MSANII nguli wa Uganda Jose Chameleone ametua Boston, Amerika, kwa matibabu maalumu baada ya kuondoka hospitali moja jijini Kampala alikolazwa kwa muda.
Ripoti zilisema msanii huyo aliwasili Amerika mapema wiki hii na kupokelewa na kakake mdogo na mwanamuziki mwenzake, Weasel, ambaye amekuwa akiratibu mipango ya matibabu yake ng’ambo.
Chameleone sasa anajiandaa kupata matibabu huko Boston, hatua ambayo familia yake na marafiki wanaamini itatoa huduma ya hali ya juu anayohitaji kushughulikia changamoto zake za kiafya zinazoendelea.
Mwanamuziki huyo alisikitika kuwa kwa mara ya kwanza katika miaka mingi hakuweza kutumbuiza mashabiki wake msimu wa sherehe za Krismasi na mwisho wa mwaka.
Kusafiri kwake Amerika kunafuatia kipindi cha kutokuwa na uhakika na mjadala kuhusu iwapo alifaa kusalia katika Hospitali ya Nakasero ya Kampala au kutafuta matibabu ng’ambo tovuti ya Chimpreports ilisema.
Uamuzi wa kumsafirisha Chameleone kwenda Amerika ulijiri huku mwanawe, Abba Marcus Mayanja, akifichua kwamba mwimbaji huyo amekuwa akipambana na matatizo yanayotokana na matumizi ya dawa za kulevya.
Ombi la Abba kwa mashabiki na watu wenye mapenzi mema lilionyesha dharura ya hali hiyo.
“Tunahitaji kuungana na kumsaidia kama tunataka kumweka katika familia yetu,” Abbas alisema, akitoa wito kwa mashabiki kumuunga mkono baba yake.
Kulingana Chimpreports, madaktari katika Hospitali ya Nakasero awali walikuwa wameonya dhidi ya kumhamisha Chameleone, wakitaja hali yake dhaifu na hatari zinazohusishwa na safari ndefu ya ndege.
Pia walisisitiza kuwa hospitali hiyo ina utaalamu na vifaa vinavyohitajika kushughulikia hali yake.
Hata hivyo, marafiki wa karibu wa Chameleone na familia, wakiongozwa na mwanamuziki Sarah Zawedde, walichagua kumsafirisha hadi Amerika, wakiamini kuwa matibabu maalum nje ya nchi yatamwezesha kupona.
Chameleone, anayejulikana kwa mchango wake mkubwa katika muziki wa Afrika Mashariki, bado ni mmoja wa wasanii maarufu zaidi katika ukanda huu.
Msanii Jose Chameleone atua Amerika kwa matibabu
This story was originally published by Taifa Leo.
Read the full story at Taifa LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.