MSANII wa muziki wa kizazi kipya na miondoko ya Singeli, Abdallah Ahmed, maarufu kama ‘Dulla Makabila’, amesema ameweka rekodi mpya katika safari yake ya sanaa baada ya kutumia Sh milioni 20 kwa ajili ya kutayarisha video ya wimbo wake mpya.
Dulla Makabila amebainisha hayo kupitia ukurasa wake wa kijamii wa Instagram, akieleza kuwa matumizi ya kiasi hicho cha fedha ni hatua kubwa ya ukuaji binafsi na juhudi za kuinua hadhi ya muziki wa Singeli nchini ili uweze kushindana kimataifa.
Akilinganisha uwekezaji huo na hali halisi ya sasa katika tasnia ya Singeli, “kwa mara ya kwanza nimelipia Sh milioni 20 kwa ajili ya video moja. Jambo hili linaweza kuonekana la kawaida kwa wasanii kama Diamond Platnumz, lakini kwa upande wetu wa Singeli ni hatua kubwa. Wasanii wengi wa miondoko hii hulipia gharama ndogo, hali inayopelekea video zetu kukosa ubora unaotakiwa,” aliandika Dulla.
Msanii huyo amesema uamuzi huo ni sehemu ya uwekezaji wa kimkakati ambao anaamini utaleta tija katika siku zijazo, huku akiwashukuru wadau mbalimbali wa tasnia ya burudani kwa kuendelea kutoa ushirikiano katika kukuza sanaa nchini. SOMA: Dulla Makabila aitwa Basata kuhusu wimbo Pita Huku
Aidha, alimpongeza mwongozaji wa video hiyo, anayefahamika kwa jina la Fole_x, akibainisha kuwa ubora wa maudhui na picha unapaswa kuendana na thamani ya fedha iliyowekwa ili kumpa mlaji (shabiki) kile anachostahili.
Dulla ametoa wito kwa wasanii wenzake wa muziki wa Singeli kubadilika na kuanza kuuchukulia muziki kama biashara inayohitaji uwekezaji mkubwa ili kupata matokeo bora, badala ya kutegemea njia rahisi ambazo hazileti ushindani katika soko la kimataifa.The post Makabila atumia Mil.20 kutoa video first appeared on HabariLeo.
Makabila atumia Mil.20 kutoa video

This story was originally published by Habari Leo.
Read the full story at Habari LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.