GEITA; Waziri wa Madini, Anthony Mavunde ameiagiza Tume ya Madini kufanya uchunguzi uhalali wa hisa wanazomiliki Watanzania katika kampuni za kigeni zinazotoa huduma migodini.
Mavunde ameiagiza uchunghuzi huo ufanyike kwa kushirikisha mamlaka zinazohusika, ikiwemo Wakala wa Usajili (BRELA) na Mamlaka ya Mapato Tanzania (TRA).
Mavunde ametoa maagizo hayo katika kongamano la Ushirikishwaji Watanzania kupitia Kanuni ya 13A kwenye Viwanja vya Maoneesho ya Teknolojia ya Madini Manispaa ya Geita.
Amesema kifungu cha 133 na kifungu cha 135 cha sheria ya madini sura ya 133 kimetoa mashariti ya lazima kwa kila mmiliki wa leseni kuhakikisha anatumia bidhaa na huduma za Tanzania.
“Kama huduma hiyo haipatikani hapa Tanzania akimpata mtu wa nje ahakikishe huyo mtu wa nje anaingia makubaliano ya ubi ana Mtanzania awe na umiliki wa hisa usiopungua asilimia 20,” amesema.
Amesema dhamira ya serikali ni kuhakikisha Watanzania wanashiriki moja kwa moja kwenye mnyororo wa thamani wa sekta ya madini kupitia biashara na huduma mbalimbali.
Amesema pamoja na uzuri wa sheria hiyo wamejitokeza watu kughushi umiliki wa hisa za kampuni za utoaji wa huduma kwenye kampuni za uchimbaji migodini.
Amesema taarifa ya awali imebaini baadhi ya wawekezaji kughushi nyaraka ama kuwamilikisha watanzania asilimia 20 ya hisa hewa za kampuni jambo ambalo ni kinyume cha sheria.
“Tunataka tuondoe janja janja yote ili sekta hii ibaki kuwa sekta imara na yenye kuaminika na Watanzania wanufaike,”, amesema Mavunde.
Mkuu wa Mkoa wa Geita, Alexander Mnyeti amesema ipo haja ya kuchukua hatua za haraka kufuatilia Watanzania wanaoshiriki kughushi umiliki wa hisa kwani inaminya fursa za Watanzania.
Hisa wanazomiliki Waatanzania kampuni migodini kuchunguzwa

This story was originally published by Habari Leo.
Read the full story at Habari LeoRelated stories
BusinessWafanyabiashara Moro wahamasishwa malipo kidigitali
MOROGORO:BENKI Kuu ya Tanzania (BoT) imewahimiza wafanyabiashara nchini kutumia mifumo ya malipo ya kidijitali katika manunuzi na mauzo ya bidhaa zao, ikieleza kuwa hatua hiyo itasaidia kuongeza kasi ya mzunguko wa fedha katika uchumi na kupunguza hatari zinazoweza kujitokeza kutokana na kubeba fedha taslimu. Rai hiyo imetolewa na Ofisa wa BOT kutoka Kurugenzi ya Mifumo…
BusinessWhy Ajaokuta remains moribund after 40 years — NES president
By Emma Ujah, Abuja Bureau Chief The President of the Nigerian Economic Society (NES), Dr. Baba Musa, has attributed the continued failure of the multi-billion-dollar Ajaokuta Steel Company to the absence of sustained long-term development plans. Musa said this at the 2026 National Growth and Development Forum (NGDF), with the theme, “The Nigeria We Want: […]
BusinessBoT yaimarisha ujumuishi wa kifedha kwa walemavu
IRINGA: Walemavu mkoani Iringa wameipongeza Benki Kuu ya Tanzania (BoT) kwa kutoa elimu ya fedha inayowasaidia kuelewa utunzaji sahihi wa fedha, matumizi ya mikopo na namna ya kutambua alama za usalama zilizopo kwenye noti, huku wakiiomba benki hiyo kupanua wigo wa mafunzo hayo ili yawafikie walemavu wengi zaidi, hususan wanaoishi maeneo ya vijijini. Pongezi hizo…
BusinessMuseveni, Samia push railway link to DRC
This could reshape trade routes into the Great Lakes region.