BARAZA la Kitaifa la Kudhibiti Milipuko ya Maradhi (NSDCC) linapanga kusambaza kondomu 50,000 wakati wa Kongamano la Ugatuzi la mwaka wa 2025 litakalofanyika mjini Homa Bay kuanza leo.
Hatua hii inalenga kupunguza maambukizi ya virusi vya HIV ambavyo bado ni vya juu katika eneo hilo.
Mratibu wa NSDCC katika eneo hilo, Bw Stephen Oyugi, alisema kuwa angalau kondomu 10,000 zitawekwa katika maeneo ya kimkakati kila siku wakati wa kongamano hilo.
Sehemu ya kwanza ya usambazaji ilifanyika usiku wa Jumapili kwa watu waliokuwa wakihudhuria tamasha la muziki katika Hifadhi ya Kitaifa ya Ruma.
Hifadhi hiyo iliandaa toleo la pili la mbio za Roan Antelope Half Marathon siku ya Jumatatu.
Hata hivyo, kabla ya mbio hizo, wakazi wa eneo hilo na mashabiki wa muziki wa Luo walishiriki dansi ambapo waliburudishwa na wanamuziki wa Ohangla.
Bw Oyugi alisema NSDCC ilishirikiana na idara ya afya ya kaunti kusambaza kondomu kwa waliohudhuria hafla hiyo.
“Kile tunakabiliana nacho kwa sasa ni utupaji wa kondomu zilizotumika. Zilisambazwa kwenye maeneo ya wazi na zilitumika katika vichaka. Hili ni changamoto lakini tunapaswa kuzitupa kwa njia nzuri kulinda mazingira,” alisema.
Alisema kuwa matumizi ya vichaka kwa shughuli za ngono bado ipo hasa wakati watu wanapokutana katika maeneo ya wazi kama hifadhi hiyo.
“Hili lilikuwa tukio la kipekee. Kwa kuwa ni hifadhi na kuna maeneo yenye giza, tulikuta kondomu nyingi zilizotumika, ishara kwamba vichaka vinatumiwa kwa ngono na mazingira yalitoa fursa kwa hilo kutokea,” alisema Bw Oyugi.
Kwa mujibu wa NSDCC, kiwango cha maambukizi ya HIV katika Kaunti ya Homa Bay ni asilimia 10.6.
Bw Oyugi alieleza kuwa matumizi ya kondomu ni moja ya njia bora za kuzuia maambukizi ya virusi vya HIV.
Alisema taasisi hiyo inanuia kusambaza kondomu wakati wote wa kongamano la ugatuzi.
“Tuna akiba ya kutosha na hafla hii imepangwa vizuri kwa upande wa usambazaji wa kondomu,” alisema Bw Oyugi.
Baadhi ya maeneo ambapo kondomu zitasambazwa ni pamoja na maeneo ya malazi, ukumbi wa kongamano na sehemu za kimkakati ambapo watu wanaweza kuzipata kwa urahisi.
Mnamo Aprili mwaka huu, Gavana wa Makueni, Bw Mutula Kilonzo Junior, alilazimika kuomba msamaha baada ya kutoa kauli kuhusu mienendo ya wagonjwa wa HIV katika Homa Bay.
Gavana Kilonzo, ambaye alikuwa akiwatakia safari njema wanamichezo kutoka kaunti yake waliokuwa wakielekea Homa Bay, aliwashauri vijana kutoka Makueni kuwa waangalifu, akisema makosa madogo yanaweza kuwafanya kuambukizwa virusi vya HIV.
Vijana hao walikuwa wakihudhuria toleo la 10 la Michezo ya Vijana ya Muungano wa Kaunti za Kenya (KYISA), hafla inayoshirikisha timu kutoka kaunti zote 47.
Bw Kilonzo, kwa kusisitiza, aliwaambia vijana wasiharibu mambo wakiwa Homa Bay.
Akinukuu wimbo Vuta Pumzi wa Longombas unaozungumzia masuala ya kijamii kama HIV, aliwataka vijana wa Makueni wasijihusishe na tabia zisizofaa wakiwa Homa Bay.
“Kama mzazi, ni lazima niseme hili kwa sababu nitakuwa mzazi asiyejali ikiwa sitasema. Homa Bay ni kaunti nzuri lakini wanapenda starehe, tofauti na Makueni,” alisema.
Alidokeza kuwa mtindo wa maisha unachangia kuenea kwa virusi vya HIV miongoni mwa wakazi.
Kwa mujibu wa gavana huyo, HIV imekuwa kama ugonjwa wa kawaida miongoni mwa wakazi wa Homa Bay.
Video ya Gavana Kilonzo akitoa matamshi hayo ilisambaa sana kwenye mitandao ya kijamii.
Bw Oyugi alisema unyanyapaa kuhusu HIV ni kikwazo kikubwa katika kupokea huduma za afya.
“Iwapo watu wanaweza kushinda unyanyapaa na kufanya mazungumzo kuhusu matibabu kuwa ya kawaida, basi hilo ni jambo la msingi katika kukabiliana na HIV,” alisema Bw. Oyugi.
Baadaye Gavana Kilonzo alituma barua ya kuomba msamaha akisema hakuwa na nia ya kudhalilisha au kuwabagua watu wa Homa Bay.
“Nilikua nawaonya vijana. Natambua kwamba maneno yangu kuhusu HIV na Ukimwi katika Homa Bay huenda yalieleweka vibaya,” aliandika kwenye barua ya msamaha iliyochapishwa na Gavana wa Homa Bay, Bi Gladys Wanga.
Bi Wanga alisema ombi hilo la msamaha lilikubaliwa.
Kondomu 50,000 kusambazwa kongamano la ugatuzi Homa Bay
This story was originally published by Taifa Leo.
Read the full story at Taifa LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.