KAMPUNI kubwa ya muziki duniani na mpaishaji wa muziki wa Afrobeat, Trace, imetangaza kuwa itafanya toleo la 2025 nchini Zanzibar katika sherehe za tuzo za Trace zinazosherehekea ubunifu, mitindo na ubora wa muziki na utamaduni wa Kiafrika -unaosambaa duniani kote.
Katika uzinduzi wa Tuzo za Trace uliofanyika asubuhi hii katika The Mora, Waziri wa Utalii wa Zanzibar, Mudrik Soraga, alizungumzia thamani ambayo Zanzibar itapata kutokana na kuangaziwa kimataifa kwa wanamuziki, wabunifu, wajasiriamali na washawishi kutoka Afrika na diaspora ya Kiafrika.
“Tuzo hizi ni njia yetu ya kusherehekea athari za muziki na viongozi wengine katika mandhari ya utamaduni wa kisasa duniani, na sherehe hii ya kiwango cha juu itadhihirisha umuhimu wa tuzo zinazotolewa na umahiri wa wasanii wa Kiafrika katika tasnia ya muziki na sanaa duniani. Wamechagua mahala bora kabisa duniani kwa tuzo hizi,” aliongezea.
Tuzo za Trace zitafanyika Zanzibar kuanzia 24 hadi 25, 2025, kwa ushirikiano na Wizara ya Utalii ya Zanzibar na zitafanyika katika The Mora Resort shukrani kwa Meneja Masoko wa hoteli hiyo, Bi. Porche Dumagude. “Hakuna mahali bora zaidi pa kufanyika usiku wa tuzo kuliko The Mora,” aliongeza.
“Tukio hilo litajumuisha sherehe ya muziki ya mubashara inayotangazwa kwa saa tatu ambayo inahitaji maeneo na majukwaa ya kiwango cha juu yanayofaa tukio kama hili. Sisi Showtime tuko tayari kusaidia tukio hili kwa uwezo wetu kiufundi usio na kifani,” amesema Ibrahim Mitawi, mmiliki wa kampuni ya Matukio na Burudani, Showtime, kampuni inayoongoza ya usimamizi wa matukio ya kijamii Tanzania.
Kampuni ya Showtim ya Zanzibar, imekuwa ikisimamia matukio makubwa ya kimataifa na hili linakidhi uwezo wake kwani wana miliki vifaa bora vya kiufundi kwa muziki na maonyesho mubashara nchini.
Tukio hilo litajumuisha maonyesho kutoka kwa wasanii wakubwa wa Kiafrika na wa asili ya Afrika duniani, na litafanyika mbele ya mashabiki 7000 wa muziki, wanamuziki, washawishi, wabunifu wa mitindo na watunga sera kutoka Afrika na duniani kote. Tuzo hizi zitasimamia aina mbalimbali za muziki kutoka Afrobeat hadi Dancehall, Afro-pop, Mbalax, Amapiano, Zouk, Kizomba, Genge, Coupé Décalé, Bongo Flava, Soukous, Gospel, Rap, Kompa, R&B, na Rumba, na kuwatunuku wasanii wa sanaa mbalimbali za kitamaduni.
Akizungumza katika tukio hilo, Mwanzilishi mwenza na Mkurugenzi Mtendaji wa Trace Olivier Laouchez amesema, “Tumafurahi sana kuweza kuandaa Tuzo za Muziki za Trace hapa Zanzibar kwani tunaona tuzo hizi ni kama sherehe ya kimataifa ya utamaduni wa Kiafrika katika nchi hii nzuri na bora zaidi, ikitangaza Zanzibar kama kivutio cha utalii wa kitamaduni, na kuandaa matukio ya kiwango cha juu. Zanzibar na Tanzania zitakuwa jukwaa kubwa kwa sekta ya utalii kuonyesha vivutio vyake mbalimbali ikiwa ni pamoja na urithi wetu wa kitamaduni pamoja na Mji Mkongwe, ambao ni Eneo la Urithi wa Dunia.”
“Tuzo za Trace zitaonyeshwa moja kwa moja kwenye vituo vya Trace katika nchi zaidi ya 180 duniani kote,” alithibitisha Bi. Valerie Gilles-Alexia, Mkuu wa Maudhui, Mawasiliano na Ofisi ya CSR ya Tuzo za Trace, akiongeza kuwa uchaguzi wa Zanzibar ulikuwa sahihi kwa wapenda muziki duniani.
