DAR ES SALAAM : STAA wa muziki wa Bongo Fleva, Chino Kid, anatarajia kutoa kolabo mpya na msanii anayeishi Marekani, Mudara, ikiwa ni jitihada za kukuza wigo wa muziki huo katika ukanda wa Afrika Mashariki na diaspora.
Akizungumza na HabariLEO, Mudara amesema kolabo hiyo tayari imekamilika na inatarajiwa kutoka muda wowote kuanzia sasa, akibainisha kuwa itakuwa chachu ya mafanikio zaidi katika sanaa yake ya muziki.
“Inajulikana Chino hana kazi mbovu na mimi pia nimeonyesha uwezo wangu mwingine kwenye hii ngoma. Ikitoka, naamini itanifungulia milango mipya na kuniongezea mashabiki kwenye kanda ya Afrika Mashariki,” amesema Mudara.
Mudara, ambaye kwa sasa anafanya kazi zake za muziki nchini Marekani, amesema wimbo wake unaojulikana kama Osiyaa umemfungulia fursa nyingi za kusikika katika vyombo vikubwa vya habari hapa nyumbani, jambo lililompa msukumo wa kuwekeza zaidi katika kolabo na wasanii wa Tanzania.
“Nimeamua kutumia gharama kubwa kuipata hii kolabo na Chino Kid kwa sababu naamini itanipa nafasi ya kupanua namba zangu kwenye majukwaa ya kidijitali kama YouTube, Boomplay na Audiomack,” amesema.
SOMA: Nyashinski kukiwasha kesho Dar
Aidha, amesema ataendelea kushirikiana na wasanii wa Tanzania licha ya kuishi nje ya nchi, akibainisha kuwa anathamini mapokezi makubwa anayoyapata kutoka kwa mashabiki wa Afrika Mashariki.
Katika hatua nyingine, Mudara amepongeza mchango wa wasanii wakubwa wa Bongo Fleva kama Diamond Platnumz, Alikiba, Jux, Rayvanny, Harmonize, Abby Chams na wengine kwa kuendelea kuutangaza muziki wa Tanzania kimataifa.
Amesema sapoti wanayopata kutoka kwa serikali chini ya Rais Dkt. Samia Suluhu Hassan imekuwa kichocheo kikubwa kwa wasanii kuendelea kufanya kazi bora na kupeleka sanaa hiyo mbali zaidi.
Chino Kid kufanya kolabo ya kimataifa
STAA wa muziki wa Bongo Fleva, Chino Kid, anatarajia kutoa kolabo mpya na msanii anayeishi Marekani, Mudara, ikiwa ni jitihada za kukuza wigo wa muziki huo katika ukanda wa Afrika Mashariki na diaspora.

This story was originally published by Habari Leo.
Read the full story at Habari LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.