Na John Mhala,Arusha
WANAFUNZI 135,240 wa vyuo vikuu na kati hapa nchini wenye sifa stahiki na waliodahiliwa na vyuo vyao wamefanikiwa kupata mikopo ya awamu ya kwanza ya Sh Bilioni 426.5.
Hayo yalisemwa jana na Mkurugenzi Mtendaji wa Bodi ya Mikopo ya Wanafunzi wa Elimu ya Juu nchini (HESLB), Dk Bill Kiwia mbele ya waandishi wa habari na kusema kuwa awamu hiyo ya kwanza ya mwaka 2025/26 yenye idadi hiyo ya wanafunzi ni wa shahada ya awali,stashahada na Samia Scholaship waliopangiwa mikopo na ruzuku.
Dk Kiwia alisema kuwa orodha hiyo ya wanafunzi 40,952 waliopangiwa mikopo ya shahada ya awali na wanafunzi 5,342 waliopangiwa mikopo ya stashahada ambapo kiasi cha Sh bilioni 152 kimetolewa.
Alisema wanafunzi 615 ni wanufaika wa ruzuku ya ‘’Samia Scholaship’’ ambao wamepangiwa ruzuku yenye thamani ya Sh bilioni 3.3 kwani wanafunzi hao ni wapya wanaojiunga na taasisi mbalimbali za elimu ya juu na kati nchini na wanafunzi 88,331 wanufaika wa mikopo wanaoendelea na masomo katika vyuo mbalimbali nchini ambao wamepangiwa mikopo yenye thamani ya Sh bilioni 271.2.
Mkurugenzi huyo wa HESLB alisema kuwa hatua zinazofuata ni bodi ya mikopo kuendelea kuchakata maombi ili kupanga mikopo ya kutangaza awamu zinazofuata siku chache zijazo na hivyo kuwawezesha wanafunzi waliopangiwa mikopo kuendelea na taratibu za kuwasili na kujisajili katika vyuo walikodahiliwa.
Alisema tayari serikali imeshaipatia HESLB fedha kwa ajili ya kugharamia wanafunzi wa vyuo vya elimu ya juu na vyuo vya kati,lengo la Bodi hiyo ni kuhakikisha wanafunzi wenye sifa wanaopangiwa mikopo au ruzuku wanazikuta fedha vyuoni ambako wamedahiliwa ,kujisajili na kasha watapokea fedha ili wasome na kutimiza ndoto zao.
Mkurugenzi Dk Kiwia alisema katika bajeti ya fedha ya mwaka 2025/26 serikali imetenga shilingi bilioni 916.7 kwa ajili ya mikopo ya wanafunzi 273,247 kati yao wanafunzi 99,300 watakuwa ni wanufaika wa mwaka wa kwanza wa stashahada,shahada na Samia Scholaship huku wanafunzi 174,047 ni wale wanaoendelea na masomo baada ya kufaulu mitihani yao ya mwaka uliopita.
Alisema katika kipindi cha uongozi wa Rais Samia Suluhu Hassan bajeti ya mikopo ya elimu ya juu na kati imekuwa ikiongezeka mwaka hadi mwaka na katika bajeti mwaka 2024/25 kiasi cha Sh bilioni 787 kimeongezwa na serikali na kuwanufaisha wanafunzi 245,000.
Dk Kiwia ametoa ushauri kwa waombaji mikopo ya shahada ya awali,stashahada na wanufaika wa Samia Scholaship kwa mwaka huu 2025/26 watembelee SIPA-akaunti zao walizotumia kuomba mikopo au ruzuku ili kupata taarifa muhimu kuhusu maombi waliyopwasilisha HESLB ,mchakato wa upangaji wa mikopo na ufadhili wa Samia Scholaship kwa wanafunzi wenye sifa ukiendelea.The post HESLB yafafanua waliopata mikopo first appeared on HabariLeo.
HESLB yafafanua waliopata mikopo
Na John Mhala,Arusha WANAFUNZI 135,240 wa vyuo vikuu na kati hapa nchini wenye sifa stahiki na waliodahiliwa na vyuo vyao wamefanikiwa kupata mikopo ya awamu ya kwanza ya Sh Bilioni 426.5. Hayo yalisemwa jana na Mkurugenzi Mtendaji wa Bodi ya Mikopo ya Wanafunzi wa Elimu ya Juu nchini (HESLB), Dk Bill Kiwia mbele ya waandishi … The post HESLB yafafanua waliopata mikopo first appeared on HabariLeo.

