UMDHANIAE Siye, Kumbe Ndiye! Usemi huu unadhihirika katika sakata linalomhusisha msanii wa maigizo na mfanyabiashara Nicole Joyberry, ambaye kwa sasa anakabiliwa na tuhuma za kujihusisha na utapeli kupitia mitandao ya kijamii. Umaarufu wake uliwafanya watu wengi kumuamini, lakini sasa anatuhumiwa kuwatapeli wafuasi wake kwa njia ya ulaghai wa kifedha.
Kutokana na tuhuma hizo, zaidi ya wananchi 20 wamejitokeza na kufika katika Kituo cha Polisi cha Oysterbay jijini Dar es Salaam ili kutoa malalamiko yao. Wanasema wamepoteza fedha zao wakiamini kuwa wanashiriki mpango halali, lakini baadaye wakagundua wameingizwa kwenye mtego wa kitapeli unaodaiwa kuendeshwa na msanii huyo.
Kwa mujibu wa malalamiko yao, Nicole alitumia mitandao yake ya kijamii, hasa Instagram, kuwashawishi watu kujiunga na mchezo huo. Umaarufu wake ulimfanya wengi waamini kuwa ni fursa halali ya kupata faida, jambo lililowafanya kushiriki kwa wingi.
Hata hivyo, wananchi hao wanasema baada ya kujiunga, hawakupata mafanikio yoyote. Walipojaribu kuulizia kuhusu hatma ya fedha zao, Nicole alikwepa kutoa ushirikiano au maelezo yoyote yanayoeleweka.
Mmoja wa wahanga anayedai zaidi ya Sh milioni 26 amesema: “Utapeli alioufanya huyu alitangaza kwenye mitandao ya kijamii kwamba ana makundi ‘group’ ya michezo, akatengeneza ‘magrupu’ kama manne, na baada ya kufuatilia tukagundua kwamba za kwanza za juu ni zake yeye, ni watu anaowajua yeye, kwamba hapa tumetapeliwa, na simu akawa anablock mara hapokei simu ndio tukagundua kuwa tumetapeliwa”
Muhanga mwingine (hakutaja jina) anayedai milioni 7 amesema “Nilipewa taarifa na mshikaji wangu akaniambia Nicole hana shida, ‘round’ ya pili alitumia nguvu kubwa sana kushawishi watu, muda ambao mimi nilitakiwa kupewa fedha alikuwa akinizungusha sana na baada ya kufuatilia tukagundua kwamba amewadhulumu watu wengi”
Kutokana na malalamiko hayo, inaripotiwa kuwa tayari Nicole amekamatwa na yuko chini ya ulinzi wa Jeshi la Polisi kwa ajili ya uchunguzi zaidi. Hatua hii imekuja baada ya wananchi hao kufikisha kesi yao kwa vyombo vya sheria wakitaka haki itendeke. Hata hivyo wahanga hao wamewataka watu kuacha kuwaamini wasanii kwa kuwa sio kila msanii ni muaminifu.
The post Mmesikia haya ya Nicole? appeared first on HabariLeo.
Mmesikia haya ya Nicole?
This story was originally published by Habari Leo.
Read the full story at Habari LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.