MCHEKESHAJI Eric Omondi amekanusha tetesi na madai kuwa mdogo wake mchekeshaji Fred Omondi aliuawa.
Kufuatia kifo chake Fred aliyezikwa wikendi iliyopita, kumezuka utata kwamba kuna mkono ulihusika kwenye kifo chake.
"Ndugu yangu alipofariki kulikuwa na pikipiki na lile basi palipotokea ajali ila hatukumpata mwendeshaji pikipiki kipindi ajali ilipotokea. Hiyo sasa ndio ikaleta utata sana, kukakuwa na maswali mengi sana. Ila juzi tumempata mwenye pikipiki kumbe naye pia aliaga kwenye ajali hiyo. Yeye anaitwa Mutiso na alizikwa Alhamisi (wiki iliyopita) kule kwao Machakos hata tulitumia familia elfu hamsini na nikazungumza na ndugu yake," Eric ameweka wazi.
Mcheshi huyo aidha aliongeza kuwa:
"Ajali ilipotokea na wakawa wanakimbizwa hospitalini, kwa sababu Fred alikuwa ni celeb, ikawa rahisi kutambuliwa. Upande wa Mutiso alichukuliwa na watu wengine waliompeleka hospitalini pia, na ni kama aliibiwa simu maana mwili wake ulipofikishwa na waliomfikisha pale hospitalini wakatoweka. Kwa hiyo mwili wake ukasajiliwa kwa watu wasiotambulika. Familia yake ilichukua siku tatu kuja kumpata. Kwa hiyo ilikuwa ni ajali ya kawaida, hakukuwa na cha ziada," ameongeza Omondi.
Eric anasema ataishi kumbukumbuka mdogo wake kwani ndiye aliyeanza kumwandikia ucheshi na hata kumpelekea kuwa maarufu.
"Nikianza komedi, ndugu yangu ndiye alianza kuniandikia vichekesho vyangu, watu hawajui vichekesho vyangu maarufu vinavyokumbukwa na wengi ni yeye ndiye aliyeniandikia. Kwa hiyo nitamuenzi kuwa mtu aliyenipa chanzo cha kuja kutoka na kuwa maarufu kupitia komedi."
Fred Omondi aliaga baada ya boda boda aliyokuwa akisafiria kugongana na basii la dala dala. Mchekeshaji huyo alifariki papo hapo.
Eric Omondi: Kakangu Fred hakuuawa, ilikuwa ajali ya kawaida
This story was originally published by Taifa Leo.
Read the full story at Taifa LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.