This story was originally published by Habari Leo.
Read the full story at Habari LeoRelated stories
EducationalChama cha CHAWAKAMA-KENYA kinavyopeleka Kiswahili jukwaa la kimataifa
CHAMA cha Wanafunzi wa Kiswahili katika Vyuo Vikuu vya Afrika Mashariki (CHAWAKAMA-KENYA) kimezidisha juhudi za kukiendeleza Kiswahili na kukipa nafasi katika ulimwengu wa utandawazi kupitia makongamano yanayowaleta pamoja wanazuo, watafiti na wadau wa lugha hii adhimu. Mbali na kukuza Kiswahili, chama hiki kimekuwa jukwaa muhimu la kuwaunganisha wanafunzi wa vyuo vikuu, kuibua vipaji, kujenga mitandao ya kitaaluma na kuhamasisha ubunifu. Pia, kimechangia kuzalisha viongozi, waandishi, wahariri, watafiti na wakalimani watakaokipeperusha Kiswahili katika majukwaa ya kimataifa. Mwelekeo huo ulidhihirika Novemba 6–7 mwaka huu, wakati CHAWAKAMA-Kenya kilipoandaa kongamano la kikanda katika Chuo Kikuu cha Laikipia, lililoongozwa na kaulimbiu ya ‘Kiswahili na Utandawazi’. Kongamano hilo liliwakutanisha wanafunzi kutoka vyuo mbalimbali, vikiwemo Rongo, Laikipia, Masinde Muliro, Kisii, Daystar, Kabianga, Murang’a, Turkana na Kaimosi. Washiriki walijadili nafasi ya Kiswahili katika kuzalisha maarifa, kuwasilisha uvumbuzi na kutatua changamoto za jamii. Kongamano lilifunguliwa rasmi na Prof Guyo Sarr Huka, Naibu Makamu Mkuu wa Chuo Kikuu cha Laikipia anayesimamia masuala ya kitaaluma. Katika tukio hilo, kamati andalizi ikiongozwa na Mwenyekiti Clinton Ageta na mlezi wa chama Prof Sheila Wandera, ilizindua bidhaa zenye nembo ya CHAWAKAMA-Kenya, zikiwemo mashati-tao, chepeo, kalamu, bango na vitabu vilivyoandikwa na wanachama. Ubunifu wa wanachama ulijitokeza pia kupitia Kishazi TV, runinga ya mtandaoni iliyorusha matukio ya kongamano mubashara na kusambaza maudhui yake kupitia mitandao ya kijamii. Kongamano lilipambwa na michango ya wataalamu mashuhuri wa Kiswahili, akiwemo Dkt Moses Wasike (Mgeni Rasmi), Dkt Riro Matinde, Prof James Ontieri, Dkt Nixon Sangili na Dkt Sussy Nandama, miongoni mwa wengine. Mafanikio hayo yalitokana na ushirikiano wa CHAWAKAMA-Kenya, Idara ya Masomo ya Kibinadamu na Maendeleo, uongozi wa Chuo Kikuu cha Laikipia na Chama cha Kiswahili cha Laikipia (CHAKILA). Chama hicho kinaongozwa na Clinton Ageta (Mwenyekiti), Granton Mdogo (Naibu Mwenyekiti), Doreen Mukami (Katibu Mkuu), Griffin Amakala (Naibu Katibu Mkuu), Diana Mirriam (Mhazini), Velma Natang’a (Afisa wa Uhusiano Mwema), Micah Sikolia (Katibu Mtendaji) na Okimba Lester (Afisa Mwenezi). Wahariri ni Luke Shikoli, Kweyu Remjo, Augustine Wekesa, Winjoy Gacheri na Zdame Zuhura, huku Samson Nyamosi na Denis Chumo wakihudumu kama Maafisa wa Nidhamu. Kwa hakika, CHAWAKAMA-Kenya kinaendelea kuthibitisha kuwa mustakabali wa Kiswahili unategemea ubunifu, ushirikiano na juhudi za kizazi kipya.