“Sisi wa Showtime tuko tayari kuitangaza Zanzibar ulimwenguni,” ameongeza Mitawi wa Showtime.The post Mora mwenyeji tuzo za trace Zanzibar first appeared on HabariLeo.
Mora mwenyeji tuzo za trace Zanzibar

This story was originally published by Habari Leo.
Read the full story at Habari LeoRelated stories
EntertainmentSherehe, muziki, ghadhabu Eldoret Sikukuu ya Mashujaa
MAELFU ya Wakenya walifurika katika Uwanja wa Kipchoge Keino mjini Eldoret kusherehekea Sikukuu ya Mashujaa, huku muziki, gwaride la kijeshi, nyimbo za kizalendo na mavazi ya rangi za bendera ya taifa yakitawala hafla hiyo. Sherehe hizo za kitaifa pia ziligubikwa na hasira baada ya uwanja wenye uwezo wa kuchukua watu 15,000 kujaa kabla ya alfajiri, na kuwaacha maelfu ya wananchi nje licha ya kusafiri usiku kucha kuhudhuria. Kufikia saa tisa usiku, viti vilikuwa vimejaa, huku milango ikifungwa saa kumi na moja alfajiri. Waliokosa nafasi walilalamika kuwa walikuwa wamevumilia baridi kwa saa nyingi wakitarajia kushiriki hafla hiyo ya kihistoria. Ndani ya uwanja, burudani iliwafurahisha waliofanikiwa kuingia. Kundi la Maroon Commandos, kwaya za kitaifa na wasanii wa eneo hilo walitumbuiza, huku gwaride la kijeshi na maafisa wa vitengo mbalimbali vya usalama likivutia watazamaji. Watoto wa shule na watu wazima walishiriki kuimba nyimbo za kizalendo, huku bendera za Kenya zikipepea. Baadhi ya wananchi walijipamba kwa rangi nyeusi, nyekundu, kijani na nyeupe, huku wengine wakijifunika bendera za taifa. Lakini nje ya uwanja, hali ilikuwa tofauti kwa sababu polisi walikabiliana na umati uliotaka kuingia, huku baadhi ya wananchi wakilalamikia matumizi ya nguvu na kutengwa katika sherehe zilizokuwa zikifanyika katika eneo lao. Badala ya kukata tamaa, David Mutua, mkazi wa Kipkaren, aligeuza barabara kuwa ukumbi wa burudani kwa kutumia redio yake kubadilisha hali ya huzuni kuwa shangwe. Alipocheza nyimbo za kizalendo kama Tushangilie Kenya Taifa Letu Tukufu, Kenya ni Mama Yangu na Naipenda Nchi Yangu, wananchi walianza kuimba, kupiga makofi na kucheza pamoja. Bw Mutua alisema ingawa hawakuweza kuingia uwanjani, mapenzi yake kwa nchi hayangezuiliwa na kuta za uwanja. Sherehe hizo pia zilikuwa jukwaa la kuonyesha utamaduni wa jamii za Kalenjin huku wananchi kutoka Uasin Gishu, Nandi na Elgeyo Marakwet wakijitokeza kwa mavazi ya kitamaduni, nyimbo na ujumbe wa umoja. Hafla hiyo ilikuwa ya kihistoria kwa kuwa kaunti hizo tatu zilikuwa zikishirikiana kuandaa sherehe za kitaifa kwa mara ya kwanza. Msongamano wa watu ulisababisha foleni barabarani, huku wafanyabiashara wakitumia fursa hiyo kuuza vyakula na bidhaa kwa wageni.
EntertainmentVP agrees to become basketball patron, names Alikiba, Harmonize as influential figures
DAR ES SALAAM: VICE President Deogratius Ndejembi, has agreed to become the patron of basketball in the country, expressing his passion for the sport and his ambition to see it achieve popularity comparable to football. He urged artists and businesspeople to invest in basketball by owning teams, saying greater private investment would increase competition and…
EntertainmentTJ Vybez expands creative footprint with cinematic visual for ‘YAWA’
By Benjamin Njoku Rising Afrosounds star TJ Vybez is steadily carving out his own lane in Nigeria’s competitive music scene with a sound built on confidence, relatable storytelling and contemporary African rhythms. The singer, who has to his credit songs like ‘Illegal”, “Myself”, “Available” and ‘Baddie” from his EP “I Must Succeed” is expanding his […]
EntertainmentA saint has joined the angels – Tope Alabi mourns Toluwanisings
Nigerian gospel singer Tope Alabi has expressed sadness over the passing of gospel artiste Olayemi Bolaji, popularly known as Toluwanisings, who died at age 41.