Kwaya ya Gethsemane waja na Siku Yetu

DAR ES SALAAM; KWAYA ya Gethsemane Group Kinondoni(GGK) SDA ya jijini Dar es Salaam, imeipua wimbo mpya maalumu kwa ajili ya Harusi ujulikanao kama Ni Siku Yetu.

Akizungumza Dar es Salaam, kiongozi wa Kwaya ya Gethsemane, Samora Sadick amesema lengo la wimbo huo ni kuwabariki maharusi na wimbo unaomtukuza Mungu siku ya harusi yao.

” Wimbo umerekodiwa kwenye studio maarufu ya Katumbo Music ya jijini Dar es Salaam.Video ya wimbo huo imefanywa na muongozaji mashuhuri nchini Dairekta Joowzey.

“Mikakati ya kundi baada ya wimbo huu ni kuzindua album mpya inayotarajiwa kutoka mwaka huu 2025. Kwaya ya Gethsemane inatoa mwito kwa waimbaji wengine kuendelea kutoa nyimbo za kumtukuza Mungu na kutoa mafundisho mbalimbali kwenye jamii.

“Kwaya ya Gethsemane Group Kinondoni inaendelea kujivunia kuwa kwaya iliyojikita katika huduma zaidi ikiwa imepata nafasi ya kutoa huduma ya uimbaji kwenye shughuli mbalimbali ikiwemo ndani na nje ya nchi, ” amesema.

Amesema m mwaka 2024 GGK ilipata mialiko miwili ya kuhudumu katika mikutano mikubwa ya Injili ya Makambi jijini Nairobi nchini Kenya.

“Wimbo huo tayari upo kwenye mtandao wa YouTube kupitia link ambayo ni https://youtu.be F5hnMG46klY umepokelewa vizuri na mashabiki pamoja na wapenzi wa muziki wa Injili nchini,” amesema.