Educational‘Shule zisizo na vifaa zisipokee wanafunzi wa amali’
MOROGORO: WAZIRI wa Elimu, Sayansi na Teknolojia, Profesa Adolf Mkenda, amewaagiza maofisa uthibiti ubora wa shule kufuatilia shule zote zinazotoa elimu ya amali na kuhakikisha zina miundombinu, vifaa na vitendea kazi vinavyokidhi mahitaji ya mafunzo ya ufundi. Amesema shule zilizosajiliwa kutoa elimu ya amali lakini hazina vifaa vya kufundishia na kujifunzia hazipaswi kuendelea kupokea wanafunzi…
EducationalWazazi wapinga mfumo wa uchaguzi wa shule za sekondari
WAZAZI wawili wamewasilisha kesi mahakamani kutaka Wizara ya Elimu izuiwe kukamilisha uteuzi wa wanafunzi wa Gredi 10 katika shule za sekondari, wakidai mfumo wa kusimamia habari za elimu Kenya ( KEMIS) una hitilafu zinazowanyima wanafunzi nafasi ya kuchagua shule wanazotaka. Mabw Omwenga Ongegu na John Ominde wanasema mfumo huo unaonyesha shule 1,000 pekee kwa kila mseto wa masomo, hata pale ambapo shule nyingi zaidi zinatoa mseto huo nchini. Pia wanadai kuwa baadhi ya miseto ya masomo haina shule zilizoorodheshwa. Katika ombi lao, Ongegu alisema miseto 26 ya masomo imeathiriwa na idadi ya shule hizo 1,000, hali inayoficha taasisi nyingine zinazotoa masomo hayo. Kwa mfano, mseto wa ST1048 unaojumuisha Baiolojia, Kemia na Fizikia katika mkondo wa Sayansi, Tekonolojia na Hisbati (STEM) una shule 10,515 zinazodaiwa kuutoa nchini, lakini mfumo unaonyesha shule 1,000 pekee. Hii ina maana kuwa wanafunzi wanaona takriban asilimia 9.51 pekee ya shule zinazopatikana kwa mseto huo. Walalamishi pia wanasema kuwa kati ya mIseto 418 iliyoorodheshwa kwenye mfumo, 28 haina shule yoyote iliyoonyeshwa, huku 303 ikiwa na shule 94 au chini ya hapo. Wanasema kasoro hizo zinazuia wanafunzi na wazazi kupata taarifa sahihi kabla ya kufanya maamuzi yatakayoathiri masomo yao ya baadaye. “Hii haiwezi kuachwa bila kurekebishwa hadi wanafunzi watakapofika wakati wa kuomba nafasi za shahada na diploma kupitia KUCCPS,” sehemu ya kesi inasema. Pia walalamishi wameibua wasiwasi kuhusu jinsi masomo ya Gredi 10 yatakavyoathiri nafasi za kujiunga na vyuo vikuu. Wanasema hakuna ufafanuzi wa kutosha kuhusu jinsi somo la Community Service Learning litakavyoathiri wanafunzi kujiunga na kozi mbalimbali. Wanataka mahakama itangaze kuwa kuonyesha orodha zisizokamilika bila kutoa tahadhari kunakiuka haki za wanafunzi. Pia wanataka wizara iamriwe kufungua tena mfumo huo ili wanafunzi warekebishe uchaguzi wao baada ya kupewa taarifa kamili kuhusu shule na mseto wa masomo. Wamependekeza mfumo ufunguliwe tena baada ya mitihani ya tathmini ya Gredi 9 kuanza Oktoba 26, ili kuepusha kuwaongezea watahiniwa shinikizo. Mfumo wa KEMIS ulifunguliwa Agosti 24, 2026, na muda wa kuchagua shule uliongezwa hadi Septemba 15.
EducationalKiruswa akabidhi vifaa shule ya Lesing’ita
LONGIDO: NAIBU Waziri wa Madini na Mbunge wa Jimbo la Longido mkoani Arusha, Dk. Stephen Kiruswa, amekabidhi mashine ya kunakili na kuchapisha nyaraka pamoja na kompyuta kwa Shule ya Msingi Lesing’ita, vyenye thamani ya zaidi ya Sh milioni tatu, ili kupunguza gharama za shule katika uchapishaji wa karatasi za mazoezi, mitihani na shughuli nyingine za…