MWIMBAJI anayetambuliwa kwa nyimbo maarufu ‘Mali Safi Chito’, Marakwet Daughter, ameachia kibao kipya akiamini kitamrudisha kuwa gumzo katika ulingo wa burudani.
“Wimbo huu ni bora katika misimu ya sherehe na utaburudisha watu sana wanapofurahia ufanisi wao,” Marakwet Daughter akasema katika mahojiano na Taifa Leo kwa njia ya simu.
“Mashabiki wamependa kibao hiki sana hasa kwa sababu ya kufaa sherehe,” aliongeza. “Ni ngoma ambayo imetulia na inachangamsha mashabiki.”
Tulipomchokoza kuhusu kufifia kwa mashabiki baada ya kuvuma kwa 'Mali Safi Chito', alisema: “Mimi sijapoteza nyota kwa sababu nimekuwa katika ulingo wa muziki kwa miaka 16. Watu ambao walinijua juzi ndio wanadhani nimezama kimuziki.”
Alizindua ngoma hiyo inayokwenda kwa jina ‘Sherehe Kikwetu’ Novemba 8, 2024 bila video na kupakia katika mtandao wa kupeperusha video wa YouTube.
Haikuchukua muda kabla ya Marakwet Daughter kufyatua video ya kibao hicho.
Alipakia video yake Novemba 13 na tayari imeanza kuvuna mashabiki lengwa wanaoitumia katika shamrashamra na kujifurahisha katika mitandao ya kijamii hasa TikTok.
Marakwet Daughter ameonekana kushuka bei kimuziki baada ya kuvuma kwa kibao ‘Mali Safi Chito’ Novemba 2023 na sehemu kubwa ya mwaka wa 2024.
Anakiri kuwa alinyanyaswa kwa maneno makali katika mitandao ya kijamii baada ya kuvuma.
Baadhi ya mashabiki walimtuhumu kwa kuwa na kiburi wakisema hakufaa kukabiliana na watu waliomrushia matusi na badala yake atulie na kushughulika na tasnia ya muziki.
“Imebidi nikabiliane na mahasimu hawa bila kuogopa,” msanii huyu aliambia Taifa Leo katika mahojiano ya awali.
Aliambia Taifa Leo kuwa alikuwa anapokea jumbe za “Lala mahali pema peponi” pamoja na zile za vitisho alipokuwa kidedea katika ulingo wa muziki mwaka jana.
Ili kupata kinga, aliripoti vitisho hivi katika kituo cha polisi cha Iten na ikanakiliwa katika kitabu cha matukio kwa nambari 20/12/04/23.
'Atafuta nyota yake'
Baada ya kuvuma, msanii huyu kwa jina halisi, Millicent Jerotich, ufuasi wake ulianza kudidimia mavumbi ya makabiliano mitandaoni yalipotulia.
Kibao chake kilichofanya vizuri mwisho wa mwaka wa 2023 sasa umetazamwa zaidi ya mara milioni 14 kufikia Novemba 19, 2024.
Ni wimbo uliovuna mashabiki wapya na kufufua utazamaji wa nyimbo zake za awali ambazo zilikuwa zimekwama kama vile ‘Tororot’ ambayo imetazamwa zaidi ya mara milioni 1.4.
Marakwet Daughter ana Imani kibao hiki kipya kitamuinua tena kimuziki.
Kufikia sasa, Sherehe Kikwetu (Sisi ni wale), imeonwa kwa angalau mara 16,000 tangu ipakiwe katika mtandao wa YouTube.
Wimbo ambao uliwekwa katika mtandao huo bila video imetazamwa zaidi ya mara 9,400 kufikia Novemba 19, 2024.
“Hongera kwa kuzindua wimbo mkubwa unaofaa msimu wa shamrashamra,” alisifu shabiki mmoja.
“Huu wimbo umenitengenezea siku na imebidi nirudie mara kadhaa kuusikiliza,” shabiki mwingine alisema.
Bingwa wa ‘Mali Safi Chito’ atafuta ‘nyota yake’, alipua ngoma mpya ‘Sherehe Kikwetu’
This story was originally published by Taifa Leo.
Read the full story at Taifa LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.