalimbali za watu kwa hivyo hakuna tatizo ikiwa baadhi ya wanaohudhuria wanapenda kutumbuizwa kwa muziki aina hiyo.
Bw Mohamed Hussein Noor, alisema ni wazi waandalizi huwa wanafuata kile wanachoona kinawapendeza wakazi na wageni wanaohudhuria tamasha hizo za utamaduni.
Alieleza kuwa, imekuwa wazi wakati maonyesho ya nyimbo za kiasili yanapoandaliwa ikiwemo Qasida, mashairi ya Kiamu, Kirumbizi, Goma la Lamu na kadhalika ni watu wachache hujitokeza.
Mwanzilishi wa Tamasha za Utamaduni Lamu, Bw Ghalib Alwy, alisema si vibaya kukaribisha wasanii wa Bongo Flava na wengineo kuzitia nakshi tamasha hizo.
“Si wasanii wa Tanzania pekee. Hata wale wa kutoka Misri, Morocco, Oman na kwingineko tumewaalika Lamu mara nyingi wakati wa maadhimisho ya tamasha zetu,” akasema Bw Alwy.
Muziki wa Bongo Flava wagawanya wazee Lamu
This story was originally published by Taifa Leo.
Read the full story at Taifa LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.